ਬਰਸਾਤ ਦੇ ਮੌਸਮ ਵਿੱਚ ਹਵਾ ਵਿੱਚ ਨਮੀ ਵੱਧ ਜਾਂਦੀ ਹੈ ਜਿਸ ਕਾਰਨ ਬੈਕਟੀਰੀਆ ਆਸਾਨੀ ਨਾਲ ਵਧਣ ਲੱਗਦੇ ਹਨ। ਇਹ ਬੈਕਟੀਰੀਆ ਭੋਜਨ ਪਦਾਰਥਾਂ ਨੂੰ ਤੇਜ਼ੀ ਨਾਲ ਖਰਾਬ ਕਰ ਦਿੰਦੇ ਹਨ ਅਤੇ ਇਸ ਕਾਰਨ ਫਲ ਅਤੇ ਸਬਜ਼ੀਆਂ ਤੇਜ਼ੀ ਨਾਲ ਸੜਨ ਲੱਗਦੀਆਂ ਹਨ। ਅਜਿਹੇ 'ਚ ਕੁੱਝ ਲੋਕ ਆਲੂਆਂ ਦੇ ਸੜਨ ਤੋਂ ਪ੍ਰੇਸ਼ਾਨ ਰਹਿੰਦੇ ਹਨ। ਬਰਸਾਤ ਦੇ ਮੌਸਮ 'ਚ ਇਨ੍ਹਾਂ ਨੂੰ ਖਰਾਬ ਹੋਣ ਤੋਂ ਬਚਾਉਣਾ ਕਿਸੇ ਚੁਣੌਤੀ ਤੋਂ ਘੱਟ ਨਹੀਂ ਹੋਵੇਗਾ। ਅੱਜ ਤੁਹਾਨੂੰ ਦੱਸਾਂਗੇ ਆਲੂਆਂ ਨੂੰ ਸਟੋਰ ਕਰਨ ਦਾ ਸਹੀ ਤਰੀਕਾ ਕੀ ਹੈ? ਬਰਸਾਤ ਦੇ ਮੌਸਮ ਦੌਰਾਨ ਆਲੂਆਂ ਨੂੰ ਸੁੱਕੀ ਅਤੇ ਹਵਾਦਾਰ ਜਗ੍ਹਾ 'ਤੇ ਰੱਖੋ। ਨਮੀ ਵਾਲੀ ਥਾਂ 'ਤੇ ਰੱਖੇ ਜਾਣ 'ਤੇ ਆਲੂ ਜਲਦੀ ਸੜ ਸਕਦੇ ਹਨ। ਜੇਕਰ ਤੁਸੀਂ ਆਲੂਆਂ ਨੂੰ ਠੰਡੀ ਜਗ੍ਹਾ 'ਤੇ ਰੱਖੋਗੇ ਤਾਂ ਉਨ੍ਹਾਂ ਦੇ ਪੱਕਣ ਦੀ ਪ੍ਰਕਿਰਿਆ ਰੁਕ ਜਾਵੇਗੀ ਅਤੇ ਉਹ ਖਰਾਬ ਨਹੀਂ ਹੋਣਗੇ। ਇਸ ਲਈ ਜੇਕਰ ਉਹ ਖਰਾਬ ਹੋ ਰਹੇ ਹਨ ਤਾਂ ਤੁਸੀਂ ਉਨ੍ਹਾਂ ਨੂੰ ਫਰਿੱਜ 'ਚ ਰੱਖ ਸਕਦੇ ਹੋ। ਆਲੂਆਂ ਨੂੰ ਸਿੱਧੀ ਧੁੱਪ ਵਿਚ ਨਾ ਰੱਖੋ। ਇਨ੍ਹਾਂ ਨੂੰ ਧੁੱਪ ਵਿਚ ਰੱਖਣ ਨਾਲ ਉਹ ਹਰੇ ਹੋ ਸਕਦੇ ਹਨ ਅਤੇ ਇਨ੍ਹਾਂ ਵਿਚ ਪੌਦੇ ਉੱਗ ਆਉਂਦੇ ਨੇ। ਜਿਸ ਕਰਕੇ ਇਹ ਜਲਦੀ ਖਰਾਬ ਹੋ ਸਕਦੇ ਹਨ ਆਲੂਆਂ ਨੂੰ ਅਖਬਾਰ ਜਾਂ ਕਾਗਜ਼ ਵਿੱਚ ਲਪੇਟ ਕੇ ਰੱਖਣ ਨਾਲ ਉਹਨਾਂ ਦੀ ਨਮੀ ਘੱਟ ਜਾਂਦੀ ਹੈ ਅਤੇ ਉਹਨਾਂ ਨੂੰ ਸੜਨ ਤੋਂ ਰੋਕਦਾ ਹੈ। ਪਿਆਜ਼ ਦੇ ਨਾਲ ਕਦੇ ਵੀ ਆਲੂ ਨਾ ਰੱਖੋ ਕਿਉਂਕਿ ਪਿਆਜ਼ ਤੋਂ ਨਿਕਲਣ ਵਾਲੀਆਂ ਗੈਸਾਂ ਕਰਕੇ ਆਲੂ ਜਲਦੀ ਖਰਾਬ ਹੋ ਜਾਂਦੇ ਹਨ। ਆਲੂਆਂ ਨੂੰ ਸਮੇਂ-ਸਮੇਂ 'ਤੇ ਚੈੱਕ ਕਰੋ ਕਿ ਕੋਈ ਆਲੂ ਸੜ ਤਾਂ ਨਹੀਂ ਗਿਆ। ਕੁਝ ਲੋਕ ਆਲੂਆਂ ਨੂੰ ਸੁੱਕੀ ਮਿੱਟੀ ਵਿੱਚ ਦੱਬ ਕੇ ਰੱਖਦੇ ਹਨ ਤਾਂ ਜੋ ਇਸ ਨੂੰ ਸੜਨ ਤੋਂ ਬਚਾਇਆ ਜਾ ਸਕੇ। ਆਲੂਆਂ ਨੂੰ ਇੱਕ ਹਵਾਦਾਰ ਟੋਕਰੀ ਵਿੱਚ ਰੱਖਣਾ ਚਾਹੀਦਾ ਹੈ ਤਾਂ ਜੋ ਉਸ 'ਚ ਹਵਾ ਆ ਸਕੇ ਅਤੇ ਨਮੀ ਨਾ ਬਣੇ। ਇਨ੍ਹਾਂ ਤਰੀਕਿਆਂ ਨਾਲ ਤੁਸੀਂ ਬਰਸਾਤ ਦੇ ਮੌਸਮ ਵਿਚ ਆਲੂਆਂ ਨੂੰ ਸੜਨ ਤੋਂ ਬਚਾ ਸਕਦੇ ਹੋ।