Viral Video: ਮੰਗਵਾਈ ਚਿਕਨ ਬਿਰਯਾਨੀ, ਅੰਦਰੋਂ ਨਿਕਲੀ ਮਰੀ ਹੋਈ ਕਿਰਲੀ, ਦੇਖੋ ਵੀਡੀਓ
Viral Video: ਇੱਕ ਪਰਿਵਾਰ ਹੈਰਾਨ ਰਹਿ ਗਿਆ ਜਦੋਂ ਉਨ੍ਹਾਂ ਨੇ Zomato ਤੋਂ ਚਿਕਨ ਬਿਰਯਾਨੀ ਦਾ ਆਰਡਰ ਕੀਤਾ। ਵੀਡੀਓ ਵਿੱਚ ਦਿਖਾਇਆ ਗਿਆ ਹੈ ਕਿ ਪਰਿਵਾਰਕ ਮੈਂਬਰ ਚੌਲਾਂ ਨਾਲ ਭਰੀ ਪਲੇਟ ਫੜੇ ਹੋਏ ਹਨ, ਜਿਸ ਵਿੱਚ ਇੱਕ ਮਰੀ ਹੋਈ ਕਿਰਲੀ ਦਿਖਾਈ...
Viral Video: ਅੱਜ ਦੇ ਸਮੇਂ ਵਿੱਚ ਜ਼ਿਆਦਾਤਰ ਲੋਕ ਆਨਲਾਈਨ ਭੋਜਨ ਆਰਡਰ ਕਰਦੇ ਹਨ ਅਤੇ ਆਪਣੇ ਪਸੰਦੀਦਾ ਭੋਜਨ ਦਾ ਆਨੰਦ ਲੈਂਦੇ ਹਨ। ਇੰਨਾ ਹੀ ਨਹੀਂ, ਅਕਸਰ ਲੋਕ ਆਪਣੇ ਖਾਣੇ ਨਾਲ ਸਬੰਧਤ ਵੀਡੀਓ ਅਤੇ ਫੋਟੋਆਂ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰਦੇ ਹਨ ਅਤੇ ਆਪਣੀਆਂ ਭਾਵਨਾਵਾਂ ਨੂੰ ਜ਼ਾਹਰ ਕਰਦੇ ਹਨ, ਪਰ ਕਈ ਵਾਰ ਕੁਝ ਵਾਇਰਲ ਪੋਸਟਾਂ ਲੋਕਾਂ ਨੂੰ ਖਾਣੇ ਨਾਲ ਜੁੜੀਆਂ ਚੀਜ਼ਾਂ ਬਾਰੇ ਸੁਚੇਤ ਵੀ ਕਰਦੀਆਂ ਹਨ, ਜਿਸ ਨੂੰ ਦੇਖਣ ਤੋਂ ਬਾਅਦ ਕਈ ਲੋਕਾਂ ਦੇ ਮਨਾਂ 'ਚ ਕਈ ਤਰ੍ਹਾਂ ਦੇ ਸਵਾਲ ਪੈਦਾ ਹੁੰਦੇ ਹਨ। ਹਾਲ ਹੀ 'ਚ ਹੈਦਰਾਬਾਦ ਤੋਂ ਇੱਕ ਅਜਿਹਾ ਹੀ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਨੂੰ ਜਾਣ ਕੇ ਤੁਸੀਂ ਵੀ ਪਰੇਸ਼ਾਨ ਹੋ ਜਾਵੋਗੇ। ਦਰਅਸਲ, ਇੱਕ ਪਰਿਵਾਰ ਨੇ ਚਿਕਨ ਬਿਰਯਾਨੀ ਔਨਲਾਈਨ ਆਰਡਰ ਕੀਤਾ ਸੀ, ਪਰ ਜਦੋਂ ਉਨ੍ਹਾਂ ਨੇ ਇਸਨੂੰ ਖਾਣ ਲਈ ਸਰਵ ਕੀਤਾ ਤਾਂ ਉਸ ਵਿੱਚੋਂ ਇੱਕ ਮਰੀ ਹੋਈ ਛਿਪਕਲੀ ਨਿਕਲ ਆਈ।
ਦਰਅਸਲ, ਹਾਲ ਹੀ ਵਿੱਚ ਸੋਸ਼ਲ ਮੀਡੀਆ ਪਲੇਟਫਾਰਮ X (ਪਹਿਲਾਂ ਟਵਿੱਟਰ) ਉੱਤੇ ਤੇਲਗੂ ਸਕ੍ਰਾਈਬ ਨਾਮ ਦੇ ਅਕਾਉਂਟ ਉੱਤੇ ਕੀਤੀ ਇੱਕ ਪੋਸਟ ਨੇ ਇੰਟਰਨੈਟ ਉੱਤੇ ਹਲਚਲ ਮਚਾ ਦਿੱਤੀ ਹੈ। ਪੋਸਟ ਵਾਇਰਲ ਹੁੰਦੇ ਹੀ ਐਕਸ 'ਤੇ ਇੱਕ ਵੱਖਰੀ ਹੀ ਬਹਿਸ ਛਿੜ ਗਈ। ਵਾਇਰਲ ਹੋ ਰਹੀ ਇਸ ਵੀਡੀਓ 'ਚ ਪਰਿਵਾਰਕ ਮੈਂਬਰ ਚੌਲਾਂ ਨਾਲ ਭਰੀ ਪਲੇਟ ਫੜੇ ਹੋਏ ਦਿਖਾਈ ਦੇ ਰਹੇ ਹਨ, ਜਿਸ 'ਚ ਇੱਕ ਮਰੀ ਹੋਈ ਕਾਲੀ ਛਿਪਕਲੀ ਵੀ ਦਿਖਾਈ ਦੇ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅੰਬਰਪੇਟ ਦੀ ਡੀਡੀ ਕਾਲੋਨੀ ਦੇ ਵਿਸ਼ਵਾ ਆਦਿਤਿਆ ਨੇ ਜ਼ੋਮੈਟੋ ਤੋਂ ਚਿਕਨ ਬਿਰਯਾਨੀ ਆਰਡਰ ਕੀਤੀ ਸੀ। ਪਰਿਵਾਰਕ ਮੈਂਬਰਾਂ ਦਾ ਦੋਸ਼ ਹੈ ਕਿ ਜ਼ੋਮੈਟੋ ਦੁਆਰਾ ਡਿਲੀਵਰੀ ਕੀਤੀ ਗਈ ਬਿਰਯਾਨੀ ਵਿੱਚ ਇੱਕ ਕਿਰਲੀ ਪਾਈ ਗਈ ਸੀ। ਵਾਇਰਲ ਵੀਡੀਓ 'ਚ 'ਬਾਵਰਚੀ' ਨਾਮ ਦੀ ਪੈਕੇਜਿੰਗ ਵੀ ਦਿਖਾਈ ਗਈ ਹੈ।
ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਇਸ ਪੋਸਟ 'ਤੇ ਯੂਜ਼ਰਸ ਤਰ੍ਹਾਂ-ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ। ਇੱਕ ਯੂਜ਼ਰ ਨੇ ਲਿਖਿਆ, ਹੈਦਰਾਬਾਦੀ ਬਿਰਯਾਨੀ ਖਾਣ ਦੀ ਇੱਛਾ ਅੱਜ ਮਰ ਗਈ ਹੈ। ਇੱਕ ਹੋਰ ਯੂਜ਼ਰ ਨੇ ਲਿਖਿਆ, ਇਹ ਹੈਦਰਾਬਾਦੀ ਬਿਰਯਾਨੀ ਦੀ ਗੁਪਤ ਸਮੱਗਰੀ ਹੈ, ਜੋ ਇਸਨੂੰ ਮਸ਼ਹੂਰ ਬਣਾਉਂਦੀ ਹੈ। ਤੀਜੇ ਯੂਜ਼ਰ ਨੇ ਲਿਖਿਆ, ਹੈਦਰਾਬਾਦੀ ਬਿਰਯਾਨੀ ਵਿੱਚ ਕਿਰਲੀਆਂ, ਕਾਕਰੋਚ, ਚੂਹੇ ਬਿਲਕੁਲ ਆਮ ਹਨ।
ਇਹ ਵੀ ਪੜ੍ਹੋ: Mobile Hacking: ਕਿਤੇ ਤੁਹਾਡਾ ਫੋਨ ਵੀ ਤਾਂ ਨਹੀਂ ਹੋ ਗਿਆ ਹੈਕ? ਤੁਰੰਤ *#67# ਤੇ #002# ਕੋਡ ਵਾਲੀ ਵਰਤੋ ਟ੍ਰਿਕ
ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਰੈਸਟੋਰੈਂਟ 'ਤੇ ਇਸ ਤਰ੍ਹਾਂ ਦੇ ਦੋਸ਼ ਲੱਗੇ ਹਨ। ਇਸ ਤੋਂ ਪਹਿਲਾਂ ਵੀ ਮਈ 2022 ਵਿੱਚ, ਗ੍ਰੇਟਰ ਹੈਦਰਾਬਾਦ ਮਿਉਂਸਪਲ ਕਾਰਪੋਰੇਸ਼ਨ ਦੇ ਅਧਿਕਾਰੀਆਂ ਨੇ ਇੱਕ ਭਾਜਪਾ ਕੌਂਸਲਰ ਦੀ ਸ਼ਿਕਾਇਤ ਦੇ ਬਾਅਦ, ਉਸੇ ਬਾਵਰਚੀ ਰੈਸਟੋਰੈਂਟ ਵਿੱਚ ਛਾਪਾ ਮਾਰਿਆ ਸੀ, ਜਿਸ ਵਿੱਚ ਬਿਰਯਾਨੀ ਵਿੱਚ ਕਿਰਲੀਆਂ ਮਿਲਣ ਦਾ ਦਾਅਵਾ ਕੀਤਾ ਗਿਆ ਸੀ।
ਇਹ ਵੀ ਪੜ੍ਹੋ: Viral Video: ਪਾਰਟੀ ਵਿੱਚ ਆਪਣੀ ਹੀ ਸੇਵਾ ਕਰਦੇ ਨਜ਼ਰ ਆਏ ਮਹਿਮਾਨਾਂ, ਸੂਟ-ਬੂਟਾਂ ਵਿੱਚ ਪਕਾਉਣੀ ਪਈ ਰੋਟੀ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
