ਬਗੈਰ ਦਰਦ 1 ਮਿੰਟ 'ਚ ਮੌਤ, ਸਰਕਾਰ ਨੇ 'ਮੌਤ ਦੀ ਮਸ਼ੀਨ' ਨੂੰ ਦਿੱਤੀ ਕਾਨੂੰਨੀ ਮਨਜ਼ੂਰੀ
ਸਵਿਸ ਸਰਕਾਰ ਨੇ ਸੁਸਾਇਡ ਮਸ਼ੀਨਾਂ ਦੀ ਵਰਤੋਂ ਨੂੰ ਕਾਨੂੰਨੀ ਪ੍ਰਵਾਨਗੀ ਦੇ ਦਿੱਤੀ ਹੈ। ਇਸ ਨੂੰ ਬਣਾਉਣ ਵਾਲੀ ਕੰਪਨੀ ਦਾ ਦਾਅਵਾ ਹੈ ਕਿ ਇਸ ਮਸ਼ੀਨ ਨਾਲ 1 ਮਿੰਟ ਦੇ ਅੰਦਰ ਕੋਈ ਵੀ ਵਿਅਕਤੀ ਬਿਨਾਂ ਕਿਸੇ ਦਰਦ ਦੇ ਮਰ ਸਕਦਾ ਹੈ।
ਬਰਨ: ਸਵਿਸ ਸਰਕਾਰ ਨੇ ਸੁਸਾਇਡ ਮਸ਼ੀਨਾਂ ਦੀ ਵਰਤੋਂ ਨੂੰ ਕਾਨੂੰਨੀ ਪ੍ਰਵਾਨਗੀ ਦੇ ਦਿੱਤੀ ਹੈ। ਇਸ ਨੂੰ ਬਣਾਉਣ ਵਾਲੀ ਕੰਪਨੀ ਦਾ ਦਾਅਵਾ ਹੈ ਕਿ ਇਸ ਮਸ਼ੀਨ ਨਾਲ 1 ਮਿੰਟ ਦੇ ਅੰਦਰ ਕੋਈ ਵੀ ਵਿਅਕਤੀ ਬਿਨਾਂ ਕਿਸੇ ਦਰਦ ਦੇ ਮਰ ਸਕਦਾ ਹੈ। ਇਸ ਮਸ਼ੀਨ ਨੂੰ ਤਾਬੂਤ ਦੀ ਸ਼ਕਲ 'ਚ ਬਣਾਇਆ ਗਿਆ ਹੈ। ਇਸ ਮਸ਼ੀਨ ਰਾਹੀਂ ਆਕਸੀਜਨ ਦਾ ਪੱਧਰ ਬਹੁਤ ਘੱਟ ਜਾਂਦਾ ਹੈ, ਜਿਸ ਨਾਲ 1 ਮਿੰਟ ਦੇ ਅੰਦਰ ਮੌਤ ਹੋ ਜਾਂਦੀ ਹੈ।
ਐਗਜ਼ਿਟ ਇੰਟਰਨੈਸ਼ਨਲ ਨਾਂ ਦੀ ਸੰਸਥਾ ਦੇ ਨਿਰਦੇਸ਼ਕ ਡਾਕਟਰ ਫਿਲਿਪ ਨਿਟਸਕੇ ਨੇ ਇਸ 'ਮੌਤ ਦੀ ਮਸ਼ੀਨ' ਨੂੰ ਬਣਾਇਆ ਹੈ। ਉਨ੍ਹਾਂ ਨੂੰ 'ਡਾ. ਡੈਥ' ਵੀ ਕਿਹਾ ਜਾਂਦਾ ਹੈ। ਸਵਿਟਜ਼ਰਲੈਂਡ ਵਿੱਚ ਇੱਛਾ ਮੌਤ ਨੂੰ ਕਾਨੂੰਨੀ ਮਨਜ਼ੂਰੀ ਮਿਲੀ ਹੈ। ਐਗਜ਼ਿਟ ਇੰਟਰਨੈਸ਼ਨਲ ਦਾ ਦਾਅਵਾ ਹੈ ਕਿ ਪਿਛਲੇ ਸਾਲ ਸਵਿਟਜ਼ਰਲੈਂਡ ਵਿੱਚ 1,300 ਲੋਕਾਂ ਨੇ ਦੂਜਿਆਂ ਦੀ ਮਦਦ ਨਾਲ ਖੁਦਕੁਸ਼ੀ ਕੀਤੀ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਇਹ ਮਸ਼ੀਨ ਅਜਿਹੇ ਲੋਕਾਂ ਲਈ ਬਣਾਈ ਗਈ ਹੈ ਜੋ ਬੀਮਾਰੀ ਕਾਰਨ ਤੁਰਨ-ਫਿਰਨ ਤੋਂ ਅਸਮਰੱਥ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਸ ਮਸ਼ੀਨ ਨੂੰ ਅੰਦਰੋਂ ਵੀ ਚਲਾਇਆ ਜਾ ਸਕਦਾ ਹੈ। ਕੋਈ ਬਿਮਾਰ ਵਿਅਕਤੀ ਵੀ ਮਸ਼ੀਨ ਦੇ ਅੰਦਰ ਪਲਕ ਝਪਕ ਕੇ ਇਸ ਮਸ਼ੀਨ ਨੂੰ ਚਲਾ ਸਕਦਾ ਹੈ। ਮਸ਼ੀਨ ਨੂੰ ਇੱਕ ਬਾਇਓਡੀਗਰੇਡੇਬਲ ਕੈਪਸੂਲ ਨਾਲ ਫਿੱਟ ਕੀਤਾ ਗਿਆ ਹੈ ਜੋ ਇੱਕ ਤਾਬੂਤ ਦੇ ਤੌਰ ਤੇ ਵਰਤਿਆ ਜਾ ਸਕਦਾ ਹੈ।
ਇਸ ਮਸ਼ੀਨ ਦਾ ਨਾਂ Sarco ਰੱਖਿਆ ਗਿਆ ਹੈ ਅਤੇ ਇਸ ਦਾ ਪ੍ਰੋਟੋਟਾਈਪ ਹੁਣੇ-ਹੁਣੇ ਪੇਸ਼ ਕੀਤਾ ਗਿਆ ਹੈ। ਡਾ: ਨਿਟਸਕੇ ਨੇ ਦੱਸਿਆ ਕਿ ਜੇਕਰ ਸਭ ਕੁਝ ਠੀਕ ਰਿਹਾ ਤਾਂ ਅਗਲੇ ਸਾਲ ਤੱਕ ਇਹ ਮਸ਼ੀਨ ਉਪਲਬਧ ਹੋ ਜਾਵੇਗੀ। ਇਹ ਹੁਣ ਤੱਕ ਦਾ ਸਭ ਤੋਂ ਮਹਿੰਗਾ ਪ੍ਰੋਜੈਕਟ ਹੈ, ਪਰ ਅਸੀਂ ਇਸਦੇ ਬਹੁਤ ਨੇੜੇ ਹਾਂ।
ਹਾਲਾਂਕਿ ਅਜਿਹੀ ਮਸ਼ੀਨ ਬਣਾਉਣ ਲਈ ਡਾ: ਨਿਟਸਕੇ ਦੀ ਵੀ ਆਲੋਚਨਾ ਹੋ ਰਹੀ ਹੈ। ਕੁਝ ਲੋਕਾਂ ਨੇ ਮਸ਼ੀਨ ਦੀ ਵਰਤੋਂ ਕਰਨ ਦੇ ਤਰੀਕੇ 'ਤੇ ਸਵਾਲ ਉਠਾਏ ਹਨ। ਲੋਕਾਂ ਦਾ ਕਹਿਣਾ ਹੈ ਕਿ ਇਹ ਖਤਰਨਾਕ ਗੈਸ ਚੈਂਬਰ ਹੈ। ਕੁਝ ਲੋਕਾਂ ਦਾ ਇਹ ਵੀ ਕਹਿਣਾ ਹੈ ਕਿ ਇਹ ਮਸ਼ੀਨ ਲੋਕਾਂ ਨੂੰ ਖੁਦਕੁਸ਼ੀ ਲਈ ਉਕਸਾਏਗੀ।
ਇਸ ਸਮੇਂ ਦੋ ਮਸ਼ੀਨਾਂ ਦੇ ਪ੍ਰੋਟੋਟਾਈਪ ਤਿਆਰ ਹਨ। ਤੀਜੀ ਮਸ਼ੀਨ ਵੀ ਉਤਪਾਦਨ ਅਧੀਨ ਹੈ ਅਤੇ ਅਗਲੇ ਸਾਲ ਤੱਕ ਤਿਆਰ ਹੋਣ ਦੀ ਉਮੀਦ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
