ਬੱਲੇ ਬਈ ਪਿਅਕੜਾ, ਪੁਲਿਸ ਨਾਲ ਲੱਗ ਕੇ ਖੁਦ ਨੂੰ ਘੰਟਿਆਂ ਬੱਧੀ ਲੱਭਦਾ ਰਿਹਾ
ਟਰਕੀ ਦੇ ਉੱਤਰ-ਪੱਛਮੀ ਸੂਬੇ ਬਰਸਾ ਦੇ ਇਗਨੋਲ ਸ਼ਹਿਰ ਦਾ ਰਹਿਣ ਵਾਲਾ ਬੇਹਾਨ ਮੁਟਲੂ ਨਾਂਅ ਦਾ ਸ਼ਖਸ ਜੰਗਲ 'ਚ ਦੋਸਤਾਂ ਨਾਲ ਸ਼ਰਾਬ ਪੀ ਰਿਹਾ ਸੀ। ਇਸ ਦੌਰਾਨ ਉਹ ਜੰਗਲ 'ਚ ਭਟਕ ਗਿਆ।
ਨਵੀਂ ਦਿੱਲੀ: ਸ਼ਰਾਬ ਦੇ ਨਸ਼ੇ 'ਚ ਟਰਕੀ ਦੇ ਇਗਨੋਲ ਸ਼ਹਿਰ 'ਚ ਇਕ ਵਿਅਕਤੀ ਨੇ ਅਜਿਹਾ ਕਾਰਨਾਮਾ ਕੀਤਾ ਕਿ ਸਭ ਹੱਸ-ਹੱਸਕੇ ਲੋਟਪੋਟ ਹੋ ਗਏ। ਸ਼ਰਾਬ ਦੇ ਨਸ਼ੇ 'ਚ ਟੁੰਨ ਵਿਅਕਤੀ ਨੇ ਪੁਲਿਸ ਨੂੰ ਕਈ ਘੰਟੇ ਪਰੇਸ਼ਾਨ ਕੀਤਾ। ਪੁਲਿਸ ਨੂੰ ਵੀ ਅਹਿਸਾਸ ਨਹੀਂ ਸੀ ਕਿ ਉਸ ਦੇ ਨਾਲ ਕੀ ਹੋ ਰਿਹਾ ਹੈ। ਸ਼ਖਸ ਖੁਦ ਨੂੰ ਹੀ ਪੁਲਿਸ ਦੇ ਨਾਲ ਘੰਟਿਆਂ ਬੱਧੀ ਲੱਭਦਾ ਰਿਹਾ।
ਦਰਅਸਲ ਟਰਕੀ ਦੇ ਉੱਤਰ-ਪੱਛਮੀ ਸੂਬੇ ਬਰਸਾ ਦੇ ਇਗਨੋਲ ਸ਼ਹਿਰ ਦਾ ਰਹਿਣ ਵਾਲਾ ਬੇਹਾਨ ਮੁਟਲੂ ਨਾਂਅ ਦਾ ਸ਼ਖਸ ਜੰਗਲ 'ਚ ਦੋਸਤਾਂ ਨਾਲ ਸ਼ਰਾਬ ਪੀ ਰਿਹਾ ਸੀ। ਇਸ ਦੌਰਾਨ ਉਹ ਜੰਗਲ 'ਚ ਭਟਕ ਗਿਆ। ਸ਼ਖਸ ਦੀ ਪਤਨੀ ਨੇ ਉਸ ਨੂੰ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਉਸ ਦਾ ਫੋਨ ਨਹੀਂ ਲੱਗਾ। ਕੁਝ ਘੰਟਿਆਂ ਦੇ ਇੰਤਜ਼ਾਰ ਤੋਂ ਬਾਅਦ ਪਤਨੀ ਨੇ ਪੁਲਿਸ ਨੂੰ ਸੂਚਨਾ ਕਰਨਾ ਠੀਕ ਸਮਝਿਆ। ਇਸ ਤੋਂ ਬਾਅਦ ਪੁਲਿਸ ਸ਼ਖਸ ਦੀ ਤਲਾਸ਼ 'ਚ ਜੁੱਟ ਗਈ।
ਸ਼ਖਸ ਨੂੰ ਲੱਭਣ ਪੁਲਿਸ ਜੰਗਲ 'ਚ ਪਹੁੰਚੀ। ਇਸ ਦੌਰਾਨ ਉੱਥੇ ਬਚਾਅ-ਕਰਮੀਆਂ ਨੂੰ ਕੁਝ ਲੋਕਾਂ ਦਾ ਗਰੁੱਪ ਮਿਲਿਆ। ਪੁਲਿਸ ਨੇ ਇਸ ਗਰੁੱਪ 'ਚ ਸ਼ਾਮਲ ਲੋਕਾਂ ਤੋਂ ਪੁੱਛਗਿਛ ਕੀਤੀ ਤਾਂ ਉਹ ਗਰੁੱਪ ਵੀ ਪੁਲਿਸ ਦੇ ਨਾਲ ਲਾਪਤਾ ਸ਼ਖਸ ਦੀ ਭਾਲ 'ਚ ਜੁੱਟ ਗਿਆ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਪੁਲਿਸ ਜਿਸ਼ ਸ਼ਖਸ ਨੂੰ ਲੱਭ ਰਹੀ ਸੀ ਉਹ ਖੁਦ ਇਸ ਗਰੁੱਪ 'ਚ ਸ਼ਾਮਿਲ ਸੀ ਤੇ ਖੁਦ ਨੂੰ ਲੱਭ ਰਿਹਾ ਸੀ। ਪਰ ਇਸ ਹਕੀਕਤ ਤੋਂ ਪੁਲਿਸ ਵੀ ਅਣਜਾਣ ਸੀ ਤੇ ਨਸ਼ੇ 'ਚ ਧੁੱਤ ਸ਼ਖਸ ਨੂੰ ਵੀ ਇਸ ਗੱਲ ਦਾ ਪਤਾ ਨਾ ਲੱਗਾ।
ਜਿਵੇਂ ਹੀ ਪੁਲਿਸ ਨੇ ਬੇਹਾਨ ਮੁਟਲੂ ਨੂੰ ਲੱਭਦਿਆਂ ਉਸ ਦੇ ਨਾਂਅ ਨਾਲ ਆਵਾਜ਼ਾਂ ਦੇਣੀਆਂ ਸ਼ੁਰੂ ਕੀਤੀਆਂ ਤਾਂ ਉਹ ਬੋਲਿਆ ਮੈਂ ਇੱਥੇ ਹਾਂ। ਇਸ ਮਗਰੋਂ ਸਾਰੇ ਪੁਲਿਸ ਕਰਮੀ ਇਕ ਦੂਜੇ ਵੱਲ ਝਾਕਣ ਲੱਗੇ ਕਿ ਐਨੇ ਸਮੇਂ ਤੋਂ ਬੇਵਕੂਫੀ ਕਰ ਰਹੇ ਸਨ। ਜਿਸ ਸ਼ਖਸ ਨੂੰ ਲੱਭ ਰਹੇ ਸਨ ਉਹ ਉਨ੍ਹਾਂ ਦੇ ਨਾਲ ਹੀ ਤੁਰਿਆ ਫਿਰਦਾ ਹੈ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
Before You Go
Punjabi Music | 100 ਸਾਲ ਪੁਰਾਣੇ ਪੱਥਰ ਦੇ ਰਿਕਾਰਡ ਸੰਭਾਲੇ, ਸੰਗੀਤ ਨੂੰ ਸਮਰਪਿਤ ਕੀਤੀ ਜਿੰਦਗੀ| Old Songs | Life
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
