ਇਲੈਕਟ੍ਰਿਕ ਸਕੂਟਰ ਤੇ ਕਾਰ ਮਾਲਕਾਂ ਲਈ ਬੁਰੀ ਖ਼ਬਰ ! ਸਰਕਾਰ ਨੇ ਬਦਲੇ ਚਾਰਜਿੰਗ ਨਿਯਮ, ਹੁਣ ਰਾਤ ਨੂੰ EV ਚਾਰਜ ਕਰਨਾ ਪਵੇਗਾ ਮਹਿੰਗਾ
ਜਿਹੜੇ ਲੋਕ ਦਿਨ ਵੇਲੇ ਚਾਰਜ ਕਰ ਸਕਦੇ ਹਨ, ਉਨ੍ਹਾਂ ਲਈ ਇਹ ਇੱਕ ਲਾਭਦਾਇਕ ਸੌਦਾ ਹੈ ਪਰ ਜਿਹੜੇ ਲੋਕ ਦਫ਼ਤਰ ਤੋਂ ਵਾਪਸ ਆਉਣ ਜਾਂ ਯਾਤਰਾਵਾਂ ਤੋਂ ਬਾਅਦ ਹੀ ਚਾਰਜ ਕਰ ਸਕਦੇ ਹਨ, ਉਨ੍ਹਾਂ ਨੂੰ ਹੁਣ ਜ਼ਿਆਦਾ ਖਰਚਾ ਝੱਲਣਾ ਪਵੇਗਾ। ਇਸਦਾ ਮਤਲਬ ਹੈ ਕਿ ਹੁਣ ਈਵੀ ਚਾਰਜਿੰਗ ਸਿਰਫ਼ ਤਕਨਾਲੋਜੀ ਦੀ ਖੇਡ ਨਹੀਂ ਹੋਵੇਗੀ, ਸਗੋਂ ਸਮੇਂ ਦੀ ਵੀ ਖੇਡ ਹੋਵੇਗੀ
Charging Rules: ਜੇ ਤੁਸੀਂ ਇਲੈਕਟ੍ਰਿਕ ਵਾਹਨ (EV) ਚਲਾਉਂਦੇ ਹੋ ਤੇ ਸੋਚਦੇ ਹੋ ਕਿ ਰਾਤ ਨੂੰ ਇਸਨੂੰ ਚਾਰਜ ਕਰਨਾ ਵਧੇਰੇ ਸੁਵਿਧਾਜਨਕ ਹੈ, ਤਾਂ ਹੁਣ ਇਹ ਆਦਤ ਤੁਹਾਡੀ ਜੇਬ ਲਈ ਮਹਿੰਗੀ ਸਾਬਤ ਹੋ ਸਕਦੀ ਹੈ। ਕੇਰਲ ਰਾਜ ਬਿਜਲੀ ਰੈਗੂਲੇਟਰੀ ਕਮਿਸ਼ਨ ਨੇ ਈਵੀ ਚਾਰਜਿੰਗ ਸੰਬੰਧੀ ਇੱਕ ਵੱਡਾ ਬਦਲਾਅ ਕੀਤਾ ਹੈ। ਹੁਣ ਤੁਹਾਨੂੰ ਰਾਤ ਨੂੰ ਚਾਰਜ ਕਰਨ ਲਈ 30% ਹੋਰ ਭੁਗਤਾਨ ਕਰਨਾ ਪਵੇਗਾ। ਆਓ ਇਸ ਦੇ ਵੇਰਵਿਆਂ ਨੂੰ ਵਿਸਥਾਰ ਨਾਲ ਸਮਝੀਏ।
ਦਿਨ ਵੇਲੇ ਚਾਰਜ ਕਰਨਾ ਪਵੇਗਾ ਸਸਤਾ
ਨਵੇਂ ਨਿਯਮ ਦੇ ਅਨੁਸਾਰ, EV ਚਾਰਜਿੰਗ ਨੂੰ ਹੁਣ ਦੋ ਸਮਾਂ ਖੇਤਰਾਂ (Time of Day - ToD) ਵਿੱਚ ਵੰਡਿਆ ਗਿਆ ਹੈ।
ਸੂਰਜੀ ਸਮਾਂ (ਸਵੇਰੇ 9 ਵਜੇ ਤੋਂ ਸ਼ਾਮ 4 ਵਜੇ ਤੱਕ)
ਜੇਕਰ ਤੁਸੀਂ ਇਸ ਸਮੇਂ ਦੌਰਾਨ ਆਪਣੀ EV ਚਾਰਜ ਕਰਦੇ ਹੋ, ਤਾਂ ਤੁਹਾਨੂੰ 30% ਘੱਟ ਟੈਰਿਫ ਦੇਣਾ ਪਵੇਗਾ। ਇਸਦਾ ਮਤਲਬ ਹੈ ਕਿ ਜੇ ਪਹਿਲਾਂ ਚਾਰਜਿੰਗ ਦੇ 100 ਰੁਪਏ ਲਗਦੇ ਸੀ, ਤਾਂ ਹੁਣ ਸਿਰਫ਼ 70 ਰੁਪਏ ਲੱਗਣਗੇ।
ਗੈਰ-ਸੂਰਜੀ ਸਮਾਂ (ਸ਼ਾਮ 4 ਵਜੇ ਤੋਂ ਸਵੇਰੇ 9 ਵਜੇ ਤੱਕ):
ਇਸ ਸਮੇਂ ਚਾਰਜ ਕਰਨ 'ਤੇ 30% ਵੱਧ ਟੈਰਿਫ ਲੱਗੇਗਾ। ਇਸਦਾ ਮਤਲਬ ਹੈ ਕਿ ਹੁਣ ਉਹੀ ਚਾਰਜਿੰਗ 130 ਰੁਪਏ ਹੋਵੇਗੀ।
ਇਹ ਨਿਯਮ ਕਿੱਥੇ ਲਾਗੂ ਹੋਵੇਗਾ?
ਇਹ ਨਵੇਂ ਟੈਰਿਫ ਸਿਰਫ਼ ਜਨਤਕ ਈਵੀ ਚਾਰਜਿੰਗ ਸਟੇਸ਼ਨਾਂ 'ਤੇ ਲਾਗੂ ਹੋਣਗੇ। ਇਸ ਨਾਲ ਘਰ ਵਿੱਚ ਚਾਰਜ ਕਰਨ ਵਾਲਿਆਂ 'ਤੇ ਕੋਈ ਅਸਰ ਨਹੀਂ ਪਵੇਗਾ। ਇਹ ਨਿਯਮ ਇਸ ਵੇਲੇ ਕੇਰਲ ਰਾਜ ਵਿੱਚ ਲਾਗੂ ਕੀਤਾ ਗਿਆ ਹੈ, ਪਰ ਭਵਿੱਖ ਵਿੱਚ ਹੋਰ ਰਾਜਾਂ ਵਿੱਚ ਵੀ ਲਾਗੂ ਕੀਤਾ ਜਾ ਸਕਦਾ ਹੈ।
ਈਵੀ ਮਾਲਕਾਂ ਲਈ ਕਿਵੇਂ ਇਹ ਫ਼ੈਸਲਾ ?
ਹੁਣ ਈਵੀ ਮਾਲਕਾਂ ਨੂੰ ਨਾ ਸਿਰਫ਼ ਇਹ ਸੋਚਣਾ ਪਵੇਗਾ ਕਿ ਕਾਰ ਕਦੋਂ ਤੇ ਕਿੰਨੀ ਦੂਰ ਚਲਾਉਣੀ ਹੈ, ਸਗੋਂ ਇਹ ਵੀ ਫੈਸਲਾ ਕਰਨਾ ਪਵੇਗਾ ਕਿ ਇਸਨੂੰ ਕਦੋਂ ਚਾਰਜ ਕਰਨਾ ਹੈ। ਸਮਾਰਟ ਪਲੈਨਿੰਗ ਕਰਕੇ ਤੁਸੀਂ ਚਾਰਜਿੰਗ 'ਤੇ ਬਹੁਤ ਸਾਰਾ ਪੈਸਾ ਬਚਾ ਸਕਦੇ ਹੋ। ਦਿਨ ਵੇਲੇ ਚਾਰਜ ਕਰਨਾ ਸਸਤਾ ਹੈ, ਪਰ ਬਹੁਤ ਸਾਰੇ ਲੋਕ ਸਹੂਲਤ ਲਈ ਰਾਤ ਨੂੰ ਚਾਰਜ ਕਰਦੇ ਹਨ, ਹੁਣ ਉਨ੍ਹਾਂ ਨੂੰ ਆਪਣੀਆਂ ਆਦਤਾਂ ਬਦਲਣੀਆਂ ਪੈਣਗੀਆਂ।
ਜਿਹੜੇ ਲੋਕ ਦਿਨ ਵੇਲੇ ਚਾਰਜ ਕਰ ਸਕਦੇ ਹਨ, ਉਨ੍ਹਾਂ ਲਈ ਇਹ ਇੱਕ ਲਾਭਦਾਇਕ ਸੌਦਾ ਹੈ ਪਰ ਜਿਹੜੇ ਲੋਕ ਦਫ਼ਤਰ ਤੋਂ ਵਾਪਸ ਆਉਣ ਜਾਂ ਯਾਤਰਾਵਾਂ ਤੋਂ ਬਾਅਦ ਹੀ ਚਾਰਜ ਕਰ ਸਕਦੇ ਹਨ, ਉਨ੍ਹਾਂ ਨੂੰ ਹੁਣ ਜ਼ਿਆਦਾ ਖਰਚਾ ਝੱਲਣਾ ਪਵੇਗਾ। ਇਸਦਾ ਮਤਲਬ ਹੈ ਕਿ ਹੁਣ ਈਵੀ ਚਾਰਜਿੰਗ ਸਿਰਫ਼ ਤਕਨਾਲੋਜੀ ਦੀ ਖੇਡ ਨਹੀਂ ਹੋਵੇਗੀ, ਸਗੋਂ ਸਮੇਂ ਦੀ ਵੀ ਖੇਡ ਹੋਵੇਗੀ। ਇਸ ਤੋਂ ਪਤਾ ਲੱਗਦਾ ਹੈ ਕਿ ਸਰਕਾਰ ਦਾ ਇਰਾਦਾ ਹਰੀ ਊਰਜਾ ਨੂੰ ਉਤਸ਼ਾਹਿਤ ਕਰਨਾ ਅਤੇ ਗਰਿੱਡ 'ਤੇ ਬੋਝ ਘਟਾਉਣਾ ਹੈ।
Before You Go
Stubble Burning ਨੂੰ ਲੈ ਕੇ ਡਿਪਟੀ ਕਮਿਸ਼ਨਰ ਨੇ ਜਾਰੀ ਕੀਤੀ ਹਦਾਇਤ | Paddy
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
