ਕਿਹੜੇ ਪਸ਼ੂ ਦਾ ਦੁੱਧ ਹੁੰਦਾ ਸਭ ਤੋਂ ਮਹਿੰਗਾ... ਇੱਕ ਲੀਟਰ ਖਰੀਦਣ ਲਈ ਕਿੰਨੇ ਪੈਸੇ ਕਰਨੇ ਪੈਂਦੇ ਅਦਾ?
ਨਕਾਜ਼ਾਵਾ ਦੁੱਧ ਨੂੰ ਦੁਨੀਆ ਦਾ ਸਭ ਤੋਂ ਮਹਿੰਗਾ ਦੁੱਧ ਗਿਣਿਆ ਜਾਂਦਾ ਹੈ। ਇਸ ਦੀ ਖ਼ਾਸ ਗੱਲ ਇਹ ਹੈ ਕਿ ਇਹ ਕਿਸੇ ਖ਼ਾਸ ਜਾਨਵਰ ਤੋਂ ਨਹੀਂ ਲਿਆ ਜਾਂਦਾ ਹੈ। ਇਹ ਜਾਪਾਨੀ ਕੰਪਨੀ ਦਾ ਬ੍ਰਾਂਡ ਨਾਮ ਹੈ।
Milk Price In India: ਭਾਰਤ 'ਚ ਹਰ ਘਰ 'ਚ ਦੁੱਧ ਲਗਭਗ 50 ਤੋਂ 100 ਰੁਪਏ ਪ੍ਰਤੀ ਲੀਟਰ ਦੇ ਹਿਸਾਬ ਨਾਲ ਆ ਰਿਹਾ ਹੈ। ਭਾਰਤ 'ਚ ਲੋਕ ਆਮ ਤੌਰ 'ਤੇ ਗਾਂ ਅਤੇ ਮੱਝ ਦਾ ਦੁੱਧ ਪੀਂਦੇ ਹਨ। ਪਰ ਕੀ ਤੁਸੀਂ ਸੋਚਿਆ ਹੈ ਕਿ ਸਾਰਿਆਂ ਦਾ ਦੁੱਧ 50 ਤੋਂ 100 ਰੁਪਏ 'ਚ ਮਿਲਦਾ ਹੈ। ਕੀ ਕਿਸੇ ਵੀ ਦੁੱਧ ਦੀ ਕੀਮਤ ਹਜ਼ਾਰਾਂ ਰੁਪਏ ਪ੍ਰਤੀ ਲੀਟਰ ਤੱਕ ਹੋ ਸਕਦੀ ਹੈ? ਆਓ ਅੱਜ ਇਹ ਜਾਣਨ ਦੀ ਕੋਸ਼ਿਸ਼ ਕਰਦੇ ਹਾਂ ਕਿ ਦੁਨੀਆ ਦੇ ਮਹਿੰਗੇ ਭਾਅ ਦੀ ਕੀਮਤ ਕੀ ਹੈ?
ਗਧੀ ਦਾ ਦੁੱਧ
ਦੁਨੀਆ ਭਰ 'ਚ ਗਧੀ ਦਾ ਦੁੱਧ ਸਭ ਤੋਂ ਮਹਿੰਗਾ ਹੈ। ਅਮਰੀਕਾ ਅਤੇ ਯੂਰਪ 'ਚ ਇਸ ਦੀ ਬਹੁਤ ਮੰਗ ਹੈ। ਇੱਥੇ ਇੱਕ ਲੀਟਰ ਗਧੀ ਦੇ ਦੁੱਧ ਦੀ ਕੀਮਤ 160 ਡਾਲਰ ਤੱਕ ਹੈ। ਮਤਲਬ ਇੱਥੇ ਇੱਕ ਲੀਟਰ ਦੁੱਧ ਲਗਭਗ 13 ਹਜ਼ਾਰ ਰੁਪਏ 'ਚ ਮਿਲਦਾ ਹੈ। ਭਾਰਤ ਦੇ ਕੁਝ ਸ਼ਹਿਰਾਂ 'ਚ ਇਸ ਦੀ ਕੀਮਤ 7000 ਰੁਪਏ ਪ੍ਰਤੀ ਲੀਟਰ ਹੈ। ਇਸ ਨੂੰ ਸਿਹਤ ਲਈ ਫ਼ਾਇਦੇਮੰਦ ਮੰਨਿਆ ਜਾਂਦਾ ਹੈ।
ਨਕਾਜ਼ਾਵਾ ਦੁੱਧ
ਨਕਾਜ਼ਾਵਾ ਦੁੱਧ ਨੂੰ ਦੁਨੀਆ ਦਾ ਸਭ ਤੋਂ ਮਹਿੰਗਾ ਦੁੱਧ ਗਿਣਿਆ ਜਾਂਦਾ ਹੈ। ਇਸ ਦੀ ਖ਼ਾਸ ਗੱਲ ਇਹ ਹੈ ਕਿ ਇਹ ਕਿਸੇ ਖ਼ਾਸ ਜਾਨਵਰ ਤੋਂ ਨਹੀਂ ਲਿਆ ਜਾਂਦਾ ਹੈ। ਇਹ ਜਾਪਾਨੀ ਕੰਪਨੀ ਦਾ ਬ੍ਰਾਂਡ ਨਾਮ ਹੈ। ਕੰਪਨੀ ਹਫ਼ਤੇ 'ਚ ਇੱਕ ਵਾਰ ਹੀ ਗਾਵਾਂ ਦਾ ਦੁੱਧ ਦਿੰਦੀ ਹੈ। ਸਾਰੇ ਪੋਸ਼ਣ ਬਣੇ ਰਹਿਣ, ਇਸ ਦੇ ਲਈ 6 ਘੰਟਿਆਂ ਦੇ ਅੰਦਰ ਦੁੱਧ ਨੂੰ ਬੋਤਲ 'ਚ ਬੰਦ ਕਰ ਦਿੱਤਾ ਜਾਂਦਾ ਹੈ। ਚੰਗੀ ਗੱਲ ਇਹ ਹੈ ਕਿ ਇਸ 'ਚ ਗਾਂ ਦੇ ਦੁੱਧ ਨਾਲੋਂ 3 ਤੋਂ 4 ਗੁਣਾ ਜ਼ਿਆਦਾ ਮੇਲਾਟੋਨਿਨ ਹੁੰਦਾ ਹੈ। ਮੇਲਾਟੋਨਿਨ ਇੱਕ ਹਾਰਮੋਨ ਹੈ ਜੋ ਚਿੰਤਾ ਨੂੰ ਘਟਾਉਂਦਾ ਹੈ। ਜਾਪਾਨ 'ਚ ਇਸ ਦੀ ਕੀਮਤ 40 ਮਤਲਬ ਲਗਭਗ 3000 ਰੁਪਏ ਪ੍ਰਤੀ ਲੀਟਰ ਹੈ।
ਊਠ ਦਾ ਦੁੱਧ
ਖਾੜੀ ਸਮੇਤ ਹੋਰ ਦੇਸ਼ਾਂ 'ਚ ਲੋਕ ਪੁਰਾਣੇ ਸਮੇਂ ਤੋਂ ਊਠ ਦਾ ਦੁੱਧ ਪੀਂਦੇ ਹਨ। ਅਰਬ 'ਚ ਖਜੂਰ ਅਤੇ ਊਠ ਦਾ ਦੁੱਧ ਇਕੱਠਾ ਪੀਣਾ ਵਰਤ ਤੋੜਨ ਦਾ ਪੁਰਾਣਾ ਤਰੀਕਾ ਹੈ। ਇਸ ਦੁੱਧ ਨੂੰ ਪਸੰਦ ਕਰਨ ਪਿੱਛੇ ਵੀ ਇਕ ਕਾਰਨ ਹੈ। ਇਸ ਦਾ ਟੇਸਟ ਲਗਭਗ ਗਾਂ ਦੇ ਦੁੱਧ ਵਰਗਾ ਹੈ। ਆਸਟ੍ਰੇਲੀਆ 'ਚ ਊਠ ਦੇ ਦੁੱਧ ਦੀ ਕੀਮਤ 14.5 AUD ਪ੍ਰਤੀ ਲੀਟਰ ਹੈ। ਭਾਰਤੀ ਕਰੰਸੀ ਦੇ ਹਿਸਾਬ ਨਾਲ ਇੱਕ ਲੀਟਰ ਦੁੱਧ 800 ਰੁਪਏ ਪ੍ਰਤੀ ਲੀਟਰ ਬਣਦਾ ਹੈ।
ਬੱਕਰੀ ਦਾ ਦੁੱਧ
ਕਈ ਵਾਰ ਬੱਕਰੀ ਦਾ ਦੁੱਧ ਗਾਂ ਅਤੇ ਮੱਝ ਦੇ ਦੁੱਧ ਨਾਲੋਂ ਵੀ ਵੱਧ ਕੀਮਤ 'ਤੇ ਵੇਚਿਆ ਜਾਂਦਾ ਹੈ। ਉਦਾਹਰਣ ਲਈ ਜਦੋਂ ਭਾਰਤ 'ਚ ਡੇਂਗੂ ਦਾ ਸੀਜ਼ਨ ਆਉਂਦਾ ਹੈ, ਲੋਕ ਪਲੇਟਲੈਟਸ ਨੂੰ ਵਧਾਉਣ ਲਈ ਇਸ ਦੀ ਵਰਤੋਂ ਕਰਦੇ ਹਨ। ਫਿਰ ਇਸ ਦੀ ਕੀਮਤ 200 ਤੋਂ 300 ਰੁਪਏ ਪ੍ਰਤੀ ਲੀਟਰ ਤੱਕ ਪਹੁੰਚ ਜਾਂਦੀ ਹੈ। ਬੱਕਰੀ ਦੇ ਦੁੱਧ 'ਚ ਥੋੜ੍ਹਾ ਜ਼ਿਆਦਾ ਪ੍ਰੋਟੀਨ, ਕੋਲੈਸਟ੍ਰੋਲ ਅਤੇ ਚਰਬੀ ਅਤੇ ਇਸੇ ਤਰ੍ਹਾਂ ਦੇ ਵਿਟਾਮਿਨ ਅਤੇ ਖਣਿਜ ਹੁੰਦੇ ਹਨ। ਭਾਰਤ 'ਚ ਇਸ ਦੀ ਕੀਮਤ ਲਗਭਗ 100 ਰੁਪਏ ਪ੍ਰਤੀ ਲੀਟਰ ਹੈ।
ਗਾਂ ਦਾ ਦੁੱਧ
ਭਾਰਤ 'ਚ ਗਾਂ ਦੇ ਦੁੱਧ ਨੂੰ ਪ੍ਰੋਟੀਨ ਨਾਲ ਭਰਪੂਰ ਮੰਨਿਆ ਜਾਂਦਾ ਹੈ। ਇਹ ਦੇਸ਼ 'ਚ ਨਵਜੰਮੇ ਬੱਚਿਆਂ ਲਈ ਮਾਂ ਦੇ ਦੁੱਧ ਦੇ ਵਿਕਲਪ ਵਜੋਂ ਵਰਤਿਆ ਜਾਂਦਾ ਹੈ। ਭਾਰਤ ਤੋਂ ਇਲਾਵਾ ਅਮਰੀਕਾ, ਆਸਟ੍ਰੇਲੀਆ, ਕੈਨੇਡਾ ਸਮੇਤ ਹੋਰ ਦੇਸ਼ਾਂ ਵਿਚ ਵੀ ਗਾਂ ਦਾ ਦੁੱਧ ਵਰਤਿਆ ਜਾਂਦਾ ਹੈ। ਭਾਰਤ 'ਚ ਇਸ ਦੀ ਕੀਮਤ 60 ਤੋਂ 80 ਰੁਪਏ ਦੇ ਵਿਚਕਾਰ ਰਹਿੰਦੀ ਹੈ।
ਮੱਝ ਦਾ ਦੁੱਧ
ਭਾਰਤ 'ਚ ਮੱਝ ਦੇ ਮਲਾਈਦਾਰ ਦੁੱਧ ਦੀ ਵਰਤੋਂ ਦੱਖਣੀ ਏਸ਼ੀਆ ਅਤੇ ਚੀਨ 'ਚ ਵੱਡੇ ਪੱਧਰ 'ਤੇ ਕੀਤੀ ਜਾਂਦੀ ਹੈ। ਇਟਲੀ ਅਤੇ ਕੁਝ ਹੋਰ ਦੇਸ਼ਾਂ ਤੋਂ ਇਲਾਵਾ ਅਮਰੀਕਾ ਜਾਂ ਯੂਰਪ 'ਚ ਲੋਕ ਮੱਝਾਂ ਦਾ ਦੁੱਧ ਪੀਣਾ ਪਸੰਦ ਕਰਦੇ ਹਨ। ਭਾਰਤ 'ਚ ਇਸ ਦੀ ਕੀਮਤ 70-80 ਰੁਪਏ ਪ੍ਰਤੀ ਲੀਟਰ ਹੈ। ਅਮਰੀਕਾ 'ਚ ਇਸ ਨੂੰ ਪੀਣ ਲਈ 250 ਰੁਪਏ ਖਰਚ ਕਰਨੇ ਪੈਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
