Viral News: ਸ਼ੁਦਾਈਪੁਣਾ ਜਾਂ ਜਾਨੂੰਨ! ਬ੍ਰਿਟਨੀ ਸਪੀਅਰਸ ਵਰਗਾ ਦਿੱਸਣ ਲਈ ਬੰਦੇ ਨੇ ਖਰਚ ਦਿੱਤੇ 1 ਕਰੋੜ
Bryan Ray- Britney Spears’s die-hard fan: ਇਸ ਬਾਰੇ ਅਕਸਰ ਹੀ ਖਬਰਾਂ ਆਉਂਦੀਆਂ ਰਹਿੰਦੀਆਂ ਹਨ। ਹੁਣ ਅਜਿਹਾ ਹੀ ਇੱਕ ਵਿਅਕਤੀ ਚਰਚਾ ਵਿੱਚ ਹੈ, ਜੋ ਅਮਰੀਕੀ ਗਾਇਕਾ ਬ੍ਰਿਟਨੀ ਸਪੀਅਰਸ ਦਾ ਬਹੁਤ ਵੱਡਾ ਪ੍ਰਸ਼ੰਸਕ ਹੈ। ਬ੍ਰਾਇਨ ਰੇ ਨਾਂ ਦੇ ਵਿਅਕਤੀ ਨੇ ਖੁਲਾਸਾ ਕੀਤਾ ਹੈ
Bryan Ray- Britney Spears’s die-hard fan: ਲੋਕ ਆਪਣੇ ਪਸੰਦੀਦਾ ਸਿਤਾਰਿਆਂ ਵਾਂਗ ਦਿਖਣ ਲਈ ਕੀ-ਕੀ ਨਹੀਂ ਕਰਦੇ ਹਨ। ਇਸ ਬਾਰੇ ਅਕਸਰ ਹੀ ਖਬਰਾਂ ਆਉਂਦੀਆਂ ਰਹਿੰਦੀਆਂ ਹਨ। ਹੁਣ ਅਜਿਹਾ ਹੀ ਇੱਕ ਵਿਅਕਤੀ ਚਰਚਾ ਵਿੱਚ ਹੈ, ਜੋ ਅਮਰੀਕੀ ਗਾਇਕਾ ਬ੍ਰਿਟਨੀ ਸਪੀਅਰਸ ਦਾ ਬਹੁਤ ਵੱਡਾ ਪ੍ਰਸ਼ੰਸਕ ਹੈ। ਬ੍ਰਾਇਨ ਰੇ ਨਾਂ ਦੇ ਵਿਅਕਤੀ ਨੇ ਖੁਲਾਸਾ ਕੀਤਾ ਹੈ ਕਿ ਉਸ ਨੇ ਗਾਇਕਾ ਵਰਗਾ ਦਿਖਣ ਲਈ ਸਰਜਰੀ 'ਤੇ 100,000 ਪੌਂਡ (1 ਕਰੋੜ ਰੁਪਏ ਤੋਂ ਵੱਧ) ਖਰਚ ਕੀਤੇ ਹਨ। ਉਹ ਅਮਰੀਕੀ ਸੂਬੇ ਕੈਲੀਫੋਰਨੀਆ ਦੇ ਲਾਸ ਏਂਜਲਸ ਸ਼ਹਿਰ ਦਾ ਵਸਨੀਕ ਹੈ।
ਦਿ ਸਨ ਦੀ ਰਿਪੋਰਟ ਦੇ ਅਨੁਸਾਰ, ਬ੍ਰਾਇਨ ਰੇ ਨੇ ਬ੍ਰਿਟਨੀ ਸਪੀਅਰਸ ਵਰਗਾ ਦਿਖਣ ਲਈ 100 ਤੋਂ ਵੱਧ ਸਰਜਰੀਆਂ ਕਰਵਾਈਆਂ ਹਨ, ਜਿਸ ਵਿੱਚ ਮੁੱਖ ਤੌਰ 'ਤੇ ਉਸ ਦੇ ਨੱਕ, ਗੱਲ੍ਹਾਂ, ਵਾਲਾਂ ਤੇ ਅੱਖਾਂ ਦੀਆਂ ਸਰਜਰੀਆਂ ਸ਼ਾਮਲ ਹਨ। ਇਸ ਪ੍ਰਕਿਰਿਆ ਦੇ ਹਿੱਸੇ ਵਜੋਂ, ਉਸ ਨੇ ਬਹੁਤ ਸਾਰਾ ਬੋਟੌਕਸ ਇਲਾਜ ਲਿਆ ਹੈ।
View this post on Instagram
ਬ੍ਰਾਇਨ ਨੇ ਆਪਣੀਆਂ ਗੱਲ੍ਹਾਂ ਵਿੱਚ ਚਰਬੀ ਦੇ ਟੀਕੇ ਲਵਾਏ ਹਨ, ਲੇਜ਼ਰ ਵਾਲ ਹਟਵਾਏ ਹਨ ਤੇ ਬ੍ਰਿਟਨੀ ਦੀਆਂ 'ਵੱਡੀਆਂ ਸੁੰਦਰ ਅੱਖਾਂ' ਦੀ ਨਕਲ ਕਰਨ ਲਈ ਆਪਣੀਆਂ ਪਲਕਾਂ ਨੂੰ ਵੀ ਉੱਚਾ ਕਰਵਾਇਆ ਹੈ। ਉਸ ਨੇ ਇਹ ਵੀ ਸੰਕੇਤ ਦਿੱਤਾ ਹੈ ਕਿ ਉਹ ਉਦੋਂ ਤੱਕ ਰੁਕਣ ਵਾਲਾ ਨਹੀਂ ਜਦੋਂ ਤੱਕ ਉਹ ਬਿਲਕੁਲ ਬ੍ਰਿਟਨੀ ਸਪੀਅਰਸ ਵਰਗਾ ਦਿਖਾਈ ਨਹੀਂ ਦੇਣ ਲੱਗਦਾ। ਉਸ ਦਾ ਨਵਾਂ ਲੁੱਕ ਦੇਖ ਕੇ ਤੁਹਾਨੂੰ ਆਪਣੀਆਂ ਅੱਖਾਂ 'ਤੇ ਯਕੀਨ ਨਹੀਂ ਹੋਵੇਗਾ, ਜਿਸ 'ਚ ਉਹ ਲਗਪਗ ਬ੍ਰਿਟਨੀ ਵਰਗੀ ਲੱਗ ਰਿਹਾ ਹੈ।
ਪਹਿਲੀ ਸਰਜਰੀ 17 ਸਾਲ ਦੀ ਉਮਰ 'ਚ ਕਰਵਾਈ
ਬ੍ਰਾਇਨ ਰੇ ਇਸ ਸਮੇਂ 35 ਸਾਲ ਦਾ ਹੈ। ਉਸ ਨੇ ਦੱਸਿਆ ਕਿ ਜਦੋਂ ਉਹ ਸਿਰਫ 17 ਸਾਲ ਦਾ ਸੀ ਤਾਂ ਉਸ ਨੇ ਆਪਣੀ ਪਹਿਲੀ ਸਰਜਰੀ ਕਰਵਾਈ। ਉਸ ਦੀ ਮਾਂ ਨੇ ਇਸ 'ਤੇ £22,000 ਖਰਚ ਕੀਤੇ। ਉਸ ਨੇ ਡੇਲੀ ਸਟਾਰ ਨੂੰ ਦੱਸਿਆ, 'ਮੈਂ 17 ਸਾਲ ਦੀ ਉਮਰ ਤੋਂ ਇਹ ਕਰ ਰਿਹਾ ਹਾਂ ਤੇ ਮੈਂ ਅਜੇ ਤੱਕ ਨਹੀਂ ਰੁਕਿਆ।'
ਬ੍ਰਿਟਨੀ ਵਰਗਾ ਕਿਉਂ ਦਿਖਣਾ ਚਾਹੁੰਦਾ?
ਉਸ ਨੇ ਅੱਗੇ ਕਿਹਾ, 'ਜਦੋਂ ਮੈਂ ਆਪਣੇ ਆਪ ਨੂੰ ਸ਼ੀਸ਼ੇ 'ਚ ਦੇਖਦਾ ਹਾਂ ਤਾਂ ਮੈਨੂੰ ਬਹੁਤ ਖੁਸ਼ੀ ਮਹਿਸੂਸ ਹੁੰਦੀ ਹੈ। ਕੀ ਮੈਂ ਸੰਪੂਰਨ ਹਾਂ? ਨਹੀਂ, ਬਿਲਕੁਲ ਨਹੀਂ। ਮੈਂ ਹਰ ਕਿਸੇ ਦੀ ਤਰ੍ਹਾਂ ਇਨਸਾਨ ਹਾਂ ਤੇ ਮੈਂ ਸੁੰਦਰਤਾ ਦੇ ਇੱਕ ਖਾਸ ਪੱਧਰ ਨੂੰ ਪ੍ਰਾਪਤ ਕਰਨਾ ਚਾਹੁੰਦਾ ਹਾਂ। ਮੈਂ ਬ੍ਰਿਟਨੀ ਸਪੀਅਰਸ ਤੋਂ ਪ੍ਰੇਰਨਾ ਲੈਂਦਾ ਹਾਂ। ਮੈਂ ਉਸ ਦਾ ਕੱਟੜ ਪ੍ਰਸ਼ੰਸਕ ਹਾਂ। ਮੈਨੂੰ ਲੱਗਦਾ ਹੈ ਕਿ ਉਹ ਹਮੇਸ਼ਾ ਮੇਰੀਆਂ ਨਜ਼ਰਾਂ 'ਚ ਖੂਬਸੂਰਤੀ ਦਾ ਸਿਖਰ ਰਹੇਗੀ ਤੇ ਮੈਂ ਹਮੇਸ਼ਾ ਉਸ ਵਾਂਗ ਖੂਬਸੂਰਤ ਬਣਨ ਦੀ ਕੋਸ਼ਿਸ਼ ਕਰਾਂਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
