ਜੇਕਰ ਤੁਸੀਂ Mahindra Thar ਲੈਣ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਇਹ ਤੁਹਾਡੇ ਲਈ ਸਹੀ ਮੌਕਾ ਹੈ।

ਪੰਜਾਬ 'ਚ ਵੀ ਥਾਰ ਨੂੰ ਲੈ ਕੇ ਨੌਜਵਾਨ ਮੁੰਡੇ-ਕੁੜੀਆਂ ਦੇ ਵਿੱਚ ਵੱਖਰਾ ਹੀ ਕ੍ਰੇਜ਼ ਹੈ।

ਮਹਿੰਦਰਾ ਸਤੰਬਰ 2024 ਤੋਂ ਪਹਿਲਾਂ ਆਪਣੀਆਂ ਕਈ ਕਾਰਾਂ 'ਤੇ ਬੰਪਰ ਛੋਟ ਦੇ ਰਹੀ ਹੈ, ਜੋ ਤਿਉਹਾਰਾਂ ਦੇ ਸੀਜ਼ਨ ਤੋਂ ਠੀਕ ਪਹਿਲਾਂ ਆਈ ਹੈ।

ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਮਹਿੰਦਰਾ ਥਾਰ ਦੇ ਵੱਖ-ਵੱਖ ਵੇਰੀਐਂਟਸ 'ਤੇ ਕਿੰਨਾ ਡਿਸਕਾਊਂਟ ਮਿਲ ਰਿਹਾ ਹੈ।

ਥਾਰ ਰੌਕਸ 5-ਡੋਰ ਵੇਰੀਐਂਟ ਦੇ ਸਫਲ ਲਾਂਚ ਤੋਂ ਬਾਅਦ, ਮਹਿੰਦਰਾ ਥਾਰ 3 ਡੋਰ 'ਤੇ ਭਾਰੀ ਛੋਟ ਮਿਲ ਰਹੀ ਹੈ।

ਮਹਿੰਦਰਾ ਥਾਰ ਦੀ ਸ਼ੁਰੂਆਤੀ ਕੀਮਤ 12 ਲੱਖ 99 ਹਜ਼ਾਰ ਰੁਪਏ ਹੈ ਜੋ 20 ਲੱਖ 49 ਹਜ਼ਾਰ ਰੁਪਏ ਤੱਕ ਜਾਂਦੀ ਹੈ।

ਹੁਣ ਕੰਪਨੀ ਥਾਰ 'ਤੇ 1 ਲੱਖ 50 ਹਜ਼ਾਰ ਰੁਪਏ ਦਾ ਡਿਸਕਾਊਂਟ ਦੇ ਰਹੀ ਹੈ।

ਇਹ ਛੋਟ ਸਾਰੇ 2WD ਅਤੇ 4WD ਪੈਟਰੋਲ ਅਤੇ ਡੀਜ਼ਲ ਵੇਰੀਐਂਟ 'ਤੇ ਦਿੱਤੀ ਜਾ ਰਹੀ ਹੈ।

ਇਸ ਤੋਂ ਇਲਾਵਾ ਕੰਪਨੀ ਆਲ-ਇਲੈਕਟ੍ਰਿਕ XUV400 EL Pro ਵੇਰੀਐਂਟ 'ਤੇ ਵੱਡੀ ਛੋਟ ਦੇ ਰਹੀ ਹੈ।

ਫਿਲਹਾਲ ਇਸ ਦੀ ਮੌਜੂਦਾ ਐਕਸ-ਸ਼ੋਰੂਮ ਕੀਮਤ 17.69 ਲੱਖ ਰੁਪਏ ਹੈ। ਇਸ 'ਤੇ ਤੁਸੀਂ 3 ਲੱਖ ਰੁਪਏ ਤੱਕ ਦਾ ਡਿਸਕਾਊਂਟ ਲੈ ਸਕਦੇ ਹੋ।