ਇਸ ਨਦੀ 'ਚ ਪਾਣੀ ਨਾਲ ਵਹਿੰਦਾ ਸੋਨਾ, ਬੈਗ 'ਚ ਭਰ-ਭਰ ਘਰ ਲੈ ਜਾਂਦੇ ਲੋਕ
ਕੀ ਤੁਸੀਂ ਕਦੇ ਕਿਸੇ ਨਦੀ ਬਾਰੇ ਸੁਣਿਆ ਹੈ ਜਿਸ ਵਿਚ ਸੋਨਾ ਵਗਦਾ ਹੈ? ਹਾਂ! ਥਾਈਲੈਂਡ ਵਿਚ ਇਸੇ ਤਰ੍ਹਾਂ ਦੀ ਨਦੀ ਹੈ, ਜਿੱਥੇ ਸੋਨਾ ਪਾਣੀ ਦੇ ਨਾਲ ਨਾਲ ਵਹਿੰਦਾ ਹੈ। ਇਸ ਕਾਰਨ ਨਦੀ ਦੇ ਕਿਨਾਰੇ ਆਸ ਪਾਸ ਦੇ ਲੋਕਾਂ ਦੀ ਭੀੜ ਰਹਿੰਦੀ ਹੈ।
ਕੀ ਤੁਸੀਂ ਕਦੇ ਕਿਸੇ ਨਦੀ ਬਾਰੇ ਸੁਣਿਆ ਹੈ ਜਿਸ ਵਿਚ ਸੋਨਾ ਵਗਦਾ ਹੈ? ਹਾਂ! ਥਾਈਲੈਂਡ ਵਿਚ ਇਸੇ ਤਰ੍ਹਾਂ ਦੀ ਨਦੀ ਹੈ, ਜਿੱਥੇ ਸੋਨਾ ਪਾਣੀ ਦੇ ਨਾਲ ਨਾਲ ਵਹਿੰਦਾ ਹੈ। ਇਸ ਕਾਰਨ ਨਦੀ ਦੇ ਕਿਨਾਰੇ ਆਸ ਪਾਸ ਦੇ ਲੋਕਾਂ ਦੀ ਭੀੜ ਰਹਿੰਦੀ ਹੈ। ਅਕਸਰ ਦੂਰੋਂ-ਦੂਰੋਂ ਲੋਕ ਸੋਨੇ ਦੀ ਭਾਲ ਵਿੱਚ ਇੱਥੇ ਆਉਂਦੇ ਹਨ। ਇਹ ਨਦੀ ਅੱਜਕੱਲ੍ਹ ਇਸ ਖ਼ਾਸ ਚੀਜ਼ ਬਾਰੇ ਚਰਚਾ ਵਿੱਚ ਹੈ। ਇਸ ਨਦੀ ਨੂੰ ਗੋਲਡਨ ਨਦੀ ਵੀ ਕਿਹਾ ਜਾਂਦਾ ਹੈ। ਇਹ ਥਾਈਲੈਂਡ ਦੇ ਗੋਲਡ ਮਾਉਂਟੇਨ ਖੇਤਰ ਵਿੱਚ ਵਗਦੀ ਹੈ।
ਇਹ ਜਗ੍ਹਾ ਥਾਈਲੈਂਡ ਦੇ ਦੱਖਣੀ ਹਿੱਸੇ ਵਿਚ ਮੌਜੂਦ ਹੈ, ਜੋ ਮਲੇਸ਼ੀਆ ਦੀ ਸਰਹੱਦ ਨਾਲ ਲੱਗਦੀ ਹੈ। ਤੁਹਾਡੀ ਜਾਣਕਾਰੀ ਲਈ, ਦੱਸ ਦੇਈਏ ਕਿ ਪਿਛਲੇ ਲੰਬੇ ਸਮੇਂ ਤੋਂ ਇਸ ਖੇਤਰ ਵਿੱਚ ਸੋਨੇ ਦੀ ਖੁਦਾਈ ਕੀਤੀ ਜਾ ਰਹੀ ਹੈ। ਇਹ ਇਕ ਵੱਡਾ ਕਾਰਨ ਹੈ, ਜਿਸ ਨਾਲ ਸੋਨੇ ਦੇ ਬਹੁਤ ਸਾਰੇ ਛੋਟੇ ਟੁਕੜੇ ਵੀ ਨਦੀ ਵਿਚਲੇ ਪਾਣੀ 'ਚ ਮੌਜੂਦ ਹੁੰਦੇ ਹਨ।
ਸੋਨੇ ਦੇ ਧਾਤ ਨਦੀ ਦੇ ਚਿੱਕੜ ਵਿਚ ਘੁਲੇ ਹੁੰਦੇ ਹਨ। ਨੇੜਲੇ ਪਿੰਡ ਦੇ ਲੋਕ ਇੱਥੇ ਆਉਂਦੇ ਹਨ ਤੇ ਨਦੀ ਦੇ ਚਿੱਕੜ ਵਿਚੋਂ ਸੋਨੇ ਨੂੰ ਫਿਲਟਰ ਕਰਨ ਦਾ ਕੰਮ ਕਰਦੇ ਹਨ ਤੇ ਜੋ ਵੀ ਸੋਨਾ ਉਨ੍ਹਾਂ ਨੂੰ ਮਿਲਦਾ ਹੈ, ਉਹ ਇਸ ਨੂੰ ਆਪਣੇ ਨਾਲ ਲਿਆਏ ਬੈਗ ਵਿੱਚ ਘਰ ਲੈ ਜਾਂਦੇ ਹਨ। ਅਜਿਹੀ ਸਥਿਤੀ ਵਿੱਚ, ਇਹ ਨਦੀ ਬਹੁਤ ਸਾਰੇ ਲੋਕਾਂ ਦੀ ਆਮਦਨੀ ਦਾ ਮੁੱਖ ਸਰੋਤ ਬਣ ਗਈ ਹੈ।
ਬਹੁਤ ਸਾਰੇ ਲੋਕ ਰੋਜ਼ਾਨਾ ਇੱਥੇ ਮਿੱਟੀ 'ਚੋਂ ਸੋਨਾ ਕੱਢਣ ਆਉਂਦੇ ਹਨ ਤੇ ਇਸ ਨੂੰ ਵੇਚ ਕੇ ਆਪਣੀ ਰੋਜ਼ੀ-ਰੋਟੀ ਕਮਾਉਂਦੇ ਹਨ। ਕੋਰੋਨਾਵਾਇਰਸ ਕਾਰਨ ਥਾਈਲੈਂਡ ਦੇ ਇਸ ਖੇਤਰ ਵਿੱਚ ਰਹਿਣ ਵਾਲੇ ਬਹੁਤ ਸਾਰੇ ਲੋਕਾਂ ਦੀਆਂ ਨੌਕਰੀਆਂ ਖਤਮ ਹੋ ਗਈਆਂ ਹਨ। ਅਜਿਹੀ ਸਥਿਤੀ ਵਿੱਚ, ਉਹ ਲੋਕ ਇੱਥੇ ਆ ਕੇ ਅਤੇ ਸੋਨਾ ਲੱਭ ਕੇ ਪੈਸੇ ਕਮਾ ਰਹੇ ਹਨ। ਇੱਕ ਰਿਪੋਰਟ ਵਿੱਚ, ਇੱਥੇ ਰਹਿਣ ਵਾਲੀ ਇਕ ਔਰਤ ਨੇ ਦੱਸਿਆ ਕਿ ਉਹ 15 ਮਿੰਟ ਇਥੇ ਕੰਮ ਕਰਕੇ ਲਗਪਗ 244 ਰੁਪਏ ਕਮਾਉਂਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
