ਸਾਵਧਾਨ! ਨਹਾਉਣ ਤੋਂ ਟਾਲਾ ਵੱਟਣ ਕਾਰਨ ਹੋ ਸਕਦਾ ਹੈ ਤੁਹਾਡਾ ਤਲਾਕ, ਨਹੀਂ ਯਕੀਨ ਤਾਂ ਪੜ੍ਹੋ ਇਹ ਖ਼ਬਰ

ਮੱਧ ਪ੍ਰਦੇਸ਼ ਦੀ ਰਾਜਧਾਨੀ ‘ਚ ਇੱਕ ਅਨੋਖਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਪਤੀ ਦੀ ਨਾ ਨਹਾਉਣ ਦੀ ਆਦਤ ਦੇ ਚੱਲਦਿਆਂ ਪਤਨੀ ਨੇ ਕੋਰਟ ‘ਚ ਤਲਾਕ ਦੀ ਗੁਹਾਰ ਲਗਾਈ ਹੈ। ਜੋੜੇ ਦਾ ਵਿਆਹ ਇੱਕ ਸਾਲ ਪਹਿਲਾਂ ਹੀ ਹੋਇਆ ਸੀ।

ਸੰਕੇਤਕ ਤਸਵੀਰ

ਭੋਪਾਲ: ਮੱਧ ਪ੍ਰਦੇਸ਼ ਦੀ ਰਾਜਧਾਨੀ ‘ਚ ਇੱਕ ਅਨੋਖਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਪਤੀ ਦੀ ਨਾ ਨਹਾਉਣ ਦੀ ਆਦਤ ਦੇ ਚੱਲਦਿਆਂ ਪਤਨੀ ਨੇ ਕੋਰਟ ‘ਚ ਤਲਾਕ ਦੀ ਗੁਹਾਰ ਲਗਾਈ ਹੈ। ਜੋੜੇ ਦਾ ਵਿਆਹ ਇੱਕ ਸਾਲ ਪਹਿਲਾਂ ਹੀ ਹੋਇਆ ਸੀ। ਮੀਡੀਆ ਖ਼ਬਰਾਂ ਮੁਤਾਬਕ ਭੋਪਾਲ ਦੀ ਫੈਮਿਲੀ ਕੋਰਟ ਦੀ ਕਾਉਂਸਲਰ ਸ਼ੈਲ ਅਵਸਥੀ ਨੇ ਸ਼ੁੱਕਰਵਾਰ ਨੂੰ ਦੱਸੀਆ ਕਿ ਜੋੜੇ ਨੇ ਕੋਰਟ ‘ਚ ਤਲਾਕ ਦੀ ਅਰਜ਼ੀ ਦਿੱਤੀ ਹੈ। ਇਸ ਮਾਮਲੇ ‘ਚ ਜੱਜ ਆਰ.ਐਨ. ਚੰਦ ਨੇ ਆਪਣਾ ਫੈਸਲਾ ਸੁਣਾਉਂਦੇ ਹੋਏ ਕਿਹਾ ਕਿ ਜੋੜੇ ਨੂੰ ਅਗਲੇ ਛੇ ਮਹੀਨੇ ਤਕ ਇੱਕ ਦੂਜੇ ਤੋਂ ਵੱਖ ਰਹਿਣ ਪਵੇਗਾ ਤਾਂ ਹੀ ਉਨ੍ਹਾਂ ਦੀ ਤਲਾਕ ਦੀ ਅਰਜ਼ੀ ਮਨਜ਼ੂਰ ਕੀਤੀ ਜਾਵੇਗੀ। ਕੋਰਟ ਕਾਉਂਸਲਰ ਸ਼ੈਲ ਅਵਸਥੀ ਨੇ ਦੱਸਿਆ ਕਿ ਉਹ ਆਪਣੇ ਪਤੀ ਦੇ ਨਾ ਨਹਾਉਣ ਦੀ ਆਦਤ ਤੋਂ ਦੁਖੀ ਸੀ। ਜਦੋਂ ਉਸ ਨੂੰ ਨਹਾਉਣ ਲਈ ਕਿਹਾ ਜਾਂਦਾ ਸੀ ਤਾਂ ਉਹ ਪਰਫਿਊਮ ਛਿੜਕ ਲੈਂਦਾ ਸੀ। ਇਨ੍ਹਾਂ ਹੀ ਨਹੀਂ ਜੋ ਵੀ ਪੈਸਾ ਕਮਾਉਂਦਾ ਸੀ ਉਹ ਉਸ ਨੂੰ ਖ਼ਰਚ ਦਿੰਦਾ ਸੀ ਅਤੇ ਘਰ ਲਈ ਕੋਈ ਪੈਸਾ ਨਹੀਂ ਦਿੰਦਾ ਸੀ।