ਕੋਰੋਨਾ ਦੇ ਖੌਫ 'ਚ ਹੁਣ ਅਨੌਖੇ ਤਰੀਕੇ ਨਾਲ ਵਿਆਹ, ਲਾੜਾ-ਲਾੜੀ ਨੇ ਇੰਝ ਲਏ 7 ਫੇਰੇ

ਕੋਰੋਨਾਵਾਇਰਸ ਦਾ ਪ੍ਰਭਾਵ ਹੁਣ ਹੌਲੀ-ਹੌਲੀ ਸਾਡੀ ਜਿਦੰਗੀ ਤੇ ਵੇਖਿਆ ਜਾ ਰਿਹਾ ਹੈ। ਬਾਜ਼ਾਰ, ਟ੍ਰੇਨਾਂ ਅਤੇ ਵਿਆਹ-ਪਾਰਟੀ ਹੁਣ ਸੁਨੀਆਂ ਹੋ ਗਈਆਂ ਹਨ।

ਮੁੰਬਈ: ਕੋਰੋਨਾਵਾਇਰਸ ਦਾ ਪ੍ਰਭਾਵ ਹੁਣ ਹੌਲੀ-ਹੌਲੀ ਸਾਡੀ ਜਿਦੰਗੀ ਤੇ ਵੇਖਿਆ ਜਾ ਰਿਹਾ ਹੈ। ਬਾਜ਼ਾਰ, ਟ੍ਰੇਨਾਂ ਅਤੇ ਵਿਆਹ-ਪਾਰਟੀ ਹੁਣ ਸੁਨੀਆਂ ਹੋ ਗਈਆਂ ਹਨ। ਮੁੰਬਈ ਵਿੱਚ ਇੱਕ ਐਸਾ ਵਿਆਹ ਹੋਇਆ ਜਿਥੇ ਲਾੜਾ-ਲਾੜੀ ਸਣੇ ਵਿਆਹ 'ਚ ਪਹੁੰਚੇ ਸਾਰੇ ਬਰਾਤੀਆਂ ਅਤੇ ਫੇਰੇ ਕਰਾਉਣ ਵਾਲੇ ਪੰਡਿਤ ਨੇ ਵੀ ਮਾਸਕ ਪਾਇਆ ਹੋਇਆ ਸੀ। ਸ਼ਾਇਦ ਅਜਿਹਾ ਪਹਿਲੀ ਵਾਰ ਹੋਵੇਗਾ ਜਦੋਂ ਲਾੜਾ ਲਾੜੀ ਨੇ ਸੱਤ ਫੇਰੇ ਮਾਸਕ ਪਾ ਕਿ ਲਏ ਹੋਣ। ਇਸੇ ਦੌਰਾਨ ਮਹਾਰਾਸ਼ਟਰ ਦੇ ਉਪ ਮੁੱਖ ਮੰਤਰੀ ਅਜੀਤ ਪਵਾਰ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਕੋਰੋਨਾ ਕਾਰਨ ਆਉਣ ਵਾਲੇ ਵਿਆਹਾਂ ਨੂੰ ਟਾਲ ਦੇਣ। ਇਸ ਵਿਆਹ ਰਾਹੀਂ ਇਸ ਜੋੜੇ ਨੇ ਲੋਕਾਂ ਨੂੰ ਸਾਵਧਾਨੀ ਵਰਤਣ ਦਾ ਸੰਦੇਸ਼ ਵੀ ਦਿੱਤਾ ਹੈ। ਵਿਆਹ ਮੁੰਬਈ ਦੇ ਭੰਡੂਪ ਖੇਤਰ ਵਿੱਚ ਹੋਇਆ। ਅਜਿਹੀ ਸਥਿਤੀ ਵਿੱਚ ਵਿਆਹ ਵਿੱਚ ਸ਼ਾਮਲ ਹੋਣ ਵਾਲੀਆਂ ਦੋਵਾਂ ਧਿਰਾਂ ਦੇ ਲੋਕਾਂ ਨੇ ਦੂਰੋਂ ਇੱਕ ਦੂਜੇ ਨੂੰ ਵਧਾਈ ਦਿੱਤੀ। ਹਾਲਾਂਕਿ, ਪਹਿਲਾਂ ਪਹਿਲਾਂ ਲਾੜਾ ਅਤੇ ਲਾੜੀ ਵਿਆਹ ਨੂੰ ਮੁਲਤਵੀ ਕਰਨਾ ਚਾਹੁੰਦੇ ਸਨ, ਪਰ ਬਾਅਦ ਵਿੱਚ ਇਸ ਨੂੰ ਕਰਨ ਦਾ ਫੈਸਲਾ ਕੀਤਾ ਗਿਆ। ਲਾੜੇ-ਲਾੜੀ ਵਾਲੋਂ ਵਿਆਹ ਦੇ ਸਮਾਰੋਹ ਵਿੱਚ ਸ਼ਾਮਲ ਹੋਣ ਵਾਲੇ ਸਾਰੇ ਲੋਕਾਂ ਲਈ ਮਾਸਕ ਦਾ ਪ੍ਰਬੰਧ ਵੀ ਕੀਤਾ ਗਿਆ ਸੀ। ਪਹਿਲਾਂ ਇਸ ਵਿਆਹ ਲਈ 800 ਲੋਕਾਂ ਨੂੰ ਬੁਲਾਇਆ ਗਿਆ ਸੀ, ਪਰ ਸਿਰਫ 100 ਲੋਕ ਇਸ ਵਿੱਚ ਸ਼ਾਮਲ ਹੋਏ। ਮਹਾਰਾਸ਼ਟਰ ਦੇ ਸਿਹਤ ਮੰਤਰੀ ਰਾਜੇਸ਼ ਟੋਪੇ ਨੇ ਸ਼ਨੀਵਾਰ ਨੂੰ ਕਿਹਾ ਕਿ

" ਰਾਜ ਵਿੱਚ 11 ਨਵੇਂ ਮਾਮਲੇ ਸਾਹਮਣੇ ਆਉਣ ਨਾਲ ਕੋਰੋਨਾਵਾਇਰਸ ਪੋਜ਼ਟਿਵ ਮਰੀਜ਼ਾਂ ਦੀ ਗਿਣਤੀ ਵਿੱਚ ਵੱਡਾ ਵਾਧਾ ਹੋਇਆ ਹੈ। ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਕੋਰੋਨਾਵਾਇਰਸ ਦੇ ਪਸਾਰ ਨੂੰ ਰੋਕਣ ਲਈ ਜਨਤਕ ਆਵਾਜਾਈ ਦੀ ਵਰਤੋਂ ਤੋਂ ਪਰਹੇਜ਼ ਕਰਨ। "

-

ਟੋਪੇ ਨੇ ਕਿਹਾ ਕਿ ਰਾਜ ਵਿੱਚ ਕੋਰੋਨਾਵਾਇਰਸ ਪੋਜ਼ਟਿਵ ਮਰੀਜ਼ਾਂ ਦੀ ਗਿਣਤੀ 11 ਨਵੇਂ ਮਾਮਲਿਆਂ ਨਾਲ ਵਧ ਕੇ 63 ਹੋ ਗਈ ਹੈ।