ਆਯੁਰਵੇਦ ਅਨੁਸਾਰ ਜੇਕਰ ਪਾਣੀ ਸਹੀ ਢੰਗ ਨਾਲ ਪੀਤਾ ਜਾਵੇ, ਤਾਂ ਕਈ ਬਿਮਾਰੀਆਂ ਤਾਂ ਅਜਿਹਾ ਹੀ ਸਰੀਰ ਤੋਂ ਦੂਰ ਰਹਿੰਦੀਆਂ ਹਨ। ਜਦ ਪਾਣੀ ਸਾਡੀ ਜ਼ਿੰਦਗੀ ਦਾ ਇੰਨਾ ਅਹਿਮ ਹਿੱਸਾ ਹੈ, ਤਾਂ ਫਿਰ ਕਿਉਂ ਨਾ ਇਹ ਵੀ ਜਾਣ ਲਿਆ ਜਾਵੇ ਕਿ ਇਸ ਨੂੰ ਪੀਣ ਦਾ ਢੰਗ ਕਿਹੋ ਜਿਹਾ ਹੋਣਾ ਚਾਹੀਦਾ ਹੈ। ਆਓ ਜਾਣ ਦੇ ਆਯੁਰਵੇਦ ਅਨੁਸਾਰ ਪਾਣੀ ਪੀਣ ਦੇ ਕੁਝ ਮੁੱਖ ਨਿਯਮ।

ਆਯੁਰਵੇਦ ਵੀ ਇਹੀ ਸਲਾਹ ਦਿੰਦਾ ਹੈ ਕਿ ਪਾਣੀ ਕਦੇ ਵੀ ਖੜ੍ਹੇ ਹੋ ਕੇ ਨਹੀਂ ਪੀਣਾ ਚਾਹੀਦਾ। ਅਸਲ ਵਿੱਚ, ਜਦੋਂ ਤੁਸੀਂ ਖੜ੍ਹੇ ਹੋ ਕੇ ਪਾਣੀ ਪੀਂਦੇ ਹੋ, ਤਾਂ ਸਰੀਰ ਉਸਨੂੰ ਠੀਕ ਢੰਗ ਨਾਲ ਅੱਬਜ਼ੌਰਬ ਨਹੀਂ ਕਰ ਪਾਉਂਦਾ।

ਇਸ ਕਾਰਨ ਕਿਡਨੀ 'ਤੇ ਵਾਧੂ ਦਬਾਅ ਪੈਂਦਾ ਹੈ, ਜਿਸ ਨਾਲ ਗੋਢਿਆਂ 'ਚ ਦਰਦ ਦੀ ਸਮੱਸਿਆ ਪੈਦਾ ਹੋ ਸਕਦੀ ਹੈ।

ਇਸ ਲਈ ਹਮੇਸ਼ਾ ਆਰਾਮ ਨਾਲ ਬੈਠ ਕੇ ਹੀ ਪਾਣੀ ਪੀਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।

ਅਕਸਰ ਲੋਕ ਜਲਦਬਾਜ਼ੀ ਵਿੱਚ ਬਹੁਤ ਸਾਰਾ ਪਾਣੀ ਇਕੋ ਵਾਰੀ ਗੱਟ-ਗੱਟ ਕਰਕੇ ਪੀ ਲੈਂਦੇ ਹਨ, ਪਰ ਆਯੁਰਵੇਦ ਅਨੁਸਾਰ ਇਹ ਆਦਤ ਬਿਲਕੁਲ ਗਲਤ ਹੈ।

ਆਯੁਰਵੇਦ ਵਿੱਚ ਤਾਂ ਪਾਣੀ ਨੂੰ ਵੀ ਖਾਣ ਵਾਲੀ ਢੰਗ ਨਾਲ ਪੀਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।

ਪਾਣੀ ਨੂੰ ਸੀਪ-ਸੀਪ ਕਰਕੇ ਐਵੇਂ ਪੀਓ ਜਿਵੇਂ ਤੁਸੀਂ ਉਸਨੂੰ ਚਬਾ ਰਹੇ ਹੋਵੋ। ਜਿੰਨਾ ਸਮਾਂ ਲੈ ਕੇ ਪਾਣੀ ਪੀਤਾ ਜਾਂਦਾ ਹੈ, ਉਹਨਾ ਹੀ ਇਹ ਸਰੀਰ ਲਈ ਲਾਭਕਾਰੀ ਸਾਬਤ ਹੁੰਦਾ ਹੈ।

ਇਸ ਤਰੀਕੇ ਨਾਲ ਪਾਣੀ ਅਤੇ ਮੂੰਹ ਦੀ ਲਾਰ ਆਪਸ ਵਿੱਚ ਚੰਗੀ ਤਰ੍ਹਾਂ ਮਿਕਸ ਹੋ ਜਾਂਦੇ ਹਨ, ਜੋ ਪਾਚਣ ਤੰਤਰ ਲਈ ਬਹੁਤ ਫਾਇਦੇਮੰਦ ਹੁੰਦੇ ਹਨ।

ਇਹ ਗੱਲ ਵੀ ਤੁਸੀਂ ਘਰ ਦੇ ਵੱਡਿਆਂ ਤੋਂ ਅਕਸਰ ਸੁਣੀ ਹੋਵੇਗੀ ਕਿ ਖਾਣੇ ਤੋਂ ਥੋੜ੍ਹੀ ਦੇਰ ਪਹਿਲਾਂ ਜਾਂ ਤੁਰੰਤ ਬਾਅਦ ਪਾਣੀ ਨਹੀਂ ਪੀਣਾ ਚਾਹੀਦਾ।

ਆਯੁਰਵੇਦ ਅਨੁਸਾਰ, ਬਹੁਤ ਠੰਢਾ ਪਾਣੀ ਪੀਣ ਤੋਂ ਵੀ ਪਰਹੇਜ਼ ਕਰਨਾ ਚਾਹੀਦਾ ਹੈ। ਠੰਢਾ ਪਾਣੀ ਪੀਣ ਨਾਲ ਕਬਜ਼ ਅਤੇ ਪਾਚਣ ਸੰਬੰਧੀ ਸਮੱਸਿਆਵਾਂ ਹੋ ਸਕਦੀਆਂ ਹਨ।

ਗਰਮੀਆਂ ਵਿੱਚ ਫਰਿੱਜ ਦਾ ਠੰਢਾ ਪਾਣੀ ਚਾਹੇ ਥੋੜੀ ਦੇਰ ਲਈ ਰਾਹਤ ਦੇਵੇ, ਪਰ ਇਹ ਸਿਹਤ ਲਈ ਠੀਕ ਨਹੀਂ ਹੁੰਦਾ।

ਇਸ ਲਈ ਆਯੁਰਵੇਦ ਦੀ ਸਲਾਹ ਇਹ ਹੈ ਕਿ ਹਮੇਸ਼ਾ ਕਮਰੇ ਦੇ ਤਾਪਮਾਨ ਵਾਲਾ ਪਾਣੀ ਪੀਣਾ ਚਾਹੀਦਾ ਹੈ।

ਜੇਕਰ ਬਹੁਤ ਗਰਮੀ ਹੋਵੇ ਤਾਂ ਤੁਸੀਂ ਘੜੇ ਦਾ ਠੰਢਾ ਪਾਣੀ ਪੀ ਸਕਦੇ ਹੋ ਜਾਂ ਫਿਰ ਫਰਿੱਜ ਦੇ ਪਾਣੀ ਵਿੱਚ ਨਾਰਮਲ ਪਾਣੀ ਮਿਲਾ ਕੇ ਪੀ ਸਕਦੇ ਹੋ।