ਬਾਰ 'ਚ ਸੋਸ਼ਲ ਡਿਸਟੈਂਸਿੰਗ ਦਾ ਪਾਲਣ ਕਰਵਾਉਣ ਲਈ ਅਨੌਖਾ ਤਰੀਕਾ, ਬਿਜਲੀ ਦੀਆਂ ਤਾਰਾਂ ਦਾ ਲਿਆ ਸਹਾਰਾ

ਕੋਰੋਨਾਵਾਇਰਸ ਤੋਂ ਬਚਾਅ ਲਈ ਲੋਕ ਸੋਸ਼ਲ ਡਿਸਟੈਂਸਿੰਗ ਦਾ ਪਾਲਣ ਕਰ ਰਹੇ ਹਨ ਅਤੇ ਭੀੜ ਭਾੜ ਵਾਲੇ ਇਲਾਕੇ 'ਚ ਜਾਣ ਤੋਂ ਬਚਾਅ ਕਰਦੇ ਹਨ।

ਕੋਰਨਵਾਲ: ਕੋਰੋਨਾਵਾਇਰਸ ਤੋਂ ਬਚਾਅ ਲਈ ਲੋਕ ਸੋਸ਼ਲ ਡਿਸਟੈਂਸਿੰਗ ਦਾ ਪਾਲਣ ਕਰ ਰਹੇ ਹਨ ਅਤੇ ਭੀੜ ਭਾੜ ਵਾਲੇ ਇਲਾਕੇ 'ਚ ਜਾਣ ਤੋਂ ਬਚਾਅ ਕਰਦੇ ਹਨ।ਹਰ ਕੋਈ ਕੋਰੋਨਾ ਤੋਂ ਬਚਾਅ ਲਈ ਜ਼ਰੂਰੀ ਕੱਦਮ ਚੁੱਕਦਾ ਹੈ।ਇਸ ਦੌਰਾਨ, ਦੱਖਣੀ-ਪੱਛਮੀ ਇੰਗਲੈਂਡ ਦੇ ਕੋਰਨਵਾਲ ਵਿੱਚ ਇੱਕ ਪੱਬ ਦੇ ਮਾਲਕ ਨੇ ਆਪਣੇ ਬਾਰ 'ਚ ਸੋਸ਼ਲ ਡਿਸਟੈਂਸਿੰਗ ਨੂੰ ਯਕੀਨੀ ਬਣਾਉਣ ਲਈ ਇੱਕ ਵਿਲੱਖਣ ਕਦਮ ਚੁੱਕਿਆ ਹੈ।

ਦਰਅਸਲ, ਕੋਰਨਵਾਲ ਕਾਉਂਟੀ ਦੇ ਸੇਂਟ ਜਸਟ ਨਗਰ ਵਿੱਚ ਸਥਿਤ ਪ੍ਰਸਿੱਧ ਬਾਰ 'ਸਟਾਰ ਇਨ' ਵਿਖੇ ਸੋਸ਼ਲ ਡਿਸਟੈਂਸਿੰਗ ਲਈ ਬਿਜਲੀ ਦੀਆਂ ਤਾਰਾਂ ਦੀ ਵਰਤੋਂ ਕੀਤੀ ਗਈ ਹੈ।ਇਸ ਬਾਰ ਵਿਚ ਜਿਥੇ ਸ਼ਰਾਬ ਵਰਤਾਈ ਜਾਂਦੀ ਹੈ, ਉਥੇ ਬਹੁਤ ਸੀਮਤ ਜਗ੍ਹਾ ਹੈ।ਅਜਿਹੀ ਸਥਿਤੀ ਵਿੱਚ, ਬਾਰ ਦੇ ਮਾਲਕ, ਜੋਨੀ ਮੈਕਫੈਡਨ, ਨੇ ਸਮਾਜਕ ਦੂਰੀ ਦੀ ਪਾਲਣਾ ਕਰਨ ਲਈ ਉਸ ਜਗ੍ਹਾ ਤੇ ਬਿਜਲੀ ਦੀਆਂ ਤਾਰਾਂ ਲਗਾ ਦਿੱਤੀਆਂ ਹਨ।

ਬਾਰ ਮਾਲਕ ਮੈਕਫੈਡਨ ਨੂੰ ਪੁੱਛਿਆ ਗਿਆ ਕਿ ਕੀ ਤਾਰ ਵਿੱਚ ਕਰੰਟ ਹੈ, ਤਾਂ ਉਸਨੇ ਕਿਹਾ ਕਿ ਤਾਰ ਵਿੱਚ ਕੋਈ ਕਰੰਟ ਨਹੀਂ ਹੈ, ਇਹ ਸਿਰਫ ਲੋਕਾਂ ਨੂੰ ਡਰਾਉਣ ਵਿੱਚ ਮਦਦ ਕਰਦਾ ਹੈ।