ਜੇ ਤੁਸੀਂ ਡੌਗ ਲਵਰ ਹੋ ਜਾਂ ਤੁਸੀਂ ਕੁੱਤਾ ਰੱਖਿਆ ਹੈ, ਤਾਂ ਤੁਹਾਨੂੰ ਪਤਾ ਹੋਵੇਗਾ ਕਿ ਇਹ ਜਾਨਵਰ ਜਿਸ ਵਿਅਕਤੀ ਨਾਲ ਜੁੜਿਆ ਹੁੰਦਾ ਹੈ, ਉਸ ਦੇ ਪ੍ਰਤੀ ਬਹੁਤ ਵਫ਼ਾਦਾਰ ਹੁੰਦਾ ਹੈ। ਇੱਥੋਂ ਤੱਕ ਕਿ ਉਹ ਹਰ ਥਾਂ ਆਪਣੇ ਮਾਲਕ ਦਾ ਪਿੱਛਾ ਕਰਦਾ ਹੈ। ਕਈ ਵਾਰ ਤੁਹਾਨੂੰ ਕੁੱਤਿਆਂ ਦੀਆਂ ਇਹ ਹਰਕਤਾਂ ਪਿਆਰੀਆਂ ਲੱਗਦੀਆਂ ਹਨ ਅਤੇ ਕਈ ਵਾਰ ਤੁਸੀਂ ਇਸ ਤੋਂ ਪਰੇਸ਼ਾਨ ਹੋ ਜਾਂਦੇ ਹੋ। ਪਰ ਕੀ ਤੁਸੀਂ ਕਦੇ ਇਹ ਜਾਣਨ ਦੀ ਕੋਸ਼ਿਸ਼ ਕੀਤੀ ਹੈ ਕਿ ਕੁੱਤੇ ਅਜਿਹਾ ਕਿਉਂ ਕਰਦੇ ਹਨ? ਤਾਂ ਆਓ ਅਸੀਂ ਤੁਹਾਨੂੰ ਇਸ ਆਰਟਿਕਲ ਵਿੱਚ ਦੱਸਦੇ ਹਾਂ ਕਿ ਕੁੱਤੇ ਅਜਿਹਾ ਕਿਉਂ ਕਰਦੇ ਹਨ।
ਕਿਉਂ ਪਿੱਛਾ ਕਰਦੇ ਕੁੱਤੇ?
ਇਸ ਮੁੱਦੇ 'ਤੇ ਵੱਖ-ਵੱਖ ਮਾਹਿਰਾਂ ਦੇ ਵੱਖੋ-ਵੱਖਰੇ ਵਿਚਾਰ ਹਨ। ਕੁਝ ਮਾਹਰਾਂ ਦਾ ਮੰਨਣਾ ਹੈ ਕਿ ਕੁੱਤੇ ਅੱਜ ਨਹੀਂ ਸਗੋਂ ਸਦੀਆਂ ਤੋਂ ਮਨੁੱਖਾਂ ਦੇ ਨਾਲ ਰਹਿੰਦੇ ਆਏ ਹਨ, ਪਰ ਇਹ ਅਜਿਹੇ ਜੀਵ ਹਨ ਜੋ ਝੁੰਡ ਵਿਚ ਰਹਿਣਾ ਪਸੰਦ ਕਰਦੇ ਹਨ। ਇਸ ਲਈ ਜਦੋਂ ਕੋਈ ਕੁੱਤਾ ਇਕੱਲਾ ਜਾਂ ਪਾਲਤੂ ਹੁੰਦਾ ਹੈ ਤਾਂ ਉਹ ਆਪਣੇ ਮਾਲਕ ਅਤੇ ਉਸ ਦੇ ਪਰਿਵਾਰ ਨੂੰ ਹੀ ਝੁੰਡ ਸਮਝਣਾ ਸ਼ੁਰੂ ਕਰ ਦਿੰਦਾ ਹੈ। ਇਸ ਦੇ ਨਾਲ ਹੀ ਜਦੋਂ ਉਹ ਝੁੰਡ ਆਪਣੇ ਮਾਲਕ ਜਾਂ ਪਰਿਵਾਰ ਦੇ ਕਿਸੇ ਮੈਂਬਰ ਨੂੰ ਕਿਤੇ ਜਾਂਦੇ ਹੋਇਆਂ ਵੇਖਦਾ ਹੈ, ਤਾਂ ਉਹ ਉਨ੍ਹਾਂ ਦਾ ਪਿੱਛਾ ਕਰਦਾ ਹੈ।
ਇਹ ਵੀ ਪੜ੍ਹੋ: ਇਹ ਹੈ ਭਾਰਤ ਦੀ ਸਭ ਤੋਂ ਲੰਬੀ ਰੇਲ, ਜਿਸ ਦੇ 295 ਡੱਬੇ, 6 ਇੰਜਣ ਲਾਉਣ ਤੋਂ ਬਾਅਦ ਚੱਲਦੀ ਹੈ ਟਰੇਨ
ਮੈਂਟਲ ਫਲੌਸ 'ਤੇ ਛਪੀ ਖਬਰ ਮੁਤਾਬਕ ਅਮਰੀਕਨ ਕੇਨਲ ਕਲੱਬ ਦੀ ਮੈਂਬਰ ਡਾਕਟਰ ਰੇਚਲ ਬਰਾਕ ਦਾ ਕਹਿਣਾ ਹੈ ਕਿ ਜਦੋਂ ਤੁਸੀਂ 6 ਮਹੀਨੇ ਦੇ ਕਤੂਰੇ ਨੂੰ ਆਪਣੇ ਘਰ ਲਿਆਉਂਦੇ ਹੋ ਅਤੇ ਰੱਖਦੇ ਹੋ ਤਾਂ ਇਹ ਤੁਹਾਨੂੰ ਆਪਣੀ ਮਾਂ ਸਮਝ ਲੈਂਦਾ ਹੈ। ਅਜਿਹੀ ਸਥਿਤੀ ਵਿੱਚ ਉਹ ਤੁਹਾਡੇ ਨਾਲ ਉਸੇ ਤਰ੍ਹਾਂ ਦਾ ਸਲੂਕ ਕਰਦਾ ਹੈ ਜਿਵੇਂ ਉਹ ਆਪਣੀ ਮਾਂ ਨਾਲ ਕਰਦਾ ਹੈ। ਕਈ ਵਾਰ ਵੱਡੇ-ਵੱਡੇ ਕੁੱਤੇ ਵੀ ਇਨਸਾਨਾਂ ਦੇ ਬਹੁਤ ਨੇੜੇ ਹੋ ਜਾਂਦੇ ਹਨ ਕਿਉਂਕਿ ਉਹ ਅਜਿਹੇ ਜਾਨਵਰ ਹਨ ਕਿ ਜਿੱਥੇ ਵੀ ਉਨ੍ਹਾਂ ਨੂੰ ਪਿਆਰ ਮਿਲਦਾ ਹੈ, ਉਹ ਉਨ੍ਹਾਂ ਦੇ ਬਣ ਜਾਂਦੇ ਹਨ।
ਭੁੱਖ ਅਤੇ ਅਟੈਂਸ਼ਨ ਵੀ ਇੱਕ ਵਜ੍ਹਾ
ਕੁਝ ਮਾਹਰ ਕਹਿੰਦੇ ਹਨ ਕਿ ਕਈ ਵਾਰ ਕੁੱਤੇ ਤੁਹਾਡਾ ਪਿੱਛਾ ਕਰਦੇ ਹਨ ਕਿਉਂਕਿ ਉਹ ਜਾਂ ਤਾਂ ਭੁੱਖੇ ਹੁੰਦੇ ਹਨ ਜਾਂ ਉਹ ਤੁਹਾਡਾ ਧਿਆਨ ਆਪਣੇ ਵੱਲ ਖਿਚਣਾ ਚਾਹੁੰਦੇ ਹਨ। ਤੁਸੀਂ ਦੇਖਿਆ ਹੋਵੇਗਾ ਕਿ ਕਈ ਵਾਰ ਗਲੀ ਦੇ ਕੁੱਤੇ ਜਿਨ੍ਹਾਂ ਨੂੰ ਤੁਸੀਂ ਰੋਜ਼ ਬਿਸਕੁਟ ਖੁਆਉਂਦੇ ਹੋ, ਉਹ ਵੀ ਤੁਹਾਨੂੰ ਦੇਖ ਕੇ ਤੁਹਾਡਾ ਪਿੱਛਾ ਕਰਦੇ ਹਨ। ਇਸ ਦਾ ਸਪੱਸ਼ਟ ਮਤਲਬ ਹੈ ਕਿ ਉਨ੍ਹਾਂ ਨੇ ਤੁਹਾਨੂੰ ਦੇਖ ਲਿਆ ਹੈ ਅਤੇ ਹੁਣ ਉਹ ਤੁਹਾਡੇ ਤੋਂ ਬਿਸਕੁਟ ਦੀ ਉਮੀਦ ਕਰ ਰਹੇ ਹਨ।
ਇਹ ਵੀ ਪੜ੍ਹੋ: ਇਸ ਨੂੰ ਕਹਿੰਦੇ ਨੇ ਦੁਨੀਆ ਦੀ ਆਖਰੀ ਸੜਕ, ਧਰਤੀ ਦੇ ਆਖਰੀ ਸਿਰੇ 'ਤੇ ਹੁੰਦੀ ਹੈ ਖ਼ਤਮ!