15 ਅਕਤੂਬਰ ਨੂੰ ਭਾਰਤ ਵਿਚ ਦਸਤਕ ਦੇਵੇਗੀ Land Rover Defender, ਇਹ ਐਸਯੂਵੀ ਵੀ ਹੋਏਗੀ ਲਾਂਚ

ਕੋਰੋਨਾ ਕਾਲ ਵਿੱਚ ਤਿਉਹਾਰਾਂ ਦੇ ਮੌਸਮ ਦੌਰਾਨ ਬਹੁਤ ਸਾਰੀਆਂ ਕਾਰਾਂ ਭਾਰਤ ਵਿੱਚ ਲਾਂਚ ਕੀਤੀਆਂ ਜਾਣਗੀਆਂ। Jaguar Land Rover Defender 15 ਅਕਤੂਬਰ ਨੂੰ ਭਾਰਤ ਵਿਚ ਲਾਂਚ ਕੀਤੀ ਜਾਵੇਗੀ।

ਨਵੀਂ ਦਿੱਲੀ: ਜੈਗੁਆਰ ਲੈਂਡ ਰੋਵਰ (JLR) ਆਪਣੀ ਪ੍ਰਸਿੱਧ ਐਸਯੂਵੀ ਲੈਂਡ ਰੋਵਰ ਡਿਫੈਂਡਰ ਨੂੰ ਭਾਰਤ ਵਿੱਚ 15 ਅਕਤੂਬਰ ਨੂੰ ਲਾਂਚ ਕਰ ਸਕਦੀ ਹੈ। ਕੰਪਨੀ ਨੇ ਇਸ ਮਾਡਲ ਦੀ ਬੁਕਿੰਗ ਸ਼ੁਰੂ ਕਰ ਦਿੱਤੀ ਹੈ। ਅਗਲੇ ਮਹੀਨੇ ਤੋਂ ਇਹ ਸ਼ਾਨਦਾਰ ਕਾਰ ਦੇਸ਼ ਦੀਆਂ ਸੜਕਾਂ 'ਤੇ ਦੌੜਦੀ ਦਿਖਾਈ ਦੇਵੇਗੀ। ਜੈਗੁਆਰ ਲੈਂਡ ਰੋਵਰ ਇੰਡੀਆ ਦੇ ਚੇਅਰਮੈਨ ਅਤੇ ਐਮਡੀ ਰੋਹਿਤ ਸੂਰੀ ਨੇ ਇੱਕ ਬਿਆਨ ਵਿੱਚ ਕਿਹਾ, "ਇਹ ਸਾਡੇ ਲਈ ਮਾਣ ਦਾ ਪਲ ਹੈ। ਸਾਲ 2009 ਵਿੱਚ ਭਾਰਤੀ ਬਾਜ਼ਾਰ ਵਿੱਚ ਉਤਰਨ ਤੋਂ ਬਾਅਦ ਅਸੀਂ ਪਹਿਲੀ ਵਾਰ ਡਿਫੈਂਡਰ ਨੂੰ ਇੱਥੇ ਲਿਆ ਰਹੇ ਹਾਂ।" ਰੋਹਿਤ ਸੂਰੀ ਨੇ ਦੱਸਿਆ ਕਿ ਇਸ ਕਾਰ ਨੂੰ ਭਾਰਤੀ ਬਾਜ਼ਾਰ ਵਿਚ ਲਾਂਚ ਕਰਨ ਲਈ ਇੱਕ ਵੱਡਾ ਡਿਜੀਟਲ ਪ੍ਰੋਗਰਾਮ ਆਯੋਜਿਤ ਕੀਤਾ ਜਾਵੇਗਾ। ਫਿਲਹਾਲ ਭਾਰਤੀ ਮਾਰਕੀਟ ਵਿੱਚ ਲੈਂਡ ਰੋਵਰ ਪੋਰਟਫੋਲੀਓ ਦੇ ਵੱਖ-ਵੱਖ ਮਾਡਲਸ ਹਨ ਜਿਵੇਂ ਕਿ ਰੇਂਜ ਰੋਵਰ ਇਵੋਕ, ਡਿਸਕਵਰੀ ਸਪੋਰਟ, ਰੇਂਜ ਰੋਵਰ ਵੇਲਰ, ਰੇਂਜ ਰੋਵਰ ਸਪੋਰਟ, ਡਿਸਕਵਰੀ ਅਤੇ ਰੇਂਜ ਰੋਵਰ ਅਵੇਲੇਬ। ਜੇਐਲਆਰ ਭਾਰਤ ਦੇ 24 ਸ਼ਹਿਰਾਂ ਵਿਚ 27 ਡੀਲਰਾਂਸ਼ਿਪਾਂ ਰਾਹੀਂ ਇਸ ਦੀ ਵਿਕਰੀ ਕਰਦਾ ਹੈ। MG Gloster ਵੀ ਦਏਗੀ ਦਸਤੱਕ: ਐਮਜੀ ਦਾ ਐਸਯੂਵੀ Gloster ਵੀ ਅਗਲੇ ਮਹੀਨੇ ਲਾਂਚ ਕੀਤੀ ਜਾ ਸਕਦੀ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਗਲੋਸਟਰ ਐਸਯੂਵੀ ਐਮਜੀ ਦੀ ਕਨੈਕਟਡ ਕਾਰ ਆਈਸਮਾਰਟ ਟੈਕਨਾਲੋਜੀ, ਐਪਲ ਕਾਰਪਲੇ ਅਤੇ ਐਂਡਰਾਇਡ ਆਟੋ ਦੇ ਨਾਲ 10.1 ਇੰਚ ਦਾ ਟੱਚਸਕ੍ਰੀਨ ਇੰਫੋਟੇਨਮੈਂਟ ਸਿਸਟਮ ਪੇਸ਼ ਕਰੇਗੀ। ਨਾਲ ਹੀ, ਫਲੈਟ ਬੌਲਟ 3-ਸਪੀਕ ਸਟੀਰਿੰਗ ਵੀਲ, ਵਾਇਸ ਕਮਾਂਡ ਅਤੇ ਸਨਰੂਫ ਵਰਗੇ ਫੀਟਰਸ ਇਸ 'ਚ ਸ਼ਾਮਲ ਕੀਤੇ ਜਾ ਸਕਦੇ ਹਨ। ਸੰਘਣੀ ਧੁੰਦ, ਧੁੰਦ, ਹਨੇਰੇ ਅਤੇ ਬਲਾਇੰਡ ਮੋੜ 'ਤੇ ਗੱਡੀ ਦੀ ਟੱਕਰ ਰੋਕਣ ਲਈ ਖਾਸ ਤਕਨੀਕ ਕਾਫ਼ੀ ਲਾਭਦਾਇਕ ਸਾਬਤ ਹੋ ਸਕਦੀ ਹੈ। ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904