ਇਸ ਸਾਲ ਅਦਾਕਾਰਾ ਸਰਗੁਣ ਮਹਿਤਾ ਖੂਬ ਸੁਰਖੀਆਂ ਵਿੱਚ ਰਹੀ। ਦਰਅਸਲ, ਇੱਕ ਤੋਂ ਬਾਅਦ ਇੱਕ ਸੋਨਮ ਦੀਆਂ ਕਈ ਹਿੱਟ ਫਿਲਮਾਂ ਰਿਲੀਜ਼ ਹੋਈਆਂ। ਅਦਾਕਾਰਾ ਲਈ ‘ਮੋਹ’ ਫਿਲਮ ਕਰੀਅਰ ਦੀ ਹੁਣ ਤੱਕ ਦੀ ਸਭ ਤੋਂ ਬੇਹਤਰੀਨ ਫਿਲਮ ਰਹੀ। ਇਸ ਦੇ ਨਾਲ ਨਾਲ ਸਰਗੁਣ ਨੇ ਇਸ ਸਾਲ ਬਾਲੀਵੁੱਡ ਫਿਲਮਾਂ ‘ਚ ਵੀ ਡੈਬਿਊ ਕੀਤਾ।

ਇਸ ਸਾਲ ਅਦਾਕਾਰਾ ਅਤੇ ਗਾਇਕਾ ਨਿਮਰਤ ਖਹਿਰਾ ਵੀ ਖੂਬ ਸੁਰਖੀਆਂ ਵਿੱਚ ਰਹੀ। ਫਿਲਮ ਸ਼ੌਕਣ-ਸ਼ੌਕਣੇ ਵਿੱਚ ਆਪਣੇ ਕਿਰਦਾਰ ਨਾਲ ਨਿਮਰਤ ਨੇ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ।

ਇਸ ਫਿਲਮ ਤੋਂ ਇਲਾਵਾ ਨਿਮਰਤ ਨੇ ਆਪਣੇ ਇੱਕ ਤੋਂ ਵੱਧ ਇੱਕ ਕਈ ਹਿੱਟ ਗੀਤ ਵੀ ਦਿੱਤੇ।

ਸੋਨਮ ਬਾਜਵਾ ਦੀ ਗੱਲ ਕਰਿਏ ਤਾਂ ਇਸ ਸਾਲ ਉਹ ਟੌਪ 5 ਅਭਿਨੇਤਰੀਆਂ ‘ਚ ਸ਼ਾਮਲ ਰਹੀ। ਇਸ ਸਾਲ ਸੋਨਮ ਦੀਆਂ ਕਈ ਫਿਲਮਾਂ ਰਿਲੀਜ਼ ਹੋਈਆਂ। ਸੋਨਮ ‘ਮੈਂ ਵਿਆਹ ਨਹੀਂ ਕਰਾਉਣਾ ਤੇਰੇ ਨਾਲ’, ‘ਸ਼ੇਰ ਬੱਗਾ’ ਤੇ ‘ਜਿੰਦ ਮਾਹੀ’ ਵਰਗੀ ਪੰਜਾਬੀ ਫਿਲਮਾਂ ‘ਚ ਐਕਟਿੰਗ ਕਰਦੀ ਨਜ਼ਰ ਆਈ।

ਫਿਲਮਾਂ ਦੇ ਨਾਲ-ਨਾਲ ਸੋਨਮ ਆਪਣੇ ਸ਼ੋਅ ‘ਦਿਲ ਦੀਆਂ ਗੱਲਾਂ 2’ ਰਾਹੀਂ ਕਾਫੀ ਸੁਰਖੀਆਂ ਬਟੋਰ ਰਹੀ ਹੈ। ਖਾਸ ਗੱਲ ਇਹ ਹੈ ਕਿ ਹਾਲ ਹੀ ‘ਚ ਸੋਨਮ ‘ਮੂਫਾਰਮ’ ਦੀ ਬਰਾਂਡ ਅੰਬੈਸਡਰ ਬਣੀ ਹੈ, ਜੋ ਕਿਸਾਨਾਂ ਦੇ ਲਈ ਕੰਮ ਕਰੇਗੀ।

ਨੀਰੂ ਬਾਜਵਾ ਨੇ ਟੀਵੀ ਦੇ ਨਾਲ-ਨਾਲ ਪੰਜਾਬੀ ਫਿਲਮਾਂ ‘ਚ ਵੱਖਰੀ ਪਹਿਚਾਣ ਬਣਾਈ। ਨੀਰੂ ਦੀਆਂ ਇਸ ਸਾਲ ਕਈ ਫਿਲਮਾਂ ਰਿਲੀਜ਼ ਹੋਈਆਂ। ਨੀਰੂ ਕੋਕਾ, ਬਿਊਟੀਫੁਲ ਬਿੱਲੋ, ਲੌਂਗ ਲਾਚੀ 2, ਮਾਂ ਦਾ ਲਾਡਲਾ, ਸਨੋਮੈਨ ਤੇ ਕ੍ਰਿਮੀਨਲ ਵਰਗੀਆਂ ਫਿਲਮਾਂ ;ਚ ਨਜ਼ਰ ਆਈ। ਹਾਲਾਂਕਿ ਫਿਲਮਾਂ ਨੂੰ ਛੱਡ ਆਪਣੀ ਖੂਬਸੂਰਤੀ ਦੇ ਚੱਲਦੇ ਅਦਾਕਾਰਾ ਚਰਚਾ ਵਿੱਚ ਰਹੀ।

ਇਸ ਤੋਂ ਇਲਾਵਾ ਤਾਨੀਆ ਵੀ ਪੰਜਾਬੀ ਇੰਡਸਟਰੀ ‘ਚ ਬੇਹਤਰੀਨ ਅਭਿਨੇਤਰੀਆਂ 'ਚ ਗਿਣੀ ਜਾਂਦੀ ਹੈ। ਇਸ ਸਾਲ ਤਾਨੀਆ ਦੀਆਂ 3 ਫਿਲਮਾਂ ਰਿਲੀਜ਼ ਹੋਈਆਂ, ਜਿਨ੍ਹਾਂ ਨੂੰ ਕਾਫੀ ਪਸੰਦ ਕੀਤਾ ਗਿਆ ਸੀ। ਉਹ ਫਿਲਮ ‘ਲੇਖ’, ‘ਬਾਜਰੇ ਦਾ ਸਿੱਟਾ’ ਤੇ ‘ਓਏ ਮੱਖਣਾ’ ‘ਚ ਨਜ਼ਰ ਆਈ ਸੀ।

ਪੰਜਾਬੀ ਅਦਾਕਾਰਾ ਰੁਬੀਨਾ ਬਾਜਵਾ ਇਸ ਸਾਲ ਆਪਣੇ ਵਿਆਹ ਨੂੰ ਲੈ ਸੁਰਖੀਆਂ ਵਿੱਚ ਰਹੀ। ਇਸ ਸਾਲ ਅਦਾਕਾਰਾ ਨੇ ਆਪਣੇ ਬੁਆਏਫ੍ਰੈਂਡ ਗੁਰਬਖਸ਼ ਸਿੰਘ ਚਾਹਲ ਨਾਲ ਵਿਆਹ ਤੋਂ ਬਾਅਦ ਨਵੀਂ ਜ਼ਿੰਦਗੀ ਦੀ ਸ਼ੁਰੂਆਤ ਕੀਤੀ। ਰੁਬੀਨਾ ਵੱਲੋਂ ਆਪਣੀ ਵੈਡਿੰਗ ਲੁੱਕ ਦੀਆਂ ਸ਼ਾਨਦਾਰ ਤਸਵੀਰਾਂ ਅਤੇ ਵੀਡੀਓਜ਼ ਵੀ ਸ਼ੇਅਰ ਕੀਤੇ ਗਏ।