ਕਾਲੇ ਵਾਲ ਸਭ ਨੂੰ ਪਸੰਦ ਹੁੰਦੇ ਹਨ, ਪਰ ਜੇ ਇਹ ਸਮੇਂ ਤੋਂ ਪਹਿਲਾਂ ਚਿੱਟੇ ਹੋਣ ਲੱਗਦੇ, ਤਾਂ ਵਿਅਕਤੀ ਉਮਰ ਤੋਂ ਵੱਧ ਨਜ਼ਰ ਆਉਣ ਲੱਗ ਪੈਂਦਾ ਹੈ। ਇਸ ਦਾ ਮੁੱਖ ਕਾਰਨ ਗਲਤ ਖਾਣ-ਪੀਣ, ਤਣਾਅ ਅਤੇ ਪੌਸ਼ਟਿਕ ਖੁਰਾਕ ਦੀ ਕਮੀ ਹੈ।

ਲੋਕ ਚਿੱਟੇ ਵਾਲ ਲੁਕਾਉਣ ਲਈ ਰੰਗ ਜਾਂ ਹੀਨਾ ਲਾਉਂਦੇ ਹਨ, ਪਰ ਇਹ ਹਮੇਸ਼ਾ ਨਹੀਂ ਚੱਲਦੇ।

ਕਈ ਵਾਰੀ ਰੰਗ ਵਾਲਾਂ ਅਤੇ ਚਮੜੀ ਨੂੰ ਨੁਕਸਾਨ ਪਹੁੰਚਾਉਂਦੇ ਹਨ। ਇਸ ਲਈ ਕੁਦਰਤੀ ਘਰੇਲੂ ਨੁਸਖਿਆਂ ਨਾਲ ਤੁਸੀਂ ਆਪਣੇ ਵਾਲ ਮੁੜ ਕਾਲੇ ਕਰ ਸਕਦੇ ਹੋ।

ਅਮਰੂਦ ਦੇ ਪੱਤਿਆਂ ਨੂੰ ਪੀਸ ਕੇ 10 ਮਿੰਟ ਰੋਜ਼ਾਨਾ ਵਾਲਾਂ 'ਤੇ ਲਗਾਓ ਬਾਅਦ 'ਚ ਸਿਰ ਧੋ ਲਓ। ਅਜਿਹਾ ਕਰਨ ਨਾਲ ਤੁਹਾਡੇ ਵਾਲ ਕਾਲੇ ਹੋਣੇ ਸ਼ੁਰੂ ਹੋ ਜਾਣਗੇ।

ਤੋਰੀ ਨੂੰ ਨਾਰੀਅਲ ਤੇਲ 'ਚ ਉਦੋਂ ਤੱਕ ਉਬਾਲੋ ਜਦੋਂ ਤਕ ਉਹ ਕਾਲੀ ਨਾ ਹੋ ਜਾਵੇ। ਇਸ ਤੇਲ ਨਾਲ ਸਿਰ ਦੀ ਮਾਲਿਸ਼ ਕਰੋ। ਇਸ ਨਾਲ ਫਾਇਦਾ ਮਿਲੇਗਾ

ਹਫਤੇ 'ਚ ਇਕ ਵਾਰ ਗਾਂ ਦੇ ਕੱਚੇ ਦੁੱਧ ਨਾਲ ਵਾਲਾਂ ਦੀਆਂ ਜੜ੍ਹਾਂ ਦੀ ਮਾਲਿਸ਼ ਕਰੋ। ਅੱਧੇ ਘੰਟੇ ਬਾਅਦ ਤਾਜੇ ਪਾਣੀ ਨਾਲ ਵਾਲ ਧੋ ਲਓ। ਅਗਲੇ ਦਿਨ ਚੰਗੀ ਤਰ੍ਹਾਂ ਸ਼ੈਂਪੂ ਦੇ ਨਾਲ ਸਿਰ ਨੂੰ ਧੋ ਲਓ।

ਹਫਤੇ 'ਚ 3 ਤੋਂ 4 ਬਲੈਕ ਟੀ ਜਾਂ ਕੌਫੀ ਦੇ ਪਾਣੀ ਨਾਲ ਵਾਲਾਂ ਧੋਵੋ ਹੌਲੀ-ਹੌਲੀ ਵਾਲਾਂ ਦਾ ਰੰਗ ਕਾਲਾ ਹੋਣਾ ਸ਼ੁਰੂ ਹੋ ਜਾਵੇਗਾ।

ਘੀਏ ਦੇ ਰਸ 'ਚ ਜੈਤੂਨ ਦਾ ਤੇਲ ਮਿਲਾ ਕੇ ਵਾਲਾਂ ਨੂੰ ਮਾਲਿਸ਼ ਕਰੋ। ਅੱਧੇ ਘੰਟੇ ਬਾਅਦ ਸਿਰ ਧੋ ਲਓ।

2 ਚਮਚੇ ਚਾਹ ਦੀ ਪੱਤੀ ਪਾਣੀ ਵਿੱਚ ਉਬਾਲੋ ਅਤੇ ਠੰਡੀ ਕਰ ਲਓ। ਇਸ ਪਾਣੀ ਨਾਲ ਵਾਲ ਧੋਵੋ।

ਧਿਆਨ ਰਹੇ ਕਿ ਸ਼ੈਂਪੂ ਨਾ ਵਰਤੋਂ, ਸਿਰਫ ਸਾਦੇ ਪਾਣੀ ਨਾਲ ਹੀ ਵਾਲ ਧੋਵੋ।