ਘਰ ‘ਚ ਇਦਾਂ ਬਣਾਓ ਆਂਵਲੇ ਦਾ ਮੁਰੱਬਾ?

ਆਂਵਲਾ ਵਿਟਾਮਿਨ ਸੀ ਦਾ ਵਧੀਆ ਸਰੋਤ ਹੈ, ਜੋ ਕਿ ਖਾਣ ਵਿੱਚ ਬਹੁਤ ਹੀ ਸੁਆਦਿਸ਼ਟ ਅਤੇ ਫਾਇਦੇਮੰਦ ਹੁੰਦਾ ਹੈ

ਆਂਵਲੇ ਨੂੰ ਸਲਾਦ, ਸਬਜੀ ਜਾਂ ਚਟਨੀ ਦੇ ਰੂਪ ਵਿੱਚ ਖਾਧਾ ਜਾਂਦਾ ਹੈ, ਪਰ ਸਭ ਤੋਂ ਜ਼ਿਆਦਾ ਆਂਵਲੇ ਦਾ ਮੁਰੱਬਾ ਪਸੰਦ ਕਰਦੇ ਹਨ

ਆਂਵਲੇ ਦਾ ਮੁਰੱਬਾ ਅਤੇ ਅਚਾਰ ਬਜ਼ਾਰ ਵਿੱਚ ਆਸਾਨੀ ਨਾਲ ਮਿਲ ਜਾਂਦਾ ਹੈ, ਜੋ ਕਿ ਸਾਲਾਂ ਤੱਕ ਖਰਾਬ ਨਹੀਂ ਹੁੰਦਾ ਹੈ

ਭਾਵੇਂ ਤਾਂ ਬਜ਼ਾਰ ਤੋਂ ਖਰੀਦਣ ਦੀ ਥਾਂ ਤੁਸੀਂ ਘਰ ਵਿੱਚ ਆਂਵਲੇ ਦਾ ਮੁਰੱਬਾ ਬਣਾ ਸਕਦੇ ਹੋ, ਆਓ ਜਾਣਦੇ ਹਾਂ ਕਿਵੇਂ

1 ਕਿਲੋ ਤਾਜ਼ਾ ਆਂਵਲੇ ਨੂੰ ਧੋ ਕੇ Fork ਦੀ ਮਦਦ ਨਾਲ ਪੂਰੇ ਆਂਵਲਿਆਂ ਵਿੱਚ ਚੰਗੀ ਤਰ੍ਹਾਂ ਛੇਦ ਕਰ ਲਓ ਤਾਂ ਕਿ ਚਾਂਸ਼ਨੀ ਅੰਦਰ ਜਾ ਸਕੇ

ਇਸ ਦੇ ਨਾਲ ਹੀ ਇੱਕ ਵੱਡੇ ਭਾਂਡੇ ਵਿੱਚ ਪਾਣੀ ਗਰਮ ਕਰਕੇ ਉਸ ਵਿੱਚ ਆਂਵਲੇ ਨੂੰ ਪਾ ਕੇ 10 ਤੋਂ 15 ਮਿੰਟ ਲਈ ਉਬਾਲ ਲਓ, ਜਦੋਂ ਤੱਕ ਇਹ ਨਰਮ ਨਾ ਹੋ ਜਾਵੇ

ਚਾਸ਼ਨੀ ਦੇ ਲਈ ਇੱਕ ਭਾਰੀ ਤਲੇ ਵਾਲੇ ਭਾਂਡੇ ਵਿੱਚ 1 ਕਿਲੋ ਚੀਨੀ ਅਤੇ 1 ਤੋਂ 2 ਕੱਪ ਪਾਣੀ ਪਾ ਕੇ ਚੀਨੀ ਨੂੰ ਘੁਲਣ ਤੱਕ ਗਰਮ ਕਰੋ

ਚੀਨੀ ਘੁਲਣ ਤੋਂ ਬਾਅਦ ਇਸ ਵਿੱਚ ਉਬਲੇ ਹੋਏ ਆਂਵਲੇ ਪਾ ਕੇ ਹਲਕੀ ਗੈਸ ‘ਤੇ 30 ਤੋਂ 40 ਮਿੰਟ ਤੱਕ ਚੰਗੀ ਤਰ੍ਹਾਂ ਪਕਾਓ

ਇਸ ਨੂੰ ਉਦੋਂ ਤੱਕ ਪਕਾਓ ਜਦੋਂ ਤੱਕ ਇਸ ਦੀ ਚਾਸ਼ਨੀ ਸ਼ਹਿਦ ਵਰਗੀ ਗਾੜ੍ਹੀ ਅਤੇ ਆਂਵਲੇ ਦਾ ਰੰਗ ਪਾਰਦਰਸ਼ੀ ਨਾ ਹੋ ਜਾਵੇ, ਫਿਰ ਇਸ ਨੂੰ ਠੰਡਾ ਹੋਣ ‘ਤੇ ਇੱਕ ਕੱਚ ਦੇ ਜਾਰ ਵਿੱਚ ਭਰ ਦਿਓ