(Source: ECI/ABP News)
ਔਰਤ ਨੇ ਆਰਡਰ ਕੀਤਾ KFC ਸੈਂਡਵਿਚ, ਵਿਚਕਾਰ ਰੱਖੇ ਮਿਲੇ 43000 ਰੁਪਏ
ਔਰਤ ਨੇ KFC ਤੋਂ ਸੈਂਡਵਿਚ ਆਰਡਰ ਕੀਤਾ। ਪਰ ਸੈਂਡਵਿਚ ਦੇ ਵਿਚਕਾਰ ਉਸ ਨੂੰ 543 ਡਾਲਰ ਮਤਲਬ 43,399 ਰੁਪਏ ਮਿਲੇ। ਪੈਸੇ ਦੇਖ ਕੇ ਔਰਤ ਹੈਰਾਨ ਰਹਿ ਗਈ। ਪਰ ਔਰਤ ਇਮਾਨਦਾਰ ਸੀ। ਉਸ ਨੇ ਪੈਸੇ ਆਪਣੇ ਕੋਲ ਰੱਖਣਾ ਠੀਕ ਨਹੀਂ ਸਮਝਿਆ।
KFC (ਕੇਂਟਕੀ ਫਰਾਈਡ ਚਿਕਨ) ਇੱਕ ਅਜਿਹਾ ਬ੍ਰਾਂਡ ਹੈ, ਜੋ ਪੂਰੀ ਦੁਨੀਆ 'ਚ ਬਹੁਤ ਮਸ਼ਹੂਰ ਹੈ। ਤੁਸੀਂ KFC ਨਾਲ ਸਬੰਧਤ ਕੁਝ ਨੈਗੇਟਿਵ ਅਤੇ ਕੁਝ ਪਾਜੀਟਿਵ ਖ਼ਬਰਾਂ ਜ਼ਰੂਰ ਸੁਣੀਆਂ ਹੋਣਗੀਆਂ। ਪਰ ਹੁਣ KFC ਨਾਲ ਜੁੜੀ ਨਵੀਂ ਖ਼ਬਰ ਸਾਹਮਣੇ ਆਈ ਹੈ, ਜੋ ਕਾਫੀ ਹੈਰਾਨ ਕਰਨ ਵਾਲੀ ਹੈ। ਦਰਅਸਲ ਇੱਕ ਮਹਿਲਾ ਨੇ KFC ਤੋਂ ਸੈਂਡਵਿਚ ਆਰਡਰ ਕੀਤਾ ਸੀ। ਇਸ 'ਚ ਉਸ ਨੂੰ ਕੈਸ਼ ਮਿਲਿਆ।
ਕਿੰਨੀ ਮਿਲਿਆ ਕੈਸ਼?
ਅਮਰੀਕਾ 'ਚ ਹਾਲ ਹੀ ਵਿੱਚ ਇੱਕ ਅਨੋਖਾ ਮਾਮਲਾ ਸਾਹਮਣੇ ਆਇਆ ਹੈ। ਇੱਕ ਔਰਤ ਨੇ KFC ਤੋਂ ਸੈਂਡਵਿਚ ਆਰਡਰ ਕੀਤਾ। ਪਰ ਸੈਂਡਵਿਚ ਦੇ ਵਿਚਕਾਰ ਉਸ ਨੂੰ 543 ਡਾਲਰ ਮਤਲਬ 43,399 ਰੁਪਏ ਮਿਲੇ। ਪੈਸੇ ਦੇਖ ਕੇ ਔਰਤ ਹੈਰਾਨ ਰਹਿ ਗਈ। ਪਰ ਔਰਤ ਇਮਾਨਦਾਰ ਸੀ। ਉਸ ਨੇ ਪੈਸੇ ਆਪਣੇ ਕੋਲ ਰੱਖਣਾ ਠੀਕ ਨਹੀਂ ਸਮਝਿਆ।
ਦੇਖ ਕੇ ਰਹਿ ਗਈ ਹੈਰਾਨ
ਇਹ ਘਟਨਾ ਅਮਰੀਕਾ ਦੇ ਜਾਰਜੀਆ ਦੇ ਜੈਕਸਨ ਦੀ ਰਹਿਣ ਵਾਲੀ ਜੋਨ ਓਲੀਵਰ ਨਾਲ ਵਾਪਰੀ ਹੈ। ਜੋਨ ਦੀ ਉਮਰ 60 ਸਾਲ ਤੋਂ ਵੱਧ ਹੈ। ਉਹ ਕਿਤੇ ਸਫ਼ਰ ਕਰ ਰਹੇ ਸਨ। ਉਨ੍ਹਾਂ ਨੇ ਕੇਐਫਸੀ ਦੇ ਡਰਾਈਵ ਥਰੂ ਤੋਂ ਸੈਂਡਵਿਚ ਆਰਡਰ ਕੀਤਾ। ਸੈਂਡਵਿਚ ਆਰਡਰ ਕਰਕੇ ਰਸਤੇ 'ਚ ਉਡੀਕ ਕਰਨ ਲੱਗੇ। ਪਰ ਜਦੋਂ ਉਨ੍ਹਾਂ ਨੂੰ ਸੈਂਡਵਿਚ ਮਿਲਿਆ ਤਾਂ ਉਸ ਦੇ ਅੰਦਰੋਂ ਨੋਟ ਦਿਖਾਈ ਦਿੱਤੇ। ਇਨ੍ਹਾਂ ਨੋਟਾਂ ਨੇ ਉਨ੍ਹਾਂ ਨੂੰ ਹੈਰਾਨ ਕਰ ਦਿੱਤਾ।
ਔਰਤ ਨੇ ਦਿਖਾਈ ਇਮਾਨਦਾਰੀ
ਜੋਨ ਨੂੰ ਸੈਂਡਵਿਚ ਦੇ ਨਾਲ 43 ਹਜ਼ਾਰ ਰੁਪਏ ਮਿਲੇ ਹਨ। ਜੇ ਕਿਸੇ ਦੇ ਹੱਥ 'ਚ ਪਿਆ ਪੈਸਾ ਆ ਜਾਵੇ ਤਾਂ ਉਹ ਇਸ ਨੂੰ ਆਪਣਾ ਹੱਕ ਸਮਝਦਾ ਹੈ। ਪਰ ਜੋਨ ਨੇ ਇਮਾਨਦਾਰੀ ਦਿਖਾਈ। ਜੋਨ ਨੂੰ ਵੀ ਪੈਸੇ ਦੀ ਲੋੜ ਸੀ। ਉਨ੍ਹਾਂ ਨੇ ਤੁਰੰਤ ਪੁਲਿਸ ਨੂੰ ਬੁਲਾ ਕੇ ਸਾਰੀ ਸੱਚਾਈ ਦੱਸੀ। ਜੋਨ ਇਨ੍ਹਾਂ ਪੈਸਿਆਂ ਵਿੱਚੋਂ ਕੁਝ ਜਾਂ ਸਾਰਾ ਖਰਚ ਕਰ ਸਕਦਾ ਸੀ। ਪਰ ਇਮਾਨਦਾਰੀ ਦਿਖਾਉਂਦੇ ਹੋਏ ਉਸ ਨੇ ਪੁਲਿਸ ਨੂੰ ਸੂਚਨਾ ਦਿੱਤੀ।
ਸਾਰੇ ਪੈਸੇ ਕੀਤੇ ਵਾਪਸ
ਪੁਲਿਸ ਨੇ ਪੈਸਿਆਂ ਦੀ ਜਾਂਚ ਕੀਤੀ। ਪੁਲਿਸ ਨੇ ਦੱਸਿਆ ਕਿ ਇਹ ਪੈਸਾ ਕੇਐਫਸੀ ਦੇ ਕੈਸ਼ ਕਾਊਂਟਰ 'ਤੇ ਰੋਜ਼ਾਨਾ ਜਮ੍ਹਾ ਕਰਨ ਨਾਲ ਸਬੰਧਤ ਸੀ ਅਤੇ ਗਲਤੀ ਨਾਲ ਸੈਂਡਵਿਚ ਬੈਗ 'ਚ ਰੱਖਿਆ ਗਿਆ ਸੀ। ਜੋਨ ਨੇ ਸਾਰੇ ਪੈਸੇ ਵਾਪਸ ਕਰ ਦਿੱਤੇ। ਇਸ ਨਾਲ ਕੇਐਫਸੀ ਮੈਨੇਜਰ ਦੀ ਨੌਕਰੀ ਬਚ ਗਈ। ਜੇਕਰ ਜੋਨ ਨੇ ਪੈਸੇ ਵਾਪਸ ਨਾ ਕੀਤੇ ਹੁੰਦੇ ਤਾਂ ਉਸ ਦੀ ਨੌਕਰੀ ਚਲੀ ਜਾਂਦੀ ਅਤੇ ਇਸ ਦੇ ਨਾਲ 43 ਹਜ਼ਾਰ ਰੁਪਏ ਦੇਣੇ ਪੈਂਦੇ।
ਹੋ ਰਹੀ ਤਾਰੀਫ
ਜੋਨ ਵੱਲੋਂ ਦਿਖਾਈ ਗਈ ਇਮਾਨਦਾਰੀ ਲਈ ਉਨ੍ਹਾਂ ਦੀ ਸ਼ਲਾਘਾ ਹੋ ਰਹੀ ਹੈ। ਹਰ ਕੋਈ ਉਨ੍ਹਾਂ ਦੀ ਇਮਾਨਦਾਰੀ ਦੀ ਸ਼ਲਾਘਾ ਕਰ ਰਿਹਾ ਹੈ। ਪੁਲਿਸ ਮੁਤਾਬਕ ਇਮਾਨਦਾਰ ਲੋਕ ਹੀ ਸ਼ਹਿਰ ਨੂੰ ਬਿਹਤਰ ਬਣਾਉਂਦੇ ਹਨ। ਇਕ ਰਿਪੋਰਟ ਮੁਤਾਬਕ ਜੋਨ ਦੀ ਇਮਾਨਦਾਰੀ ਨੂੰ ਦੇਖਦੇ ਹੋਏ ਕੇਐਫਸੀ ਨੇ ਓਲੀਵਰ ਦੀ ਦੁਪਹਿਰ ਦੇ ਖਾਣੇ ਦੇ ਪੈਸੇ ਵਾਪਸ ਕਰ ਦਿੱਤੇ ਅਤੇ ਉਨ੍ਹਾਂ ਨੂੰ ਮੁਫ਼ਤ ਖਾਣਾ ਦਿੱਤਾ। ਓਲੀਵਰ ਨੇ ਮੰਨਿਆ ਕੀਤਾ ਕਿ ਉਨ੍ਹਾਂ ਨੂੰ ਕੁਝ ਸਮੇਂ ਲਈ ਪੈਸੇ ਰੱਖਣ ਦਾ ਲਾਲਚ ਮਨ 'ਚ ਆਇਆ ਸੀ, ਕਿਉਂਕਿ ਉਸ ਦਾ ਪਤੀ ਕੈਂਸਰ ਨਾਲ ਜੂਝ ਰਿਹਾ ਹੈ ਅਤੇ ਉਨ੍ਹਾਂ ਨੂੰ ਪੇਮੈਂਟ ਲਈ ਲਗਭਗ 2 ਮਿਲੀਅਨ ਡਾਲਰ ਦੀ ਜ਼ਰੂਰਤ ਹੈ। ਇਸ ਦੀ ਬਜਾਏ ਉਨ੍ਹਾਂ ਨੇ ਪੁਲਿਸ ਨੂੰ ਬੁਲਾਇਆ ਅਤੇ ਪੈਸੇ ਵਾਪਸ ਕਰ ਦਿੱਤੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
