Metro Card Fraud: ਅੱਜਕੱਲ੍ਹ ਜ਼ਿਆਦਾਤਰ ਮੈਟਰੋ ਕਾਰਡ ਵਿੱਚ Near Field Communication Technology ਯਾਨੀ NFC ਦੀ ਵਰਤੋਂ ਕੀਤੀ ਜਾ ਰਹੀ ਹੈ। ਇਸ ਤਕਨੀਕ ਦੀ ਮਦਦ ਨਾਲ ਕਾਰਡ ਨੂੰ Touch ਕੀਤੇ ਬਿਨਾਂ ਭੁਗਤਾਨ ਕੀਤਾ ਜਾ ਸਕਦਾ ਹੈ। ਪਰ ਸਾਈਬਰ ਠੱਗਾਂ ਨੇ ਹੁਣ ਇਸ ਤਕਨੀਕ ਦਾ ਫਾਇਦਾ ਉਠਾਉਣਾ ਸ਼ੁਰੂ ਕਰ ਦਿੱਤਾ ਹੈ। ਇਹ ਧੋਖੇਬਾਜ਼ ਤੁਹਾਨੂੰ ਲਾਈਨ ਵਿੱਚ ਧੱਕਾ ਦਿੰਦੇ ਹਨ ਅਤੇ ਤੁਹਾਡੇ ਕਾਰਡ ਨੂੰ ਆਪਣੇ ਕੋਲ ਰੱਖ ਕੇ ਇੱਕ ਖਾਸ ਡਿਵਾਈਸ ਦੇ ਕੋਲ ਲੈ ਜਾਂਦੇ ਹਨ।
ਇਸ ਤੋਂ ਬਾਅਦ ਇਹ ਡਿਵਾਈਸ ਤੁਹਾਡੇ ਕਾਰਡ ਦੀ ਪੂਰੀ ਜਾਣਕਾਰੀ ਨੂੰ ਕਾਪੀ ਕਰਦਾ ਹੈ। ਇਸ ਤੋਂ ਬਾਅਦ ਕਾਪੀ ਕੀਤੀ ਗਈ ਜਾਣਕਾਰੀ ਮੁਤਾਬਕ ਠੱਗ ਇੱਕ ਫਰਜ਼ੀ ਕਾਰਡ ਬਣਾ ਕੇ ਪੂਰੇ ਪੈਸੇ ਕਢਵਾ ਲੈਂਦੇ ਹਨ। ਜੇਕਰ ਤੁਸੀਂ ਵੀ ਆਪਣੇ ਨਾਲ ਮੈਟਰੋ ਕਾਰਡ ਰੱਖਦੇ ਹੋ ਤਾਂ ਤੁਹਾਨੂੰ ਸਾਵਧਾਨ ਰਹਿਣ ਦੀ ਲੋੜ ਹੈ।
ਜਦੋਂ ਤੁਸੀਂ ਮੈਟਰੋ ਵਿੱਚ ਸਫ਼ਰ ਕਰ ਰਹੇ ਹੁੰਦੇ ਹੋ, ਤਾਂ ਕਾਰਡ ਨੂੰ ਹਮੇਸ਼ਾ ਸੁਰੱਖਿਅਤ ਥਾਂ 'ਤੇ ਰੱਖੋ। ਕਿਸੇ ਵੀ ਅਜਨਬੀ ਨੂੰ ਕਾਰਡ (Metro Card) ਦੇਣ ਤੋਂ ਵੀ ਬਚੋ। ਜੇਕਰ ਤੁਸੀਂ ਕਾਰਡ ਦੀ ਵਰਤੋਂ ਨਹੀਂ ਕਰ ਰਹੇ ਹੋ, ਤਾਂ ਇਸਨੂੰ ਆਪਣੀ ਜੇਬ ਜਾਂ ਪਰਸ ਵਿੱਚ ਸੁਰੱਖਿਅਤ ਰੱਖੋ। ਜੇਕਰ ਤੁਹਾਡਾ ਕਾਰਡ NFC ਫੰਕਸ਼ਨ ਦਾ ਸਮਰਥਨ ਕਰਦਾ ਹੈ ਅਤੇ ਤੁਸੀਂ ਇਸਦੀ ਵਰਤੋਂ ਨਹੀਂ ਕਰ ਰਹੇ ਹੋ, ਤਾਂ ਇਸਨੂੰ ਬੰਦ ਕਰ ਦਿਓ। ਧੋਖਾਧੜੀ ਦੇ ਮਾਮਲੇ ਵਿੱਚ, ਤੁਰੰਤ ਮੈਟਰੋ ਹੈਲਪਲਾਈਨ ਨੂੰ ਸੂਚਿਤ ਕਰੋ।
ਜੇਕਰ ਤੁਹਾਡਾ ਕਾਰਡ ਕਲੋਨ ਹੋ ਗਿਆ ਹੈ, ਤਾਂ ਤੁਰੰਤ ਮੈਟਰੋ ਹੈਲਪਲਾਈਨ ਨਾਲ ਸੰਪਰਕ ਕਰੋ ਅਤੇ ਆਪਣਾ ਬੈਂਕ ਖਾਤਾ ਵੀ ਚੈੱਕ ਕਰੋ। ਤੁਸੀਂ ਇਸ ਬਾਰੇ ਪੁਲਿਸ ਨੂੰ ਸ਼ਿਕਾਇਤ ਕਰ ਸਕਦੇ ਹੋ। ਅਜਿਹੀ ਸਥਿਤੀ ਵਿੱਚ ਕਾਰਡ ਨੂੰ ਤੁਰੰਤ ਬਲਾਕ ਕਰਵਾਓ। ਤੁਸੀਂ ਆਪਣੇ ਫੋਨ 'ਚ ਅਜਿਹੇ ਐਪਸ ਵੀ ਰੱਖ ਸਕਦੇ ਹੋ ਜੋ ਤੁਹਾਡੇ ਕਾਰਡ ਦੀ ਗਤੀਵਿਧੀ 'ਤੇ ਨਜ਼ਰ ਰੱਖਣਗੀਆਂ। ਜੇਕਰ ਤੁਹਾਡਾ ਕਾਰਡ ਸਮਾਰਟ ਹੈ ਤਾਂ ਇੱਕ ਮਜ਼ਬੂਤ ਪਿੰਨ ਸੈੱਟ ਕਰੋ। ਨਾਲ ਹੀ, ਮੈਟਰੋ ਸਟੇਸ਼ਨ 'ਤੇ ਕਤਾਰ ਵਿੱਚ ਭੀੜ ਹੋਣ ਤੋਂ ਬਚੋ।