ਮੁੰਡੇ ਨਾਲ ਖੜ੍ਹੇ ਹੋਣ ਦੀ ਕੁੜੀ ਨੂੰ ਮਿਲੀ ਇੰਨੀਂ ਦਰਦਨਾਕ ਸਜ਼ਾ

ਜ਼ਿਕਰਯੋਗ ਹੈ ਸ਼ਰੀਆ ਕਾਨੂੰਨ ਮੁਤਾਬਿਕ ਨਜਾਇਜ਼ ਸੰਬੰਧਾਂ ਤੋਂ ਇਲਾਵਾ ਸ਼ਰਾਬ ਪੀਣ, ਸਮਲਿੰਗੀ ਸੰਬੰਧਾਂ ਅਤੇ ਜੂਆ ਖੇਡਣ 'ਤੇ ਵੀ ਸਜ਼ਾ ਦਿੱਤੀ ਜਾਂਦੀ ਹੈ। ਸ਼ਰੀਆ ਕਾਨੂੰਨ ਦੀ ਉਲੰਘਣਾ ਕਰਨ 'ਤੇ ਪਿਛਲੇ ਸਾਲ ਇੱਥੇ ਇੱਕ ਨੂਰ ਇਲਿਤਾ ਨਾਂ ਦੀ ਕੁੜੀ ਨੂੰ ਸਜ਼ਾ ਦਿੱਤੀ ਗਈ ਸੀ ਅਤੇ ਇੱਕ ਕੋੜੇ ਦੀ ਮਾਰ ਨਾਲ ਹੀ ਵਿਚਾਰੀ ਕੁੜੀ ਬੇਹੋਸ਼ ਹੋ ਗਈ ਸੀ।

ਕੋੜੇ ਮਾਰੇ ਜਾਣ ਦੌਰਾਨ ਕੁੜੀ ਦਰਦ ਨਾਲ ਤੜਫ਼ ਰਹੀ ਸੀ ਤਾਂ ਉੱਥੇ ਮੌਜੂਦ ਲੋਕ ਵਾਹ-ਵਾਹ ਕਰ ਰਹੇ ਸਨ। ਇੱਥੇ ਪੁਰਸ਼ਾਂ ਅਤੇ ਔਰਤਾਂ ਨੂੰ ਵੱਖ-ਵੱਖ ਕਰਕੇ ਸਜ਼ਾ ਦਿੱਤੀ ਗਈ ਅਤੇ ਇੱਕ ਔਰਤ ਨੂੰ ਗਰਭਵਤੀ ਹੋਣ ਕਰਕੇ ਛੱਡ ਦਿੱਤਾ ਗਿਆ।

ਸੋਮਵਾਰ ਨੂੰ ਇੰਡੋਨੇਸ਼ੀਆ ਦੇ ਬੰਦਾ ਆਂਚੇ ਵਿਖੇ ਇੱਕ ਮਸਜਿਦ ਦੇ ਬਾਹਰ 13 ਲੋਕਾਂ ਨੂੰ ਖੜ੍ਹੇ ਕਰਕੇ ਕੋੜੇ ਮਾਰੇ ਗਏ। ਸਜ਼ਾ ਹਾਸਲ ਕਰਨ ਵਾਲੇ ਲੋਕਾਂ ਵਿਚ ਛੇ ਜੋੜੇ ਸ਼ਾਮਲ ਸਨ, ਜਿਨ੍ਹਾਂ ਦੇ ਨਜਾਇਜ਼ ਸੰਬੰਧ ਸਨ। ਪਰ ਇਸ ਕੁੜੀ ਦਾ ਦਰਦ ਦੁਨੀਆ ਭਰ ਵਿਚ ਖ਼ਬਰਾਂ ਦੀਆਂ ਸੁਰਖ਼ੀਆਂ ਬਣ ਗਿਆ।

ਇੰਡੋਨੇਸ਼ੀਆ ਵਿਚ ਸ਼ਰੀਆ ਕਾਨੂੰਨ ਤੋੜਨ ਦੇ ਦੋਸ਼ ਵਿਚ 13 ਲੋਕਾਂ ਨੂੰ ਭੀੜ ਦੇ ਸਾਹਮਣੇ ਸ਼ਰ੍ਹੇਆਮ ਕੋੜੇ ਮਾਰ ਕੇ ਸਜ਼ਾ ਦਿੱਤੀ ਗਈ। ਇਨ੍ਹਾਂ ਲੋਕਾਂ ਵਿਚ ਇੱਕ ਕੁੜੀ ਵੀ ਸ਼ਾਮਲ ਸੀ, ਜਿਸ ਦਾ ਗੁਨਾਹ ਸਿਰਫ਼ ਇੰਨਾ ਹੀ ਸੀ ਕਿ ਉਹ ਆਪਣੇ ਪ੍ਰੇਮੀ ਦੇ ਨੇੜੇ ਖੜ੍ਹੀ ਹੋ ਗਈ ਸੀ।

ਬੰਦਾ ਆਂਚੇ— ਪਿਆਰ ਇਸ ਦੁਨੀਆ ਦੀਆਂ ਨਜ਼ਰਾਂ 'ਚ ਹਮੇਸ਼ਾ ਤੋਂ ਰੜਕਦਾ ਰਿਹਾ ਹੈ ਪਰ ਇਹ ਰੜਕ ਸ਼ਰ੍ਹੇਆਮ ਕਿਸੀ ਕੁੜੀ 'ਤੇ ਇਸ ਤਰ੍ਹਾਂ ਕੱਢੀ ਜਾ ਸਕਦੀ ਹੈ, ਇਸ ਦਾ ਅੰਦਾਜ਼ਾ ਲਾਉਣਾ ਵੀ ਮੁਸ਼ਕਿਲ ਹੈ।