ਵਿਅਕਤੀ ਨੇ ਪੈਟਰੋਲ ਪੰਪ ਦੇ ਦਫ਼ਤਰ 'ਚ ਛੱਡ ਦਿੱਤੇ ਤਿੰਨ ਜ਼ਹਿਰੀਲੇ ਸੱਪ, ਵੇਖੋ ਵੀਡੀਓ

ਇੱਕ ਵਿਅਕਤੀ ਨੇ ਪੈਟਰੋਲ ਪੰਪ ਦੇ ਦਫ਼ਤਰ 'ਚ ਵੜ ਕੇ ਤਿੰਨ ਸੱਪ ਛੱਡ ਦਿੱਤੇ ਕਿਉਂਕਿ ਪੈਟਰੋਲ ਪੰਪ ਦੇ ਸਟਾਫ ਨੇ ਉਸ ਨੂੰ ਬੋਤਲ 'ਚ ਪੈਟਰੋਲ ਦੇਣ ਤੋਂ ਮਨ੍ਹਾ ਕਰ ਦਿੱਤਾ ਸੀ।

ਮੁਬੰਈ: ਮਹਾਰਾਸ਼ਟਰ ਸੂਬੇ ਤੋਂ ਇੱਕ ਬੇਹੱਦ ਹੈਰਾਨ ਕਰਨ ਵਾਲੀ ਖ਼ਬਰ ਸਾਹਮਣੇ ਆਈ ਹੈ। ਮਹਾਰਾਸ਼ਟਰ ਦੇ ਬੁਲਡਾਣਾ 'ਚ ਇੱਕ ਵਿਅਕਤੀ ਨੇ ਪੈਟਰੋਲ ਪੰਪ ਦੇ ਦਫ਼ਤਰ 'ਚ ਵੜ ਕੇ ਤਿੰਨ ਸੱਪ ਛੱਡ ਦਿੱਤੇ। ਉਸ ਨੇ ਅਜਿਹਾ ਇਸ ਲਈ ਕੀਤਾ ਕਿਉਂਕਿ ਪੈਟਰੋਲ ਪੰਪ ਦੇ ਸਟਾਫ ਨੇ ਉਸ ਨੂੰ ਬੋਤਲ 'ਚ ਪੈਟਰੋਲ ਦੇਣ ਤੋਂ ਮਨ੍ਹਾ ਕਰ ਦਿੱਤਾ ਸੀ। ਇਹ ਪੂਰੀ ਘਟਨਾ ਸੀਸੀਟੀਵੀ 'ਚ ਰਿਕਾਰਡ ਹੋ ਗਿਆ ਤੇ ਬਾਅਦ 'ਚ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਿਹਾ ਹੈ। ਸੀਸੀਟੀਵੀ ਫੁਟੇਜ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਪੈਟਰੋਲ ਪੰਪ ਦੇ ਦਫ਼ਤਰ ਦੇ ਦਰਵਾਜ਼ੇ 'ਤੇ ਆਉਣ ਵਾਲਾ ਵਿਅਕਤੀ ਸੱਪ ਨੂੰ ਪੋਲੀਥੀਨ ਬੈਗ ਅੰਦਰੋਂ ਬਾਹਰ ਕੱਢਦਾ ਹੈ ਤੇ ਇਸ ਨੂੰ ਦਫ਼ਤਰ ਦੇ ਅੰਦਰ ਛੱਡ ਦਿੰਦਾ ਹੈ। ਇਸ ਦੇ ਬਾਅਦ ਲੋਕਾਂ 'ਚ ਭਾਜੜ ਮੱਚ ਜਾਂਦੀ ਹੈ। ਉਸ ਨੇ ਤਿੰਨ ਸੱਪਾਂ ਨੂੰ ਛੱਡ ਦਿੱਤਾ ਸੀ, ਜਿਨ੍ਹਾਂ ਵਿੱਚ 2 ਕੋਬਰਾ ਤੇ ਇੱਕ ਧਮਨ ਪ੍ਰਜਾਤੀ ਦਾ ਸੀ।

कैसे-कैसे लोग होते हैं!! बुलढाणा: बोतल में पेट्रोल देने से मना किया तो नाराज युवक ने पेट्रोल पंप दफ़्तर में सांप छोड़ दिया @ndtvindia pic.twitter.com/BFWbMoxVZC

— sunilkumar singh (@sunilcredible) July 14, 2020

ਵਿਅਕਤੀ ਇਸ ਗੱਲ ਤੋਂ ਨਰਾਜ਼ ਸੀ ਕਿ ਉਸਨੂੰ ਬੋਤਲ 'ਚ ਪੈਟਰੋਲ ਕਿਉਂ ਨਹੀਂ ਦਿੱਤਾ ਗਿਆ। ਇਸ ਘਟਨਾ ਤੋਂ ਬਾਅਦ ਫਿਰ ਸੱਪ ਫੜਣ ਵਾਲਿਆਂ ਦੀ ਮਦਦ ਨਾਲ ਸੱਪਾਂ ਨੂੰ ਕਾਬੂ ਕੀਤਾ ਗਿਆ।