Fake iphone: ਐਪਲ ਕੰਪਨੀ ਸਮਾਰਟਫੋਨ ਦੀ ਦੁਨੀਆ 'ਚ ਕਾਫੀ ਮਸ਼ਹੂਰ ਹੈ। ਹੱਥ 'ਚ ਐਪਲ ਫ਼ੋਨ ਹੋਣਾ ਸਟੇਟਸ ਸਿੰਬਲ ਸਮਝਿਆ ਜਾਂਦਾ ਹੈ। ਸੁਰੱਖਿਆ ਦੇ ਨਜ਼ਰੀਏ ਤੋਂ ਵੀ ਇਸ ਦਾ ਕੋਈ ਤੋੜ ਨਹੀਂ। ਲੋਕ ਇਸ ਕੰਪਨੀ 'ਤੇ ਅੰਨ੍ਹਾ ਭਰੋਸਾ ਕਰਦੇ ਹਨ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਹਾਲ ਹੀ 'ਚ ਇਸ ਦਾ ਫਰਜ਼ੀ ਵਰਜ਼ਨ ਵੀ ਬਾਜ਼ਾਰ 'ਚ ਸਾਹਮਣੇ ਆਇਆ ਹੈ।
ਦਰਅਸਲ ਲੋਕ ਸਹੂਲਤ ਲਈ ਮਹਿੰਗੇ ਫੋਨ ਖਰੀਦਦੇ ਹਨ, ਪਰ ਜੇਕਰ ਇਹ ਨਕਲੀ ਨਿਕਲੇ ਤਾਂ ਇਹ ਕਿੰਨਾ ਗਲਤ ਹੋਵੇਗਾ। ਨਕਲੀ ਐਪਲ ਫੋਨਾਂ ਦਾ ਵਪਾਰ ਸਿਰਫ ਬਾਜ਼ਾਰ 'ਚ ਹੀ ਨਹੀਂ ਸਗੋਂ ਆਨਲਾਈਨ ਸਟੋਰਾਂ 'ਤੇ ਵੀ ਫੈਲਿਆ ਹੋਇਆ ਹੈ। ਐਪਲ ਦੇ ਇਹ ਨਕਲੀ ਫੋਨ ਦੇਖਣ 'ਚ ਬਿਲਕੁਲ ਅਸਲੀ ਵਰਗੇ ਹਨ, ਪਰ ਇਹ ਕੰਪਨੀ ਦੁਆਰਾ ਨਹੀਂ ਬਣਾਏ ਜਾਂਦੇ।
ਜੇਕਰ ਤੁਹਾਨੂੰ ਵੀ ਸ਼ੱਕ ਹੈ ਕਿ ਕਿਸੇ ਨੇ ਤੁਹਾਡੇ ਨਾਲ ਧੋਖਾ ਕੀਤਾ ਹੈ, ਤਾਂ ਤੁਸੀਂ ਚੈੱਕ ਕਰ ਸਕਦੇ ਹੋ ਕਿ ਤੁਹਾਡੇ ਹੱਥ ਵਿੱਚ ਮੌਜੂਦ ਫ਼ੋਨ ਅਸਲੀ ਹੈ ਜਾਂ ਨਕਲੀ। ਸਭ ਤੋਂ ਦਿਲਚਸਪ ਗੱਲ ਇਹ ਹੈ ਕਿ ਇਹ ਮਿੰਟਾਂ ਵਿੱਚ ਪਤਾ ਲੱਗ ਜਾਵੇਗਾ।
ਇੰਝ ਚੈੱਕ ਕਰੋ ਅਸਲੀ ਨਕਲੀ ਦਾ ਫਰਕ
ਹਰ ਆਈਫੋਨ ਮਾਡਲ 'ਚ IMEI ਨੰਬਰ ਦਿੱਤਾ ਜਾਂਦਾ ਹੈ। ਸਭ ਤੋਂ ਆਸਾਨ ਤਰੀਕਾ ਫੋਨ 'ਚ IMEI ਨੰਬਰ ਚੈੱਕ ਕਰਨਾ ਹੈ। ਇਸ ਲਈ ਤੁਹਾਨੂੰ ਫੋਨ ਦੀ ਸੈਟਿੰਗ 'ਚ ਜਾਣਾ ਹੋਵੇਗਾ, ਜਿੱਥੇ ਜਨਰਲ 'ਤੇ ਟੈਪ ਕਰਨ ਤੋਂ ਬਾਅਦ ਅਬਾਊਟ ਆਪਸ਼ਨ 'ਤੇ ਟੈਪ ਕਰਦੇ ਹੀ IMEI ਨੰਬਰ ਦਿਖਾਈ ਦੇਵੇਗਾ।
ਅਜਿਹਾ ਕਰਨ ਤੋਂ ਬਾਅਦ ਜੇਕਰ ਤੁਹਾਨੂੰ IMEI ਜਾਂ ਸੀਰੀਅਲ ਨੰਬਰ ਨਜ਼ਰ ਨਹੀਂ ਆਉਂਦਾ ਤਾਂ ਸਮਝ ਲਓ ਕਿ ਤੁਹਾਡਾ ਫੋਨ ਫਰਜ਼ੀ ਹੈ। ਵੈਸੇ, ਇਸ ਦੀ ਸੱਚਾਈ ਜਾਣਨ ਲਈ, ਤੁਸੀਂ ਓਪਰੇਟਿੰਗ ਸਿਸਟਮ ਨੂੰ ਵੀ ਚੈੱਕ ਕਰ ਸਕਦੇ ਹੋ। ਦਰਅਸਲ, ਆਈਫੋਨ iOS 'ਤੇ ਚੱਲਦੇ ਹਨ, ਜੋ ਐਪਲ ਦਾ ਆਪਰੇਟਿੰਗ ਸਿਸਟਮ ਹੈ। ਇਹ ਐਂਡਰਾਇਡ ਤੋਂ ਵੱਖਰਾ ਹੈ।
ਓਪਰੇਟਿੰਗ ਸਿਸਟਮ ਦੀ ਇੰਝ ਕਰੋ ਜਾਂਚ
1. ਸਭ ਤੋਂ ਪਹਿਲਾਂ ਸੈਟਿੰਗ ਮੈਨਿਊ 'ਤੇ ਜਾਓ ਤੇ ਫਿਰ ਸਾਫਟਵੇਅਰ ਟੈਬ 'ਤੇ ਜਾਓ।
2. ਆਈਓਐਸ ਦੁਆਰਾ ਸੰਚਾਲਿਤ ਆਈਫੋਨ ਵਿੱਚ ਸਫਾਰੀ, ਹੈਲਥ, iMovie ਵਰਗੀਆਂ ਬਹੁਤ ਸਾਰੀਆਂ ਨੇਟਿਵ ਐਪਸ ਦਿਖਾਈ ਦੇਣਗੀਆਂ।
3. ਸਫਾਰੀ ਗੂਗਲ ਵਰਗਾ ਇੱਕ ਸਰਚ ਇੰਜਣ ਹੈ, ਜੋ ਸਿਰਫ ਆਈਫੋਨ ਵਿੱਚ ਉਪਲਬਧ ਹੈ।
4. ਇਕ ਹੋਰ ਗੱਲ, ਆਈਫੋਨ ਦਾ ਚਾਰਜਿੰਗ ਪੁਆਇੰਟ ਵੱਖਰਾ ਹੁੰਦਾ ਹੈ।
ਸੋ ਇਨ੍ਹਾਂ ਤਰੀਕਿਆਂ ਨਾਲ ਤੁਸੀਂ ਜਾਣ ਸਕਦੇ ਹੋ ਕਿ ਆਈਫੋਨ ਨਕਲੀ ਹੈ ਜਾਂ ਅਸਲੀ।