ਇਸ ਘੋੜੇ 'ਤੇ ਸਲਮਾਨ ਦਾ ਆਇਆ ਦਿਲ, ਦੋ ਕਰੋੜ ਲਾਏ, ਮਾਲਕ ਨਾ ਮੰਨਿਆ

ਮੁੰਬਈ-ਬਾਲੀਵੁੱਡ ਦੇ ਸਟਾਰ ਸਲਮਾਨ ਖਾਨ ਇੱਕ ਘੋੜੇ ਦੀ ਰਫਤਾਰ ਤੋਂ ਇੰਨੇ ਪ੍ਰਭਾਵਿਤ ਹੋਏ ਕਿ ਉਸ ਨੇ ਇਸ ਘੋੜੇ ਨੂੰ ਖਰੀਦਣ ਲਈ ਦੋ ਕਰੋੜ ਦੀ ਪੇਸ਼ਕਸ਼ ਕਰ ਦਿੱਤੀ। ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਘੋੜੇ ਦੇ ਮਾਲਕ ਨੇ ਇਸ ਆਫਰ ਨੂੰ ਠੁਕਰਾ ਦਿੱਤਾ ਹੈ। ਉਹ ਕਿਸੇ ਵੀ ਕੀਮਤ 'ਤੇ ਇਸ ਘੋੜੇ ਨੂੰ ਵੇਚਣਾ ਨਹੀਂ ਚਾਹੁੰਦਾ।

ਜਾਣਕਾਰੀ ਅਨੁਸਾਰ, ਇਸ ਘੋੜੇ ਦਾ ਮਾਲਕ ਓਲਪਾਡ ਵਿੱਚ ਰਹਿਣ ਵਾਲਾ ਸਿਰਾਜ ਖਾਨ ਹੈ। ਉਹ ਦਾਅਵਾ ਕਰਦਾ ਹੈ ਕਿ ਉਸ ਦਾ ਘੋੜਾ 'ਸਕੱਬ' 45 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਚੱਲਦਾ ਹੈ ਤੇ ਦੇਸ਼ ਵਿੱਚ ਸਭ ਤੋਂ ਤੇਜ਼ ਘੋੜਾ ਹੈ।

ਇਸ ਤੋਂ ਇਲਾਵਾ ਇਹ ਘੋੜਾ ਸਕੱਬ ਤਿੰਨ-ਤਿੰਨ ਕੌਮੀ ਐਵਾਰਡ ਜਿੱਤ ਚੁੱਕਿਆ ਹੈ। 31 ਜਨਵਰੀ ਨੂੰ ਰਾਜਸਥਾਨ ਦੇ ਜੈਸਲਮੇਰ ਦੇ ਮੇਰੂ ਤਿਉਹਾਰ ਵਿੱਚ ਇਸ ਨੇ ਦੇਸ਼ ਦੇ ਘੋੜਿਆਂ ਨੂੰ ਪਿਛੇ ਛੱਡ ਦਿੱਤਾ ਸੀ।

ਮਾਲਕ ਸਿਰਾਜ ਖਾਨ ਦਾ ਦਾਅਵਾ ਹੈ ਕਿ ਸਲਮਾਨ ਖਾਨ ਵੀ ਘੋੜਿਆਂ ਦੀ ਗਤੀ ਤੋਂ ਜਾਣੂ ਸੀ। ਉਸ ਨੇ ਖਲੀਲ ਭਾਈ ਨਾਮਕ ਵਿਅਕਤੀ ਨੂੰ ਦੋ ਕਰੋੜ ਰੁਪਏ ਦੇ ਖਰੀਦਾਰ ਦੀ ਪੇਸ਼ਕਸ਼ ਕਰਨ ਲਈ ਭੇਜਿਆ ਪਰ ਮੈਂ ਇਨਕਾਰ ਕਰ ਦਿੱਤਾ।

ਸਲਮਾਨ ਇਸ ਘੋੜੇ ਨੂੰ ਪੈਨਵੇਲ ਵਿੱਚ ਆਪਣੇ ਫਾਰਮ ਹਾਊਸ ਵਿੱਚ ਰੱਖਣਾ ਚਾਹੁੰਦਾ ਸੀ ਹਾਲਾਂਕਿ, ਸਲਮਾਨ ਵੱਲੋਂ 2 ਕਰੋੜ ਦੀ ਪੇਸ਼ਕਸ਼ ਬਾਰੇ ਪੁਸ਼ਟੀ ਨਹੀਂ ਕੀਤੀ ਗਈ।

ਸਿਰਾਜ ਦਾ ਕਹਿਣਾ ਹੈ ਕਿ ਘੋੜਾ ਉਸ ਲਈ ਇਨਾਮ ਹੈ। ਮੈਂ ਇਸ ਨੂੰ 2015 ਵਿੱਚ ਜੈਸਲਮੇਰ ਤੋਂ 14 ਲੱਖ ਰੁਪਏ ਵਿੱਚ ਖਰੀਦਿਆ।

ਇਹ ਅਰਬੀ ਜਾਤੀ ਦਾ ਹੈ। ਇਸ ਘੋੜੇ ਦੀ ਮਾਂ ਪਾਕਿਸਤਾਨ ਤੇ ਪਿਤਾ ਰਾਜਸਥਾਨ ਦੀ ਸਥਾਈ ਨਸਲ ਹੈ। ਇਸ ਵਿਸ਼ੇਸ਼ਤਾ ਕਾਰਨ, 7 ਸਾਲ ਦੀ ਉਮਰ ਦੇ ਸਕੱਬ ਨੇ ਤਿੰਨ ਰਾਸ਼ਟਰੀ ਦੌੜਾਂ ਜਿੱਤੀਆਂ ਹਨ।