Car Tips: ਗਰਮੀ ਦੇ ਮੌਸਮ ’ਚ ਇੰਝ ਰੱਖੋ ਆਪਣੀ ਕਾਰ ਦਾ ਖ਼ਿਆਲ, ਜਾਣੋ ਇਹ ਜ਼ਰੂਰੀ ਟਿਪਸ
ਆਪਣੀ ਕਾਰ ਦੇ AC ਦੀ ਸਰਵਿਸ ਜ਼ਰੂਰ ਕਰਵਾ ਲਓ ਤੇ ਜੇ ਗੈਸ ਘੱਟ ਹੋ ਗਈ ਹੋਵੇ, ਤਾਂ ਫ਼ਿਲ ਕਰਵਾ ਲਵੋ। ਇਸ ਤੋਂ ਇਲਾਵਾ ਰੈਡੀਏਟਰ ਦੀ ਠੀਕ ਤਰੀਕੇ ਸਫ਼ਾਈ ਕਰਾ ਲੈਣੀ ਵੀ ਠੀਕ ਰਹਿੰਦੀ ਹੈ।
ਕੋਰੋਨਾ ਮਹਾਮਾਰੀ (Coronavirus) ਦੇ ਨਾਲ-ਨਾਲ ਇਸ ਵੇਲੇ ਭਿਆਨਕ ਗਰਮੀ (Summers) ਦਾ ਕਹਿਰ ਵੀ ਝੱਲਣਾ ਪੈ ਰਿਹਾ ਹੈ। ਦੇਸ਼ ਭਰ ’ਚ ਸਖ਼ਤ ਗਰਮੀ ਦਾ ਦੌਰ ਜਾਰੀ ਹੈ। ਇਸ ਮੌਸਮ ’ਚ ਇਨਸਾਨਾਂ ਦੇ ਨਾਲ ਗੱਡੀਆਂ ਦੀ ਦੇਖਭਾਲ (Car Care Tips) ਵੀ ਕਾਫ਼ੀ ਜ਼ਰੂਰੀ ਹੋ ਜਾਂਦੀ ਹੈ। ਗਰਮੀ ਦੇ ਮੌਸਮ ’ਚ ਗੱਡੀਆਂ ਵਿੱਚ ਕਾਫ਼ੀ ਪ੍ਰੇਸ਼ਾਨੀਆਂ ਆਉਣੀਆਂ ਸ਼ੁਰੂ ਹੋ ਜਾਂਦੀਆਂ ਹਨ। ਇਸੇ ਲਈ ਇੱਥੇ ਅਸੀਂ ਤੁਹਾਨੂੰ ਕੁਝ ਖ਼ਾਸ ਟਿਪਸ ਦੱਸ ਰਹੇ ਹਾਂ, ਜਿਨ੍ਹਾਂ ਦੀ ਮਦਦ ਨਾਲ ਤੁਸੀਂ ਆਪਣੀ ਕਾਰ ਨੂੰ ਗਰਮੀ ਦੇ ਮੌਸਮ ’ਚ ਫ਼ਿੱਟ ਰੱਖ ਸਕੋਗੇ।
ਕਾਰ ਦੇ AC ਦੀ ਸਰਵਿਸ ਸਭ ਤੋਂ ਪਹਿਲਾਂ
ਆਪਣੀ ਕਾਰ ਦੇ AC ਦੀ ਸਰਵਿਸ ਜ਼ਰੂਰ ਕਰਵਾ ਲਓ ਤੇ ਜੇ ਗੈਸ ਘੱਟ ਹੋ ਗਈ ਹੋਵੇ, ਤਾਂ ਫ਼ਿਲ ਕਰਵਾ ਲਵੋ। ਇਸ ਤੋਂ ਇਲਾਵਾ ਰੈਡੀਏਟਰ ਦੀ ਠੀਕ ਤਰੀਕੇ ਸਫ਼ਾਈ ਕਰਾ ਲੈਣੀ ਵੀ ਠੀਕ ਰਹਿੰਦੀ ਹੈ। ਕੋਸ਼ਿਸ਼ ਕਰੋ ਕਿ ਕਾਰ ਦੀ ਸਰਵਿਸ ਆਥੋਰਾਈਜ਼ਡ ਸਰਵਿਸ ਸੈਂਟਰ ਤੋਂ ਹੀ ਕਰਵਾਓ। ਗਰਮੀ ਦੇ ਮੌਸਮ ਵਿੱਚ ਤਾਪਮਾਨ ਵਧ ਜਾਂਦਾ ਹੈ, ਅਜਿਹੀ ਹਾਲਤ ਵਿੱਚ ਜੇ ਕਾਰ ਦਾ AC ਠੀਕ ਤਰੀਕੇ ਕੂਲਿੰਗ ਨਹੀਂ ਕਰੇਗਾ, ਤਾਂ ਕਾਰ ’ਚ ਬੈਠੇ ਲੋਕਾਂ ਦੀ ਹਾਲਤ ਖ਼ਰਾਬ ਹੋ ਜਾਵੇਗੀ।
ਕੂਲੈਂਟ ਦੀ ਮਾਤਰਾ ਸਹੀ ਰੱਖੋ
ਗਰਮੀ ਦੇ ਮੌਸਮ ’ਚ ਸਭ ਤੋਂ ਵੱਧ ਜ਼ਰੂਰੀ ਹੁੰਦਾ ਹੈ ਕਾਰ ’ਚ ਕੂਲੈਂਟ ਦੀ ਬਰਾਬਰ ਮਾਤਰਾ ਕਿਉਂਕਿ ਕੂਲੈਂਟ ਕਾਰ ਨੂੰ ਠੰਢਾ ਰੱਖਣ ਵਿੱਚ ਮਦਦ ਕਰਦਾ ਹੈ। ਕੋਸ਼ਿਸ਼ ਕਰੋ ਕਿ ਇੱਕ ਬੋਤਲ ਕੂਲੈਂਟ ਸਦਾ ਆਪਣੀ ਕਾਰ ’ਚ ਰੱਖੋ। ਲੋੜ ਪੈਣ ’ਤੇ ਇਹ ਕੰਮ ਆਵੇਗਾ। ਜੇ ਰਾਹ ਵਿੱਚ ਕੂਲੈਂਟ ਘਟ ਜਾਵੇ, ਉਸ ਦੀ ਥਾਂ ਪਾਣੀ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ ਪਰ ਇਹ ਕੁਝ ਦੂਰੀ ਤੱਕ ਹੀ ਠੀਕ ਹੈ ਪਰ ਲੰਮੀ ਯਾਤਰਾ ਲਈ ਪਾਣੀ ਦੀ ਬਹੁਤ ਜ਼ਿਆਦਾ ਮਾਤਰਾ ਸਹੀ ਨਹੀਂ ਰਹਿੰਦੀ।
ਇੰਜਣ ਆਇਲ ਤੇ ਫ਼ਿਲਟਰ ਵੀ ਕਰੋ ਚੈੱਕ
ਗਰਮੀ ਦੇ ਮੌਸਮ ਵਿੱਚ ਗੱਡੀ ਦੇ ਇੰਜਣ ਆਇਲ ਦੀ ਮਾਤਰਾ ਇੱਕ ਦਮ ਸਹੀ ਰੱਖੋ। ।ਜੇ ਆਇਲ ਘੱਟ ਹੋਵੇ, ਤਾਂ ਟੌਪ–ਅੱਪ ਕਰਵਾ ਲਓ ਤੇ ਜੇ ਇਹ ਕਾਲਾ ਪੈ ਗਿਆ ਹੋਵੇ, ਤਾਂ ਫਿਰ ਤੋਂ ਫ਼ਿਲ ਕਰਵਾਓ। ਜੇ ਇੰਜਣ ਆਇਲ ਦੀ ਮਾਤਰਾ ਸਹੀ ਰਹੇਗੀ, ਤਾਂ ਤੁਹਾਡੀ ਯਾਤਰਾ ਵਿੱਚ ਕੋਈ ਅੜਿੱਕਾ ਨਹੀਂ ਪਵੇਗਾ। ਇੰਜਣ ਆਇਲ ਚੇਂਜ ਕਰਵਾਉਂਦੇ ਸਮੇਂ ਆਇਲ ਫ਼ਿਲਟਰ ਨਵਾਂ ਬਦਲਵਾ ਲਵੋ। ਅਜਿਹਾ ਕਰਨ ਨਾਲ ਕਾਰ ਦੀ ਸਿਹਤ ਵਧੀਆ ਰਹੇਗੀ ਤੇ ਤੁਹਾਡਾ ਸਫ਼ਰ ਵੀ ਸੁਹਾਵਣਾ ਰਹੇਗਾ।
ਰੈਡੀਏਟਰ ’ਚ ਲੱਗੇ ਫ਼ੈਨ ਦੀ ਕਰੋ ਜਾਂਚ
ਸਮੇਂ-ਸਮੇਂ ’ਤੇ ਕਾਰ ਦੇ ਰੈਡੀਏਟਰ ਨਾਲ ਲੱਗੇ ਫ਼ੈਨ ਦੀ ਜਾਂਚ ਜ਼ਰੂਰ ਕਰਵਾਓ। ਜੇ ਫ਼ੈਨ ਖ਼ਰਾਬ ਹੋਵੇਗਾ, ਜਾਂ ਠੀਕ ਤਰੀਕੇ ਕੰਮ ਨਹੀਂ ਕਰ ਰਿਹਾ, ਤਾਂ ਉਸ ਨੂੰ ਠੀਕ ਕਰਵਾ ਲਵੋ ਕਿਉਂਕ ਇਹ ਚੱਲਦੀ ਗੱਡੀ ਵਿੱਚ ਜੇ ਇੱਕਦਮ ਰੁਕ ਜਾਂਦਾ ਹੈ, ਤਾਂ ਕਾਰ ਬੰਦ ਵੀ ਹੋ ਸਕਦੀ ਹੈ।
ਇਹ ਵੀ ਪੜ੍ਹੋ: Coronavirus in India: ਪੰਜਾਬ ਤੇ ਚੰਡੀਗੜ੍ਹ ਸਣੇ 13 ਰਾਜਾਂ ’ਚ ਘਟ ਰਿਹਾ ਕੋਰੋਨਾ ਦਾ ਕਹਿਰ, ਦੇਸ਼ 'ਚ ਮੌਤਾਂ ਦਾ ਸਿਲਸਿਲਾ ਜਾਰੀ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
