ਕੀ ਤੁਹਾਨੂੰ ਕਦੇ ਕਿਸੇ ਚੀਜ਼ ਜਾਂ ਕਿਸੇ ਵਿਅਕਤੀ ਨੂੰ ਛੂਹਣ 'ਤੇ ਕਰੰਟ ਦਾ ਝਟਕਾ ਲੱਗਿਆ ਹੈ? ਬਹੁਤ ਸਾਰੇ ਲੋਕਾਂ ਨੂੰ ਇਸ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਅਤੇ ਇਹ ਝਟਕਾ ਬਿਲਕੁਲ ਬਿਜਲੀ ਦੇ ਝਟਕੇ ਵਾਂਗ ਮਹਿਸੂਸ ਹੁੰਦਾ ਹੈ।

ਭਾਵੇਂ ਇਹ ਝਟਕਾ ਖ਼ਤਰਨਾਕ ਨਹੀਂ ਹੈ, ਪਰ ਇਹ ਤੁਹਾਨੂੰ ਥੋੜ੍ਹਾ ਘਬਰਾਹਟ ਵਿਚ ਪਾ ਦਿੰਦਾ ਹੈ।

ਜੇ ਤੁਸੀਂ ਸਕੂਲ ਵਿੱਚ ਭੌਤਿਕ ਵਿਗਿਆਨ ਜਾਂ ਵਿਗਿਆਨ ਪੜ੍ਹੀ ਹੈ, ਤਾਂ ਤੁਹਾਨੂੰ ਯਾਦ ਹੋਵੇਗਾ ਕਿ ਏਟਮ ਬਾਰੇ ਪੜ੍ਹਾਇਆ ਜਾਂਦਾ ਸੀ।

ਏਟਮ ਵਿਚ 3 ਮੁੱਖ ਪਾਰਟ ਹੁੰਦੇ ਹਨ: ਇਲੈਕਟ੍ਰੌਨ, ਪ੍ਰੋਟੋਨ ਅਤੇ ਨਿਊਟ੍ਰੋਨ। ਇਹ ਤਿੰਨੋਂ ਸਾਡੇ ਸਰੀਰ ਵਿੱਚ ਵੀ ਮੌਜੂਦ ਹਨ ਅਤੇ ਕਰੰਟ ਲੱਗਣ ਦੀ ਸਥਿਤੀ ਵਿੱਚ ਇਹ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ।

ਏਟਮ ਵਿਚ ਇਲੈਕਟ੍ਰੌਨ (ਜੋ ਕਿ ਨੈਗੇਟਿਵ ਚਾਰਜ ਵਾਲੇ ਹੁੰਦੇ ਹਨ) ਅਤੇ ਪ੍ਰੋਟੋਨ (ਜੋ ਕਿ ਪਾਜ਼ੇਟਿਵ ਚਾਰਜ ਵਾਲੇ) ਹੁੰਦੇ ਹਨ।

ਕਈ ਵਾਰ ਸਰੀਰ ਵਿੱਚ ਇਲੈਕਟ੍ਰੌਨ ਦੀ ਗਿਣਤੀ ਵੱਧ ਜਾਂਦੀ ਹੈ, ਜਿਸ ਕਾਰਨ ਸਰੀਰ ਨੈਗੇਟਿਵ ਤੌਰ 'ਤੇ ਚਾਰਜ ਹੋ ਜਾਂਦਾ ਹੈ। ਜਦੋਂ ਇਹ ਸਰੀਰ ਕਿਸੇ ਵੀ ਪਾਜ਼ੇਟਿਵ ਚਾਰਜ ਵਾਲੀ ਵਸਤੂ ਨੂੰ ਛੂਹਦਾ ਹੈ, ਤਾਂ ਕਰੰਟ ਲੱਗਦਾ ਹੈ।

ਇਹ ਇੱਕ ਬਹੁਤ ਹੀ ਆਮ ਪ੍ਰਕਿਰਿਆ ਹੈ, ਪਰ ਇਹ ਅਨੁਭਵ ਕਾਫ਼ੀ ਹੈਰਾਨ ਕਰਨ ਵਾਲਾ ਹੈ।

ਜੇਕਰ ਤੁਹਾਡੇ ਸਰੀਰ ਵਿੱਚ ਪਾਜ਼ੇਟਿਵ ਚਾਰਜ ਹੈ ਅਤੇ ਤੁਸੀਂ ਕਿਸੇ ਨੈਗੇਟਿਵ ਚਾਰਜ ਵਾਲੀ ਸਤ੍ਹਾ ਨੂੰ ਛੂਹਦੇ ਹੋ, ਤਾਂ ਤੁਹਾਨੂੰ ਕਰੰਟ ਲੱਗ ਸਕਦਾ ਹੈ।

ਜੇਕਰ ਕੋਈ ਹੋਰ ਵਿਅਕਤੀ ਵੀ ਤੁਹਾਨੂੰ ਛੂਹਦਾ ਹੈ ਅਤੇ ਉਸਦੇ ਸਰੀਰ ਵਿਚ ਨੈਗੇਟਿਵ ਚਾਰਜ ਹੈ, ਤਾਂ ਤੁਹਾਨੂੰ ਦੋਵਾਂ ਨੂੰ ਕਰੰਟ ਲੱਗ ਸਕਦਾ ਹੈ।