Amazing Video: ਕਲਾਕਾਰ ਨੇ ਪੀਪਲ ਦੇ ਪੱਤੇ 'ਤੇ ਬਣਾਈ ਨਾਗਾਲੈਂਡ ਦੇ ਮੰਤਰੀ ਦੀ ਤਸਵੀਰ, ਰਚਨਾਤਮਕਤਾ ਦੇਖ ਲੋਕਾਂ ਨੇ ਕਿਹਾ ਕਮਾਲ
Trending: ਆਸਾਮ ਦੇ ਰਹਿਣ ਵਾਲੇ ਬਿਸ਼ਾਲ ਡੇਕਾ ਨਾਂ ਦੇ ਕਲਾਕਾਰ ਨੇ ਪੀਪਲ ਦੇ ਪੱਤੇ 'ਤੇ ਨਾਗਾਲੈਂਡ ਦੇ ਉੱਚ ਸਿੱਖਿਆ ਅਤੇ ਕਬਾਇਲੀ ਮਾਮਲਿਆਂ ਦੇ ਮੰਤਰੀ ਤੇਮਜੇਨ ਇਮਨਾ ਅਲੌਂਗ ਦੀ ਖੂਬਸੂਰਤ ਤਸਵੀਰ ਬਣਾਈ ਹੈ, ਜਿਸ ਦਾ ਫੈਨ ਖੁਦ ਮੰਤਰੀ ਬਣ ਗਿਆ ਹੈ
Viral Video: ਦੁਨੀਆ 'ਚ ਇੱਕ ਤੋਂ ਵਧ ਕੇ ਇੱਕ ਅਜਿਹੇ ਕਲਾਕਾਰ ਹਨ, ਜੋ ਆਪਣੀ ਕਲਾ ਨਾਲ ਲੋਕਾਂ ਨੂੰ ਹੈਰਾਨ ਕਰ ਦਿੰਦੇ ਹਨ। ਵੈਸੇ ਤਾਂ ਕਾਗਜ਼ ਦੇ ਪੰਨਿਆਂ 'ਤੇ ਵੀ ਕਿਸੇ ਵਿਅਕਤੀ ਦਾ ਸਹੀ ਚਿਹਰਾ ਬਣਾਉਣ ਲਈ ਕਲਾਕਾਰ ਨੂੰ ਪਸੀਨਾ ਆ ਜਾਂਦਾ ਹੈ, ਅਜਿਹੇ 'ਚ ਜ਼ਰਾ ਸੋਚੋ ਕਿ ਕੀ ਕਿਸੇ ਰੁੱਖ ਦੇ ਪੱਤਿਆਂ 'ਤੇ ਕਿਸੇ ਦੀ ਤਸਵੀਰ ਬਣਾਈ ਜਾ ਸਕਦੀ ਹੈ। ਅਸਾਮ ਦੇ ਰਹਿਣ ਵਾਲੇ ਇੱਕ ਕਲਾਕਾਰ ਨੇ ਕੁਝ ਅਜਿਹਾ ਹੀ ਕੀਤਾ ਹੈ, ਜਿਸ ਦੀ ਹੁਣ ਦੁਨੀਆ ਭਰ ਦੇ ਲੋਕਾਂ ਵੱਲੋਂ ਤਾਰੀਫ ਕੀਤੀ ਜਾ ਰਹੀ ਹੈ। ਬਿਸ਼ਾਲ ਡੇਕਾ ਨਾਂ ਦੇ ਇਸ ਕਲਾਕਾਰ ਨੇ ਪੀਪਲ ਦੇ ਪੱਤੇ 'ਤੇ ਨਾਗਾਲੈਂਡ ਦੇ ਉੱਚ ਸਿੱਖਿਆ ਅਤੇ ਕਬਾਇਲੀ ਮਾਮਲਿਆਂ ਦੇ ਮੰਤਰੀ ਤੇਮਜੇਨ ਇਮਨਾ ਅਲੌਂਗ ਦੀ ਖੂਬਸੂਰਤ ਤਸਵੀਰ ਬਣਾਈ ਹੈ, ਜਿਸ ਦਾ ਫੈਨ ਖੁਦ ਮੰਤਰੀ ਬਣ ਗਿਆ ਹੈ।
ਮੰਤਰੀ ਤੇਮਜੇਨ ਇਮਨਾ ਨੇ ਖੁਦ ਆਪਣੇ ਟਵਿੱਟਰ ਹੈਂਡਲ 'ਤੇ ਤਸਵੀਰਾਂ ਸਾਂਝੀਆਂ ਕੀਤੀਆਂ ਅਤੇ ਕੈਪਸ਼ਨ 'ਚ ਲਿਖਿਆ, 'ਇਹ ਬਹੁਤ ਪਿਆਰਾ ਹੈ! ਇਸ ਸੁੰਦਰ ਅਤੇ ਮਨਮੋਹਕ ਕਲਾ ਲਈ ਵਿਸ਼ਾਲ ਡੇਕਾ ਦਾ ਧੰਨਵਾਦ! ਦੋਸਤੋ, ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਇਹ ਪੇਂਟਿੰਗ ਪੀਪਲ ਦੇ ਪੱਤੇ 'ਤੇ ਬਣੀ ਹੈ। ਉਸ ਦੀ ਰਚਨਾਤਮਕਤਾ ਦੀ ਸ਼ਲਾਘਾ ਕਰਨੀ ਬਣਦੀ ਹੈ। ਤਸਵੀਰਾਂ ਤੋਂ ਇਲਾਵਾ ਉਨ੍ਹਾਂ ਨੇ ਇੱਕ ਵੀਡੀਓ ਵੀ ਸ਼ੇਅਰ ਕੀਤਾ ਹੈ, ਜਿਸ 'ਚ ਦੇਖਿਆ ਜਾ ਸਕਦਾ ਹੈ ਕਿ ਕਿਵੇਂ ਕਲਾਕਾਰ ਨੇ ਪੀਪਲ ਦੇ ਦਰੱਖਤ ਤੋਂ ਇਕ ਪੱਤਾ ਤੋੜਿਆ ਅਤੇ ਫਿਰ ਉਸ 'ਤੇ ਮੰਤਰੀ ਤੇਮਜੇਨ ਇਮਨਾ ਦੀ ਖੂਬਸੂਰਤ ਤਸਵੀਰ ਬਣਾਈ। ਇਹ ਅਜਿਹੀ ਪੇਂਟਿੰਗ ਹੈ, ਜਿਸ ਨੂੰ ਦੇਖ ਕੇ ਕੋਈ ਵੀ ਮੋਹਿਤ ਹੋ ਜਾਂਦਾ ਹੈ। ਮੰਤਰੀ ਤੇਮਜੇਨ ਇਮਨਾ ਇਸ ਪੇਂਟਿੰਗ ਤੋਂ ਇੰਨੇ ਪ੍ਰਭਾਵਿਤ ਹੋਏ ਹਨ ਕਿ ਉਨ੍ਹਾਂ ਨੇ ਟਵਿੱਟਰ 'ਤੇ ਇਸ ਨੂੰ ਆਪਣਾ ਡੀਪੀ ਬਣਾ ਲਿਆ ਹੈ।
ਇਨ੍ਹਾਂ ਤਸਵੀਰਾਂ ਨੂੰ ਜਿੱਥੇ ਹਜ਼ਾਰਾਂ ਲਾਈਕਸ ਮਿਲ ਚੁੱਕੇ ਹਨ, ਉੱਥੇ ਹੀ ਇਸ ਵੀਡੀਓ ਨੂੰ ਹਜ਼ਾਰਾਂ ਵਾਰ ਦੇਖਿਆ ਜਾ ਚੁੱਕਾ ਹੈ, ਜਦਕਿ ਲੋਕਾਂ ਨੇ ਵੱਖ-ਵੱਖ ਪ੍ਰਤੀਕਿਰਿਆਵਾਂ ਦਿੱਤੀਆਂ ਹਨ। ਕੁਝ ਕਹਿ ਰਹੇ ਹਨ ਕਿ ਇਹ ਪੇਂਟਿੰਗ ਬਹੁਤ ਹੀ ਸ਼ਾਨਦਾਰ ਹੈ, ਜਦਕਿ ਕੁਝ ਮੰਤਰੀ ਨੂੰ ਪਿਆਰਾ ਕਹਿ ਰਹੇ ਹਨ।
ਇਹ ਵੀ ਪੜ੍ਹੋ: Viral Video: ਹੁਣ ਰਾਤ ਨੂੰ ਵੀ ਘਾਹ ਚਰ ਸਕੇਗੀ ਗਾਂ, ਵਿਅਕਤੀ ਨੇ ਜੁਗਾੜੂ ਨਾਲ ਸਿਰ 'ਤੇ ਲਗਾਈ ਟਾਰਚ
ਇੱਕ ਯੂਜ਼ਰ ਨੇ ਕਲਾਕਾਰ ਦੀ ਰਚਨਾਤਮਕਤਾ ਨੂੰ 'ਅਸਾਧਾਰਨ ਪ੍ਰਤਿਭਾ' ਕਰਾਰ ਦਿੱਤਾ ਹੈ, ਜਦਕਿ ਇੱਕ ਹੋਰ ਯੂਜ਼ਰ ਨੇ ਮੰਤਰੀ ਬਾਰੇ ਲਿਖਿਆ ਹੈ ਕਿ 'ਤੁਸੀਂ ਸਿਰਫ਼ ਇੱਕ ਆਦਮੀ ਨਹੀਂ, ਤੁਸੀਂ ਇੱਕ ਮਹਾਨ ਇਨਸਾਨ ਹੋ'। ਇਸੇ ਤਰ੍ਹਾਂ ਕਈ ਹੋਰ ਯੂਜ਼ਰਸ ਨੇ ਵੱਖ-ਵੱਖ ਤਰ੍ਹਾਂ ਦੀਆਂ ਟਿੱਪਣੀਆਂ ਕੀਤੀਆਂ ਹਨ ਅਤੇ ਕੁਝ ਟਿੱਪਣੀਆਂ ਬਹੁਤ ਮਜ਼ਾਕੀਆ ਵੀ ਹਨ।
Before You Go
Punjabi Music | 100 ਸਾਲ ਪੁਰਾਣੇ ਪੱਥਰ ਦੇ ਰਿਕਾਰਡ ਸੰਭਾਲੇ, ਸੰਗੀਤ ਨੂੰ ਸਮਰਪਿਤ ਕੀਤੀ ਜਿੰਦਗੀ| Old Songs | Life
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
