ਚਲਦੀ ਕਾਰ ‘ਤੇ ਚੜ੍ਹਿਆ ਹਾਥੀ, ਵੀਡੀਓ ਵਾਇਰਲ

ਇੱਕ ਵੱਡੇ ਹਾਥੀ ਨੇ ਥਾਈਲੈਂਡ ‘ਚ ਖਾਓ ਯਾਈ ਨੈਸ਼ਨਲ ਪਾਰਕ ‘ਚ ਚਲਦੀ ਕਾਰ ‘ਤੇ ਬੈਠਣ ਦੀ ਕੋਸ਼ਿਸ਼ ਕੀਤੀ। ਇਸ ਦੌਰਾਨ ਦੀ ਵੀਡੀਓ ਨਾਲ ਲੱਗੇ ਕੈਮਰੇ ‘ਚ ਕੈਦ ਹੋ ਗਈ। ਇਸ ਤੋਂ ਬਾਅਦ ਹੁਣ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਇਰਲ ਹੋ ਰਹੀ ਹੈ।

ਨਵੀਂ ਦਿੱਲੀ: ਇੱਕ ਵੱਡੇ ਹਾਥੀ ਨੇ ਥਾਈਲੈਂਡ ‘ਚ ਖਾਓ ਯਾਈ ਨੈਸ਼ਨਲ ਪਾਰਕ ‘ਚ ਚਲਦੀ ਕਾਰ ‘ਤੇ ਬੈਠਣ ਦੀ ਕੋਸ਼ਿਸ਼ ਕੀਤੀ। ਇਸ ਦੌਰਾਨ ਦੀ ਵੀਡੀਓ ਨਾਲ ਲੱਗੇ ਕੈਮਰੇ ‘ਚ ਕੈਦ ਹੋ ਗਈ। ਇਸ ਤੋਂ ਬਾਅਦ ਹੁਣ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਇਰਲ ਹੋ ਰਹੀ ਹੈ। ਵੀਡੀਓ ‘ਚ ਹਾਥੀ ਨੂੰ ਉਸ ਕਾਰ ‘ਤੇ ਬੈਠਣ ਦੀ ਕੋਸ਼ਿਸ਼ ਕਰਦੇ ਵੇਖਿਆ ਜਾ ਸਕਦਾ ਹੈ ਜੋ ਸੈਲਾਨੀਆਂ ਨੂੰ ਲੈ ਕੇ ਜਾ ਰਹੀ ਸੀ। ਚੰਗੀ ਗੱਲ ਤਾਂ ਇਹ ਹੈ ਕਿ ਇਸ ਦੌਰਾਨ ਕਾਰ ਦਾ ਡ੍ਰਾਈਵਰ ਕਾਰ ਨੂੰ ਲੈ ਕੇ ਭੱਜਣ ‘ਚ ਕਾਮਯਾਬ ਰਿਹਾ, ਪਰ ਕਾਰ ਦੀ ਖਿੜਕੀ ਟੁੱਟ ਗਈ ਤੇ ਕਾਰ ਦੀ ਬੌਡੀ ‘ਤੇ ਕੁਝ ਡੈਂਟ ਵੀ ਪੈ ਗਏ। ਇਸ ਦੇ ਨਾਲ ਹੀ ਇਸ ਘਟਨਾ ‘ਚ ਕਿਸੇ ਦੇ ਹਤਾਹਤ ਹੋਣ ਦੀ ਜਾਣਕਾਰੀ ਨਹੀਂ। ਕਾਰ ‘ਤੇ ਆਪਣਾ ਪੂਰਾ ਵਜ਼ਨ ਦੇਣ ਤੋਂ ਪਹਿਲਾਂ ਹਾਥੀ ਨੇ ਕਾਰ ਦੇ ਆਲੇ-ਦੁਆਲੇ ਚੱਕਰ ਕੱਟੇ ਸੀ। ਇਸ ਦੇ ਨਾਲ ਹੀ ਇਸ ਘਟਨਾ ਨੇ ਪਾਰਕ ਅਧਿਕਾਰੀਆਂ ਨੇ ਸਲਾਹ ਦਿੱਤੀ ਕਿ ਜੇਕਰ ਤੁਹਾਡੀ ਗੱਡੀ ਅੱਗੇ ਹਾਥੀ ਆਉਂਦਾ ਹੈ ਤਾਂ ਆਪਣੇ ਵਾਹਨ ਨੂੰ 30 ਮੀਟਰ ਦੀ ਦੂਰੀ ‘ਤੇ ਹੀ ਰੋਕ ਲੈਣਾ ਚਾਹੀਦਾ ਹੈ ਤੇ ਗੱਡੀ ਵਿੱਚੋਂ ਬਾਹਰ ਨਹੀਂ ਆਉਣਾ ਚਾਹੀਦਾ।