ਵਿਆਹ ਲਈ ਇਸ ਕੁੜੀ 'ਤੇ ਸੀ ਇੰਨਾ ਦਬਾਅ ਤਾਂ ਚੁੱਕਿਆ ਅਨੋਖਾ ਕਦਮ

ਲੁਲੁ ਨੇ ਖ਼ੁਦ ਨਾਲ ਵਿਆਹ ਕਰਨ ਦੇ ਫੈਸਲੇ ਨੂੰ ਸੋਲੋਗੈਮੀ ਦੇ ਨਾਂ ਨਾਲ ਸੱਦਿਆ ਜਾ ਰਿਹਾ ਹੈ। ਲੁਲੁ ਇਸ ਕਾਰਨਾਮੇ ਕਾਰਨ ਪੂਰੀ ਦੁਨੀਆ ਵਿੱਚ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਆਪਣੇ ਵਿਆਹ ਵੇਲੇ ਉਸ ਨੇ ਚਿੱਟਾ ਗਾਊਨ ਪਹਿਨਿਆ ਹੋਇਆ ਸੀ ਤੇ ਉਹ ਨੇੜੇ ਦੇ ਹੀ ਮੈਰਿਜ ਪੈਲੇਸ ਵਿੱਚ ਜਾ ਕੇ ਛੋਟੀ ਜਿਹੀ ਸਪੀਚ ਦੇ ਕੇ ਵਿਆਹ ਕਰ ਆਈ।

ਲੁਲੁ ਨੇ ਆਪਣੇ 32ਵੇਂ ਜਨਮ ਦਿਨ ਮੌਕੇ ਖ਼ੁਦ ਨਾਲ ਹੀ ਵਿਆਹ ਕਰਨ ਦਾ ਫੈਸਲਾ ਕੀਤਾ। ਉਨ੍ਹਾਂ ਇੱਕ ਫੰਡਰੇਜ਼ਿੰਗ ਵੈੱਬਸਾਈਟ ਰਾਹੀਂ ਐਲਾਨ ਕੀਤਾ ਕਿ ਉਸ ਨੇ ਇੱਕ ਅਜਿਹੇ ਇਨਸਾਨ (ਖ਼ੁਦ) ਨਾਲ ਵਿਆਹ ਕੀਤਾ ਹੈ, ਜੋ ਉਸ ਦਾ ਬੇਹੱਦ ਖ਼ਿਆਲ ਰੱਖੇਗਾ।