(Source: Dainik Bhaskar)
Viral Video: ਕੁੱਤੇ ਨੇ ਖ਼ਰਾਬ ਕੀਤੀ ਟਰੈਕਟਰ ਦੀ ਸੀਟ, ਫਿਰ ਜਲਾਦ ਡਰਾਈਵਰ ਨੇ ਸ਼ਰੇਆਮ ਲਟਕਾ ਦਿੱਤਾ, ਖੌਫਨਾਕ ਵੀਡੀਓ ਆਈ ਸਾਹਮਣੇ
Viral Video: ਇਸ ਕੁੱਤੇ ਦੀ ਗਲਤੀ ਸਿਰਫ ਇਹ ਸੀ ਕਿ ਇਸ ਨੇ ਬਜ਼ੁਰਗ ਦੇ ਟਰੈਕਟਰ ਦੀ ਸੀਟ ਨੂੰ ਨੁਕਸਾਨ ਪਹੁੰਚਾਇਆ ਸੀ। ਟਰੈਕਟਰ ਦੀ ਸੀਟ ਖਰਾਬ ਹੋਣ ਕਾਰਨ ਗੁੱਸੇ 'ਚ ਆਏ ਵਿਅਕਤੀ ਨੇ ਕੁੱਤੇ ਨੂੰ ਅਜਿਹੀ ਦਿਲ ਦਹਿਲਾਉਣ ਵਾਲੀ ਸਜ਼ਾ ਦਿੱਤੀ ਕਿ...
Viral Video: ਪਿਛਲੇ ਕੁਝ ਦਿਨਾਂ 'ਚ ਜਾਨਵਰਾਂ 'ਤੇ ਜ਼ੁਲਮ ਦੇ ਕਈ ਮਾਮਲੇ ਸਾਹਮਣੇ ਆਏ ਹਨ। ਹੁਣ ਤਾਜ਼ਾ ਮਾਮਲਾ ਮਹਾਰਾਸ਼ਟਰ ਦੇ ਜਲਗਾਓਂ ਤੋਂ ਸਾਹਮਣੇ ਆਇਆ ਹੈ, ਜਿਸ ਦਾ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਲੋਕ ਗੁੱਸੇ 'ਚ ਹਨ। ਦਰਅਸਲ, ਜਲਗਾਓਂ ਦੇ ਪਰੋਲਾ ਵਿੱਚ ਰਹਿਣ ਵਾਲੇ ਇੱਕ ਬਜ਼ੁਰਗ ਵਿਅਕਤੀ ਨੇ ਇੱਕ ਆਵਾਰਾ ਕੁੱਤੇ ਨੂੰ ਮਾਰ ਦਿੱਤਾ ਹੈ। ਇਸ ਕੁੱਤੇ ਦੀ ਗਲਤੀ ਸਿਰਫ ਇਹ ਸੀ ਕਿ ਇਸ ਨੇ ਬਜ਼ੁਰਗ ਦੇ ਟਰੈਕਟਰ ਦੀ ਸੀਟ ਨੂੰ ਨੁਕਸਾਨ ਪਹੁੰਚਾਇਆ ਸੀ। ਟਰੈਕਟਰ ਦੀ ਸੀਟ ਖਰਾਬ ਹੋਣ ਤੋਂ ਗੁੱਸੇ 'ਚ ਆ ਕੇ ਵਿਅਕਤੀ ਨੇ ਕੁੱਤੇ ਨੂੰ ਦਿੱਤੀ ਅਜਿਹੀ ਦਿਲ ਕੰਬਾਊ ਸਜ਼ਾ, ਜਿਸ ਨੂੰ ਸੁਣ ਕੇ ਤੁਹਾਡੀ ਰੂਹ ਕੰਬ ਜਾਵੇਗੀ।
ਜਾਣਕਾਰੀ ਅਨੁਸਾਰ ਆਵਾਰਾ ਕੁੱਤੇ ਨੇ ਟਰੈਕਟਰ ਦਾ ਸੀਟ ਕਵਰ ਪਾੜ ਦਿੱਤਾ ਸੀ। ਇਸ ਤੋਂ ਗੁੱਸੇ 'ਚ ਆ ਕੇ ਬਜ਼ੁਰਗ ਨੇ ਪਹਿਲਾਂ ਕੁੱਤੇ ਨੂੰ ਫੜ ਲਿਆ ਅਤੇ ਫਿਰ ਉਸ ਦੇ ਗਲੇ 'ਚ ਰੱਸੀ ਬੰਨ੍ਹ ਦਿੱਤੀ। ਬਜ਼ੁਰਗ ਨੇ ਰੱਸੀ ਬੰਨ੍ਹ ਕੇ ਟਰੈਕਟਰ ਨਾਲ ਲਟਕਾ ਦਿੱਤਾ। ਜਿਸ ਕਾਰਨ ਉਸ ਦੀ ਦਰਦਨਾਕ ਮੌਤ ਹੋ ਗਈ। ਬਜ਼ੁਰਗ ਨੇ ਕਈ ਲੋਕਾਂ ਦੇ ਸਾਹਮਣੇ ਇਹ ਅਪਰਾਧ ਕੀਤਾ। ਮੌਕੇ 'ਤੇ ਮੌਜੂਦ ਕਈ ਲੋਕਾਂ ਨੇ ਬਜ਼ੁਰਗ ਦੀ ਇਸ ਹਰਕਤ 'ਤੇ ਨਾਰਾਜ਼ਗੀ ਜ਼ਾਹਰ ਕਰਦਿਆਂ ਉਸ 'ਤੇ ਜੰਮ ਕੇ ਭੜਾਸ ਕੱਢੀ।
ਇਸ ਘਟਨਾ ਦੀ ਇੱਕ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਇੱਕ ਬਜ਼ੁਰਗ ਵਿਅਕਤੀ ਨੂੰ ਇੱਕ ਕਾਲੇ ਕੁੱਤੇ ਨੂੰ ਟਰੈਕਟਰ ਨਾਲ ਲਟਕਾਉਂਦੇ ਦੇਖਿਆ ਜਾ ਸਕਦਾ ਹੈ। ਕੁੱਤੇ ਦੇ ਸਰੀਰ ਵਿੱਚ ਕੋਈ ਹਿਲਜੁਲ ਨਹੀਂ ਹੈ, ਜਿਸਦਾ ਮਤਲਬ ਹੈ ਕਿ ਉਹ ਮਰ ਗਿਆ ਹੈ। ਨੇੜੇ ਮੌਜੂਦ ਇੱਕ ਵਿਅਕਤੀ ਨੇ ਇਸ ਘਟਨਾ ਦੀ ਵੀਡੀਓ ਆਪਣੇ ਮੋਬਾਈਲ ਵਿੱਚ ਰਿਕਾਰਡ ਕਰ ਲਈ। ਜਾਨਵਰਾਂ 'ਤੇ ਜ਼ੁਲਮ ਦੀ ਇਸ ਘਟਨਾ ਦਾ ਵੀਡੀਓ 'ਫਾਈਟ ਅਗੇਂਸਟ ਐਨੀਮਲ ਕਰੂਏਲਟੀ' ਨਾਮ ਦੇ ਇੱਕ ਇੰਸਟਾਗ੍ਰਾਮ ਪੇਜ ਦੁਆਰਾ ਪੋਸਟ ਕੀਤਾ ਗਿਆ ਹੈ, ਜੋ ਹੁਣ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ।
ਇਹ ਵੀ ਪੜ੍ਹੋ: Smartphone: ਮੋਬਾਈਲ 'ਚ ਐਪਸ ਇੰਸਟਾਲ ਕਰਦੇ ਸਮੇਂ ਇਹ 3 ਗਲਤੀਆਂ ਪੈਣਗੀਆਂ ਭਾਰੀ, ਦਾਖਲ ਹੋ ਸਕਦਾ ਵਾਇਰਸ, ਫਿਰ ਪਛਤਾਉਗੇ!
ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਕਈ ਯੂਜ਼ਰਸ ਨੇ ਆਪਣੀ ਨਾਰਾਜ਼ਗੀ ਜਤਾਈ ਹੈ। ਇੱਕ ਯੂਜ਼ਰ ਨੇ ਕਿਹਾ, 'ਕੋਈ ਵੀ ਅਜਿਹੇ ਲੋਕਾਂ ਦੇ ਖਿਲਾਫ ਕੁਝ ਨਹੀਂ ਕਰਦਾ। ਦੋ ਦਿਨ ਬੋਲਣ ਤੋਂ ਬਾਅਦ ਹਰ ਕੋਈ ਚੁੱਪ ਹੋ ਜਾਂਦਾ ਹੈ। ਇਸ ਲਈ ਅਜਿਹੇ ਲੋਕਾਂ ਦਾ ਹੌਂਸਲਾ ਵਧਦਾ ਹੈ। ਇੱਕ ਹੋਰ ਯੂਜ਼ਰ ਨੇ ਕਿਹਾ, 'ਇਸ ਆਦਮੀ ਨੂੰ ਅਜੇ ਵੀ ਸ਼ਰਮ ਨਹੀਂ ਆਈ। ਉਸਨੂੰ ਇਹ ਵੀ ਸਮਝ ਨਹੀਂ ਆਉਂਦੀ ਕਿ ਉਸਨੇ ਕਿੰਨਾ ਗਲਤ ਕੀਤਾ ਹੈ।
ਇਹ ਵੀ ਪੜ੍ਹੋ: Health Care: ਜਾਣੋ ਦਿਮਾਗ ਨੂੰ ਸਿਹਤਮੰਦ ਅਤੇ ਖੁਸ਼ ਰੱਖਣ ਦੇ ਤਰੀਕੇ, ਇਨ੍ਹਾਂ 5 ਚੀਜ਼ਾਂ ਨੂੰ ਆਪਣੀਆਂ ਆਦਤਾਂ 'ਚ ਕਰੋ ਸ਼ਾਮਿਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
