ਨਦੀ 'ਚੋਂ ਨਿਕਲ ਰਿਹੈ ਵੱਡੇ ਪੱਧਰ 'ਤੇ ਸੋਨਾ, ਕਈ ਹੋਰ ਚੀਜ਼ਾਂ ਵੀ ਮਿਲੀਆਂ
ਤੁਸੀਂ ਅਕਸਰ ਦਰਿਆਵਾਂ ਤੋਂ ਵੱਖ-ਵੱਖ ਤਰ੍ਹਾਂ ਦੇ ਜਾਨਵਰਾਂ ਦੇ ਨਿਕਲਣ ਬਾਰੇ ਸੁਣਿਆ ਹੋਵੇਗਾ ਪਰ ਤੁਸੀਂ ਸ਼ਾਇਦ ਹੀ ਨਦੀ ਵਿੱਚੋਂ ਲਗਾਤਾਰ ਸੋਨਾ ਨਿਕਲਣ ਬਾਰੇ ਸੁਣਿਆ ਹੋਵੇਗਾ।
Island of Gold: ਤੁਸੀਂ ਅਕਸਰ ਦਰਿਆਵਾਂ ਤੋਂ ਵੱਖ-ਵੱਖ ਤਰ੍ਹਾਂ ਦੇ ਜਾਨਵਰਾਂ ਦੇ ਨਿਕਲਣ ਬਾਰੇ ਸੁਣਿਆ ਹੋਵੇਗਾ ਪਰ ਤੁਸੀਂ ਸ਼ਾਇਦ ਹੀ ਨਦੀ ਵਿੱਚੋਂ ਲਗਾਤਾਰ ਸੋਨਾ ਨਿਕਲਣ ਬਾਰੇ ਸੁਣਿਆ ਹੋਵੇਗਾ। ਕੀ ਇਹ ਸੱਚਮੁੱਚ ਹੋ ਸਕਦਾ ਹੈ? ਕੀ ਕੋਈ ਨਦੀ ਹੈ ਜੋ ਸੋਨੇ ਦੀ ਵਰਖਾ ਕਰਦੀ ਹੈ? ਇਹ ਸੋਚਣ 'ਚ ਥੋੜ੍ਹਾ ਅਜੀਬ ਲੱਗਦਾ ਹੈ ਪਰ ਇੰਡੋਨੇਸ਼ੀਆ 'ਚ ਇਹ ਸੱਚ ਹੋ ਰਿਹਾ ਹੈ। ਇੱਥੇ ਅਚਾਨਕ ਸੋਨੇ ਦਾ ਇੱਕ ਟਾਪੂ ਸਾਹਮਣੇ ਆਇਆ ਹੈ। ਇਸ ਟਾਪੂ ਤੋਂ ਲੋਕਾਂ ਨੂੰ ਸੋਨੇ ਦੇ ਗਹਿਣੇ, ਮੁੰਦਰੀਆਂ, ਬੋਧੀ ਮੂਰਤੀਆਂ ਤੇ ਕਈ ਕੀਮਤੀ ਵਸਰਾਵਿਕ ਭਾਂਡੇ ਮਿਲ ਰਹੇ ਹਨ। ਆਓ ਤੁਹਾਨੂੰ ਦੱਸਦੇ ਹਾਂ ਕੀ ਹੈ ਪੂਰਾ ਮਾਮਲਾ।
ਦ ਸਾਇੰਸ ਦੀ ਰਿਪੋਰਟ ਮੁਤਾਬਕ ਇੰਡੋਨੇਸ਼ੀਆ ਦੇ ਪਾਲੇਮਬਾਂਗ ਸੂਬੇ 'ਚ ਮੁਸੀ ਨਦੀ ਹੈ। ਇਸ ਨਦੀ ਵਿੱਚ ਅਚਾਨਕ ਇੱਕ ਟਾਪੂ ਪ੍ਰਗਟ ਹੋਇਆ ਹੈ, ਜੋ ਲੰਬੇ ਸਮੇਂ ਤੋਂ ਗਾਇਬ ਸੀ। ਇਸ ਟਾਪੂ ਤੋਂ ਬਾਹਰ ਨਿਕਲਣ ਤੋਂ ਬਾਅਦ ਨਦੀ ਵਿੱਚੋਂ ਸੋਨੇ ਦੇ ਗਹਿਣੇ ਅਤੇ ਹੋਰ ਕੀਮਤੀ ਚੀਜ਼ਾਂ ਮਿਲ ਰਹੀਆਂ ਹਨ। ਦਰਅਸਲ ਇਹ ਮਾਮਲਾ ਉਦੋਂ ਸਾਹਮਣੇ ਆਇਆ ਜਦੋਂ ਨਿਰਮਾਣ ਕੰਪਨੀਆਂ ਇਸ ਨਦੀ ਤੋਂ ਰੇਤ ਦੀ ਮਾਈਨਿੰਗ ਕਰ ਰਹੀਆਂ ਸਨ। ਇਸ ਦੌਰਾਨ ਰੇਤ ਦੇ ਨਾਲ-ਨਾਲ ਸੋਨਾ ਤੇ ਹੋਰ ਕਈ ਸਾਮਾਨ ਵੀ ਨਿਕਲਿਆ। ਇਸ ਤੋਂ ਬਾਅਦ ਇਹ ਖਬਰ ਪੂਰੇ ਇਲਾਕੇ 'ਚ ਫੈਲ ਗਈ।
ਕੀ-ਕੀ ਬਾਹਰ ਆ ਰਿਹਾ ਹੈ
ਦ ਸਾਇੰਸ ਦੀ ਰਿਪੋਰਟ ਅਨੁਸਾਰ, ਇਸ ਸਥਾਨ ਤੋਂ ਗੋਤਾਖੋਰਾਂ ਨੂੰ ਸੋਨੇ ਦੇ ਗਹਿਣੇ, ਮੰਦਰ ਦੀਆਂ ਘੰਟੀਆਂ, ਕੁਝ ਯੰਤਰ, ਸਿੱਕੇ, ਵਸਰਾਵਿਕ ਭਾਂਡੇ ਅਤੇ ਬੋਧੀ ਮੂਰਤੀਆਂ, ਸੋਨੇ ਦੀਆਂ ਤਲਵਾਰਾਂ, ਸੋਨੇ ਅਤੇ ਰੂਬੀ ਦੀਆਂ ਮੁੰਦਰੀਆਂ, ਜੱਗ ਅਤੇ ਮੋਰ ਦੇ ਆਕਾਰ ਦੀ ਬੰਸਰੀ ਵੀ ਮਿਲੀ ਹੈ। ਜਿੱਥੇ ਇਹ ਟਾਪੂ ਪੈਦਾ ਹੋਇਆ ਹੈ, ਉਸ ਸਥਾਨ ਨੂੰ ਇੰਡੋਨੇਸ਼ੀਆ ਦੇ ਪ੍ਰਾਚੀਨ ਇਤਿਹਾਸ ਵਿੱਚ ਸ਼੍ਰੀਵਿਜਯਾ ਸ਼ਹਿਰ ਕਿਹਾ ਜਾਂਦਾ ਸੀ। ਉਦੋਂ ਇਹ ਬਹੁਤ ਖੁਸ਼ਹਾਲ ਸ਼ਹਿਰ ਸੀ।
ਇਤਿਹਾਸਕਾਰਾਂ ਦਾ ਕਹਿਣਾ ਹੈ ਕਿ ਸ਼੍ਰੀਵਿਜਯਾ ਸ਼ਹਿਰ ਦੇ ਘਰ ਨਦੀ ਦੇ ਉੱਪਰ ਲੱਕੜ ਦੇ ਥੰਮ੍ਹਾਂ 'ਤੇ ਬਣਾਏ ਗਏ ਸਨ। ਘਰ ਵੀ ਲੱਕੜ ਦੇ ਬਣੇ ਹੋਏ ਸਨ। ਇੰਡੋਨੇਸ਼ੀਆ ਦੇ ਕਈ ਇਲਾਕਿਆਂ 'ਚ ਅਜੇ ਵੀ ਅਜਿਹੇ ਘਰ ਦੇਖਣ ਨੂੰ ਮਿਲਦੇ ਹਨ। ਇਸ ਤੋਂ ਪਹਿਲਾਂ, ਸ਼੍ਰੀਵਿਜਯਾ ਸ਼ਹਿਰ ਨੂੰ 2011 ਵਿੱਚ ਵੀ ਮੂਸੀ ਨਦੀ ਤੋਂ ਬਾਹਰ ਨਿਕਲਿਆ ਸੀ।
ਇਸ ਦੇ ਨਾਲ ਹੀ ਸਮੁੰਦਰੀ ਪੁਰਾਤੱਤਵ ਵਿਗਿਆਨੀ ਸੀਨ ਗਿੰਗਸਲੇ ਦਾ ਕਹਿਣਾ ਹੈ ਕਿ ਸਰਕਾਰ ਵੱਲੋਂ ਸ਼੍ਰੀਵਿਜਯਾ ਨੂੰ ਲੱਭਣ ਲਈ ਕੋਈ ਮਾਈਨਿੰਗ ਜਾਂ ਕੋਸ਼ਿਸ਼ ਨਹੀਂ ਕੀਤੀ ਗਈ। ਇਹ ਸਭ ਕੁਝ ਆਪਣੇ ਆਪ ਹੀ ਆਇਆ। ਇੱਥੋਂ ਜੋ ਚੀਜ਼ਾਂ ਬਰਾਮਦ ਹੋਈਆਂ ਹਨ, ਉਨ੍ਹਾਂ ਨੂੰ ਗੋਤਾਖੋਰਾਂ ਨੇ ਅੰਤਰਰਾਸ਼ਟਰੀ ਪੱਧਰ 'ਤੇ ਕੰਮ ਕਰਦੇ ਪ੍ਰਾਈਵੇਟ ਲੋਕਾਂ ਨੂੰ ਵੇਚ ਦਿੱਤਾ ਹੈ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
