ਬਚਪਨ ਵਿੱਚ ਮਾਂ ਨਾਲ ਸੜਕਾਂ 'ਤੇ ਚੂੜੀਆਂ ਵੇਚਦਾ ਸੀ, ਅੱਜ ਹੈ ਆਈ.ਏ.ਐਸ. ਅਫ਼ਸਰ..

ਆਈ.ਏ.ਐਸ. ਬਣਨ ਦੇ ਬਾਅਦ ਜਦੋਂ 4 ਮਈ 2012 ਨੂੰ ਰਮੇਸ਼ ਅਫ਼ਸਰ ਬਣ ਕੇ ਪਹਿਲੀ ਵਾਰ ਪਿੰਡ ਪੁੱਜਿਆ ਤਾਂ ਉਸ ਦਾ ਜ਼ੋਰਦਾਰ ਸਵਾਗਤ ਹੋਇਆ। ਅਖੀਰ ਹੁੰਦਾ ਵੀ ਕਿਉਂ ਨਾ? ਉਹ ਹੁਣ ਮਿਸਾਲ ਬਣ ਚੁੱਕਿਆ ਸੀ। ਉਸ ਨੇ ਆਪਣੇ ਹੌਸਲੇ ਦੇ ਬਲਬੂਤੇ ਇਹ ਸਾਬਤ ਕਰ ਦਿੱਤਾ ਸੀ ਜਿੱਥੇ ਚਾਹ ਹੈ ਉੱਥੇ ਰਾਹ ਹੈ, ਬਸ਼ਰਤੇ ਸੱਚੀ ਲਗਨ ਅਤੇ ਈਮਾਨਦਾਰ ਕੋਸ਼ਿਸ਼ ਕੀਤੀ ਜਾਵੇ। ਉਹ ਪੀ.ਐਸ.ਸੀ. ਅਤੇ ਯੂ.ਪੀ.ਐਸ.ਸੀ. ਦੀ ਪ੍ਰੀਖਿਆ ਵਿੱਚ ਜੁਟੇ ਪ੍ਰੀਖਿਆਰਥੀਆਂ ਦੀ ਮਦਦ ਵੀ ਕਰਦਾ ਹੈ। ਉਹ ਗਰੀਬ ਅਤੇ ਕਮਜ਼ੋਰ ਲੋਕਾਂ ਦੀ ਮਦਦ ਕਰਨ ਦਾ ਆਪਣਾ ਸੁਫਨਾ ਜੀ ਰਿਹਾ ਹੈ। ਉਹ ਸਮਾਜ ਦੇ ਨੌਜਵਾਨਾਂ ਲਈ ਇੱਕ ਮਿਸਾਲ ਹੈ ਜੋ ਕਿ ਪੂਰੇ ਸਮਾਜ ਲਈ ਜਿਊਂਦਾ ਹੈ।

ਉਸਨੇ ਸਟੇਟ ਇੰਸਟੀਚਿਊਟ ਆਫ਼ ਐਡਮਿਨਿਸਟ੍ਰੇਟਿਵ ਕਰਿਅਰਸ ਦੀ ਪ੍ਰੀਖਿਆ ਪਾਸ ਕੀਤੀ। ਇਸ ਤੋਂ ਉਸਨੂੰ ਹਾਸਟਲ ਵਿੱਚ ਰਹਿਣ ਦੀ ਸਹੂਲਤ ਮਿਲੀ ਅਤੇ ਸਕਾਲਰਸ਼ਿਪ ਮਿਲਣ ਲੱਗੀ। ਅਖੀਰ 2012 ਵਿੱਚ ਰਮੇਸ਼ ਘੋਲਪ ਨੇ ਯੂ.ਪੀ.ਐਸ.ਸੀ. ਦੀ ਪ੍ਰੀਖਿਆ ਵਿੱਚ 287ਵਾਂ ਰੈਂਕ ਹਾਸਲ ਕੀਤਾ। ਬਿਨ੍ਹਾਂ ਕਿਸੇ ਕੋਚਿੰਗ ਦੇ ਅਨਪੜ੍ਹ ਮਾਤਾ-ਪਿਤਾ ਦੀ ਔਲਾਦ ਰਾਮੂ ਨੇ ਆਈ.ਏ.ਐਸ. ਬਣ ਕੇ ਵਿਖਾ ਦਿੱਤਾ। ਇਸ ਸਾਲ ਉਸ ਨੇ ਮਹਾਰਾਸ਼ਟਰ ਪਬਲਿਕ ਸਰਵਿਸ ਕਮੀਸ਼ਨ ਦੀ ਪ੍ਰੀਖਿਆ ਵਿੱਚ ਰਿਕਾਰਡ ਤੋੜ ਸਫਲਤਾ ਹਾਸਿਲ ਕੀਤੀ। ਫਿਲਹਾਲ ਉਹ ਝਾਰਖੰਡ ਦੇ ਖੂੰਟੀ ਜਿਲ੍ਹੇ ਵਿੱਚ ਬਤੌਰ ਐਸ.ਡੀ.ਐਮ ਤੈਨਾਤ ਹੈ।