ਮੋਟਰਸਾਇਕਲ ਨੂੰ ਬਣਾਇਆ ਜੇਸੀਬੀ, ਵੀਡੀਓ ਵਾਇਰਲ

ਟਵਿਟਰ 'ਤੇ ਸ਼ੇਅਰ ਕੀਤੀ ਗਈ ਤਸਵੀਰ 'ਚ ਇਕ ਸ਼ਖਸ ਆਪਣੀ ਮੋਟਰਸਾਇਕਲ 'ਚ ਬਦਲਾਅ ਕਰਦਾ ਹੈ। ਬਾਇਕ 'ਚ ਮਹੇਂਦਰਾ ਦਾ ਲੋਡਰ ਫਿੱਟ ਕਰਦਿਆਂ ਉਸ ਨੂੰ ਜੇਸੀਬੀ ਦੀ ਤਰ੍ਹਾਂ ਮਿੱਟੀ ਪੁੱਟਣ ਵਾਲੀ ਮਸ਼ੀਨ ਦਾ ਰੂਪ ਦੇ ਦਿੱਤਾ ਗਿਆ।

anand_mahindra

ਨਵੀਂ ਦਿੱਲੀ: ਬਿਜ਼ਨਸਮੈਨ ਆਨੰਦ ਮਹੇਂਦਰਾ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੇ ਹਨ ਅਤੇ ਅਕਸਰ ਦਿਲਚਸਪ ਫੋਟੋਆਂ ਸ਼ੇਅਰ ਕਰਦੇ ਰਹਿੰਦੇ ਹਨ। ਹਾਲ ਹੀ 'ਚ ਉਨ੍ਹਾਂ ਇਕ ਹੋਰ ਟਵੀਟ ਕੀਤਾ ਹੈ। ਜੋ ਕਾਫੀ ਵਾਇਰਲ ਹੋ ਰਿਹਾ ਹੈ ਤੇ ਲੋਕ ਉਨ੍ਹਾਂ ਦੇ ਟਵੀਟ ਤੋਂ ਖੂਬ ਮਜੇ ਲੈ ਰਹੇ ਹਨ।

ਉਨ੍ਹਾਂ ਇਸ ਵਾਰ ਟਵਿਟਰ 'ਤੇ ਇਕ ਅਮਰੀਕੀ ਸ਼ਖਸ ਦੀ ਇਕ ਫੋਟੋ ਸ਼ੇਅਰ ਕੀਤੀ ਹੈ। ਜਿਸ ਨੂੰ ਦੇਖ ਕੇ ਲੋਕ ਹੈਰਾਨ ਹਨ। ਘੱਟ ਸਾਧਨਾਂ 'ਚ ਬਿਹਤਰ ਨਤੀਜੇ ਦੇਣ ਵਾਲੇ ਭਾਰਤੀ ਜੁਗਾੜ ਦੇ ਹੁਣ ਵਿਦੇਸ਼ੀ ਵੀ ਕਾਇਲ ਹੋ ਗਏ ਹਨ ਤੇ ਸਾਡੀ ਨਕਲ ਕਰਨ ਲੱਗੇ ਹਨ।

ਟਵਿਟਰ 'ਤੇ ਸ਼ੇਅਰ ਕੀਤੀ ਗਈ ਤਸਵੀਰ 'ਚ ਇਕ ਸ਼ਖਸ ਆਪਣੀ ਮੋਟਰਸਾਇਕਲ 'ਚ ਬਦਲਾਅ ਕਰਦਾ ਹੈ। ਬਾਇਕ 'ਚ ਮਹੇਂਦਰਾ ਦਾ ਲੋਡਰ ਫਿੱਟ ਕਰਦਿਆਂ ਉਸ ਨੂੰ ਜੇਸੀਬੀ ਦੀ ਤਰ੍ਹਾਂ ਮਿੱਟੀ ਪੁੱਟਣ ਵਾਲੀ ਮਸ਼ੀਨ ਦਾ ਰੂਪ ਦੇ ਦਿੱਤਾ ਗਿਆ। ਤਸਵੀਰ ਸਾਂਝੀ ਕਰਦਿਆਂ ਆਨੰਦ ਨੇ ਲਿਖਿਆ, 'ਇਹ ਤਸਵੀਰ ਅਮਰੀਕਾ 'ਚ ਰਹਿਣ ਵਾਲੇ ਮੋਰੇ ਦੋਸਤ ਨੇ ਭੇਜੀ ਹੈ। ਡਰ ਹੈ ਕਿ ਕਿਤੇ ਅਸੀਂ ਜੁਗਾੜ ਚੈਂਪੀਅਨ ਵਾਲਾ ਟਾਇਟਲ ਗਵਾ ਨਾ ਬੈਠੀਏ। ਮਸ਼ੀਨ ਨੂੰ ਕੰਮ ਕਰਦਿਆਂ ਦੇਖਣ ਦੀ ਇੱਛਾ ਹੈ ਪਰ ਇਸ ਲਈ ਉਹ ਇੱਥੇ ਲਿਆਉਣੀ ਪਵੇਗੀ।'

Forwarded to me by a friend in the U.S. we may be in danger of losing our title of ‘Jugaad’ champions!
This gent seems to have hooked a Mahindra loader attachment to his bike! Need to see it in action, but it could actually turn out to have applications out here... pic.twitter.com/C5y0MC87TQ

— anand mahindra (@anandmahindra) February 17, 2021

ਆਨੰਦ ਮਹੇਂਦਰਾ ਨੇ ਲਿਖਿਆ, 'ਛੋਟੀ ਜਿਹੀ ਬਾਇਕ 'ਚ ਏਨੀ ਸਮਰੱਥਾ ਨਹੀਂ ਕਿ ਉਸ 'ਚ ਲੱਗਾ ਲੋਡਰ ਧਰਤੀ ਪੁੱਟ ਸਕੇ। ਸ਼ਾਇਦ ਉਸ ਨਾਲ ਇਹ ਯਾਰਡ 'ਚ ਖਿੱਲਰੀਆਂ ਮੈਪਲ ਦੀਆਂ ਪੱਤੀਆਂ ਨੂੰ ਹਟਾਇਆ ਹੋਵੇਗਾ। ਇਸ ਟਵੀਟ ਨੂੰ ਕੁਝ ਹੀ ਸਮੇਂ 'ਚ ਹਜ਼ਾਰਾਂ ਲਾਇਕਸ ਮਿਲੇ ਹਨ।