Gurdaspur 'ਚ ਅੰਤਰਰਾਸ਼ਟਰੀ ਸਰਹੱਦ 'ਤੇ ਫਿਰ ਨਜ਼ਰ ਆਇਆ drone

ਪਾਕਿਸਤਾਨ ਤੋਂ ਭਾਰਤੀ ਖੇਤਰ ਵਿੱਚ ਲਗਾਤਾਰ ਡਰੋਨ ਭੇਜੇ ਜਾ ਰਹੇ ਹਨ। ਐਤਵਾਰ ਰਾਤ ਨੂੰ ਵੀ ਪੰਜਾਬ ਦੇ ਗੁਰਦਾਸਪੁਰ ਜ਼ਿਲ੍ਹੇ ਦੇ ਚੱਕਰੀ ਪੋਸਟ ਨੇੜੇ ਪਾਕਿਸਤਾਨੀ ਪਾਸਿਓਂ ਡਰੋਨਾਂ ਦੀ ਘੁਸਪੈਠ ਹੋਈ ਸੀ। ਇਹ ਡਰੋਨ ਬੀਐਸਐਫ ਦੀ ਗੋਲੀਬਾਰੀ ਤੋਂ ਬਾਅਦ ਵਾਪਸ ਪਰਤਿਆ। ਫੌਜ ਅਤੇ ਪੁਲਿਸ ਸਬੰਧਤ ਖੇਤਰ ਵਿੱਚ ਖੋਜ ਕਰ ਰਹੀ ਹੈ ਕਿ ਡਰੋਨ ਰਾਹੀਂ ਹਥਿਆਰ ਜਾਂ ਨਸ਼ੀਲੇ ਪਦਾਰਥ ਭੇਜੇ ਗਏ ਸੀ। ਪੰਜਾਬ ਦੇ ਸਰਹੱਦੀ ਜ਼ਿਲ੍ਹੇ ਗੁਰਦਾਸਪੁਰ ਦੇ ਚੱਕਰੀ ਚੌਕੀ ਨੇੜੇ ਐਤਵਾਰ ਰਾਤ ਨੂੰ ਡਰੋਨ ਘੁਸਪੈਠ ਹੋਈ। ਰਾਤ 9.40 ਵਜੇ ਪਾਕਿਸਤਾਨ ਤੋਂ ਆਇਆ ਡਰੋਨ ਕਰੀਬ 15 ਮਿੰਟ ਬਾਅਦ ਭਾਰਤੀ ਖੇਤਰ ਤੋਂ ਵਾਪਸ ਪਰਤਿਆ। ਡਰੋਨ ਦੀ ਆਵਾਜ਼ ਸੁਣ ਕੇ ਬੀਐਸਐਫ ਵੱਲੋਂ ਇਸ ਨੂੰ ਹੇਠਾਂ ਲਿਆਉਣ ਲਈ 48 ਰਾਉਂਡ ਫਾਇਰ ਕੀਤੇ ਗਏ। ਇਸ ਦੇ ਨਾਲ ਹੀ ਰੋਸ਼ਨੀ ਲਈ ਐਲੂ ਬੰਬ ਦੀ ਵਰਤੋਂ ਵੀ ਕੀਤੀ ਗਈ।