ਥਾਣੇ ਜਾਣ ਲਈ ਸ਼ਰਾਬੀ ਨੇ ਖੁਦ ਹੀ ਪੁਲਿਸ ਨੂੰ ਘੁੰਮਾਇਆ ਫੋਨ, ਹੈਰਾਨ ਕਰ ਦੇਵੇਗਾ ਅਗਲਾ ਤਮਾਸ਼ਾ...ਵੀਡੀਓ ਵਾਇਰਲ

ਸ਼ਰਾਬ ਪੀਣਾ ਸਿਹਤ ਲਈ ਹਾਨੀਕਾਰਕ ਹੋ ਸਕਦਾ ਹੈ। ਇਸ ਲਈ ਬਹੁਤ ਸਾਰੇ ਲੋਕ ਇਸ ਆਦਤ ਤੋਂ ਪ੍ਰੇਸ਼ਾਨ ਵੀ ਹਨ ਤੇ ਇਸ ਨੂੰ ਛੱਡਣਾ ਚਾਹੁੰਦੇ ਹਨ ਪਰ ਇੱਕ ਸ਼ਖਸ ਦਾ ਵੀਡੀਓ ਇੰਟਰਨੈੱਟ ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ ਜੋ ਆਪਣੇ ਇਸ ਆਦਤ ਤੋਂ ਕਾਫੀ ਜ਼ਿਆਦਾ ਪ੍ਰੇਸ਼ਾਨ ਹੈ।

ਸੰਕੇਤਕ ਤਸਵੀਰ

ਚੰਡੀਗੜ੍ਹ: ਸ਼ਰਾਬ ਪੀਣਾ ਸਿਹਤ ਲਈ ਹਾਨੀਕਾਰਕ ਹੋ ਸਕਦਾ ਹੈ। ਇਸ ਲਈ ਬਹੁਤ ਸਾਰੇ ਲੋਕ ਇਸ ਆਦਤ ਤੋਂ ਪ੍ਰੇਸ਼ਾਨ ਵੀ ਹਨ ਤੇ ਇਸ ਨੂੰ ਛੱਡਣਾ ਚਾਹੁੰਦੇ ਹਨ ਪਰ ਇੱਕ ਸ਼ਖਸ ਦਾ ਵੀਡੀਓ ਇੰਟਰਨੈੱਟ ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ ਜੋ ਆਪਣੇ ਇਸ ਆਦਤ ਤੋਂ ਕਾਫੀ ਜ਼ਿਆਦਾ ਪ੍ਰੇਸ਼ਾਨ ਹੈ। ਵਿਅਕਤੀ ਆਪਣੀ ਆਦਤ ਤੋਂ ਇਸ ਹੱਦ ਤਕ ਦੁਖੀ ਹੋ ਗਿਆ ਕਿ ਉਸ ਨੇ ਸ਼ਰਾਬ ਦੇ ਨਸ਼ੇ ਵਿੱਚ ਹੀ ਪੁਲਿਸ ਨੂੰ 100 ਨੰਬਰ ਤੇ ਫੋਨ ਲਾ ਲਿਆ। ਪੁਲਿਸ ਜਦੋਂ ਉਸ ਕੋਲ ਪਹੁੰਚੀ ਤਾਂ ਵਿਅਕਤੀ ਪੁਲਿਸ ਨੂੰ ਕਹਿਣ ਲੱਗਾ ਕਿ "ਮੈਨੂੰ ਥਾਣੇ ਲੈ ਚੱਲੋ। ਮੈਂ ਸ਼ਰਾਬ ਬਹੁਤ ਪੀਂਦਾ ਹਾਂ। ਮੇਰੀ ਆਦਤ ਹੁਣ ਥਾਣੇ ਜਾ ਕੇ ਹੀ ਸੁਧਰੇਗੀ।"

ਥਾਣੇ ਜਾਣ ਲਈ ਸ਼ਰਾਬੀ ਨੇ ਪੁਲਿਸ ਨੂੰ ਆਪ ਹੀ ਲਾ ਲਿਆ ਫੋਨ, ਵੇਖੋ ਵਾਇਰਲ ਵੀਡੀਓ#ViralVideos #India #liquor #Police pic.twitter.com/ft6eEcu5bg

— ABP Sanjha (@abpsanjha) January 22, 2021

ਪੁਲਿਸ ਮੁਲਾਜ਼ਮਾਂ ਨੇ ਉਸ ਨੂੰ ਕਾਫੀ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ ਕਿ ਨਸ਼ਾ ਛੱਡਣ ਲਈ ਨਸ਼ਾ ਛਡਾਓ ਕੇਂਦਰ ਬਣੇ ਹੋਏ ਹਨ ਪਰ ਸ਼ਰਾਬੀ ਵਿਅਕਤੀ ਆਪਣੀ ਜ਼ਿੱਦ ਤੇ ਅੜਿਆ ਰਿਹਾ ਕੇ ਮੈਨੂੰ ਥਾਣੇ ਲੈ ਚਲੋ। ਇਹ ਵੀਡੀਓ ਕਿੱਥੋਂ ਦੀ ਹੈ ਤੇ ਵਿਅਕਤੀ ਦਾ ਕੀ ਨਾਮ ਹੈ, ਇਸ ਬਾਰੇ ਕੋਈ ਸਪਸ਼ੱਟ ਜਾਣਕਾਰੀ ਤਾਂ ਨਹੀਂ ਪਰ ਸੋਸ਼ਲ ਮੀਡੀਆ ਤੇ ਇਹ ਵੀਡੀਓ ਕਾਫੀ ਵਾਇਰਲ ਹੋ ਰਹੀ ਹੈ।