Car Modification: ਮਹਿੰਦਰਾ ਥਾਰ ਨੂੰ ਮੋਡੀਫਾਈ ਕਰਨਾ ਪਿਆ ਮਹਿੰਗਾ, ਅਦਾਲਤ ਨੇ ਸੁਣਾਈ ਛੇ ਮਹੀਨੇ ਦੀ ਸਜ਼ਾ
Modified Mahindra Thar: ਸ਼੍ਰੀਨਗਰ ਦੇ ਰਹਿਣ ਵਾਲੇ ਆਦਿਲ ਫਾਰੂਕ ਨੇ ਆਪਣੀ ਮਹਿੰਦਰਾ ਥਾਰ ਨੂੰ ਮੋਡੀਫਾਈ ਕਰਵਾ ਕੇ ਉਸ ਲੁੱਕ ਬਦਲ ਦਿੱਤੀ ਸੀ। ਸ਼੍ਰੀਨਗਰ ਟ੍ਰੈਫਿਕ ਕੋਰਟ ਨੇ ਮੋਟਰ ਵਹੀਕਲ ਐਕਟ 1988 (MVact) ਦੀ ਧਾਰਾ 52 ਦੇ ਤਹਿਤ ਸਜ਼ਾ ਸੁਣਾਈ ਹੈ ਅਤੇ ਕਾਰ 'ਚ ਕੀਤੀਆਂ ਗਈਆਂ ਸਾਰੀਆਂ ਸੋਧਾਂ ਨੂੰ ਹਟਾਉਣ ਦੇ ਨਿਰਦੇਸ਼ ਦਿੱਤੇ।
Modified Mahindra Thar: ਭਾਰਤ ਵਿੱਚ ਇਨ੍ਹੀਂ ਦਿਨੀਂ SUV ਕਾਰਾਂ ਦਾ ਜਬਰਦਸਤ ਕ੍ਰੇਜ਼ ਹੈ। ਇਨ੍ਹਾਂ ਕਾਰਾਂ ਨੂੰ ਪਸੰਦ ਕੀਤੇ ਜਾਣ ਦਾ ਕਾਰਨ ਇਨ੍ਹਾਂ ਦੀ ਸਪੋਰਟੀ ਅਤੇ ਆਕਰਸ਼ਕ ਦਿੱਖ ਹੈ। ਕੁਝ ਲੋਕ ਕਾਰਾਂ ਦੇ ਇੰਨੇ ਸ਼ੌਕੀਨ ਹੁੰਦੇ ਹਨ ਕਿ ਉਹ ਕੰਪਨੀ ਦੁਆਰਾ ਬਣਾਈਆਂ ਗਈਆਂ ਕਾਰਾਂ ਨੂੰ ਵੀ ਮੋਡੀਫਾਈ ਕਰਨ ਦੀ ਲੋੜ ਮਹਿਸੂਸ ਕਰਦੇ ਹਨ। ਪਰ ਕਈ ਵਾਰ ਇਹ ਮੋਡੀਫਿਕੇਸ਼ਨ ਬਹੁਤ ਜ਼ਿਆਦਾ ਹੋ ਜਾਂਦੀ ਹੈ ਅਤੇ ਵਾਹਨ ਮਾਲਕ ਨੂੰ ਭਾਰੀ ਜੁਰਮਾਨਾ ਭਰਨਾ ਪੈਂਦਾ ਹੈ। ਜਿਵੇਂ ਕਿ ਹੁਣੇ ਜਿਹੇ ਕਸ਼ਮੀਰ ਵਿੱਚ ਇੱਕ ਥਾਰ ਮਾਲਕ ਨੂੰ ਮੋਡੀਫਾਈ ਕਰਵਾਉਣਾ ਮਹਿੰਗ ਪਿਆ ਹੈ। ਆਓ ਦੱਸਦੇ ਹਾਂ ਕੀ ਹੈ ਸਾਰਾ ਮਾਮਲਾ।
ਮੋਡੀਫਿਕੇਸ਼ਨ ਗੈਰ ਕਾਨੂੰਨੀ ਹੈ
ਖਬਰਾਂ ਮੁਤਾਬਕ ਸ਼੍ਰੀਨਗਰ ਦੇ ਰਹਿਣ ਵਾਲੇ ਆਦਿਲ ਫਾਰੂਕ ਕੋਲ ਮਹਿੰਦਰਾ ਥਾਰ ਕਾਰ ਹੈ, ਜਿਸ ਨੂੰ ਮੋਡੀਫਾਈ ਕਰਵਾ ਕੇ ਉਸ ਲੁੱਕ ਬਦਲ ਦਿੱਤੀ ਸੀ। ਇਸ 'ਤੇ ਕਾਰਵਾਈ ਕਰਦੇ ਹੋਏ ਸ਼੍ਰੀਨਗਰ ਟ੍ਰੈਫਿਕ ਕੋਰਟ ਨੇ ਮੋਟਰ ਵਹੀਕਲ ਐਕਟ 1988 (MVact) ਦੀ ਧਾਰਾ 52 ਦੇ ਤਹਿਤ ਸਜ਼ਾ ਸੁਣਾਈ ਹੈ ਅਤੇ ਨਾਲ ਹੀ RTO ਸ਼੍ਰੀਨਗਰ ਨੂੰ ਕਾਰ 'ਚ ਕੀਤੀਆਂ ਗਈਆਂ ਸਾਰੀਆਂ ਸੋਧਾਂ ਨੂੰ ਹਟਾਉਣ ਦੇ ਨਿਰਦੇਸ਼ ਦਿੱਤੇ ਹਨ।
ਇੱਕ ਰਿਪੋਰਟ ਮੁਤਾਬਕ ਕਾਰ ਮਾਲਕ ਨੇ ਇੱਕ ਪੁਰਾਣੀ ਥਾਰ ਖਰੀਦ ਕੇ ਉਸ ਨੂੰ ਮੋਡੀਫਾਈ ਕਰਵਾਇਆ ਸੀ। ਜੋ ਕਿ ਮੋਟਰ ਵਹੀਕਲ ਐਕਟ 1988 ਦੀ ਧਾਰਾ 52 ਦੀ ਸਿੱਧੀ ਉਲੰਘਣਾ ਹੈ। ਇਸ ਤੋਂ ਇਲਾਵਾ ਇਸ ਕਾਰ ਵਿੱਚ ਸਾਇਰਨ, ਹਾਰਡ ਟਾਪ, ਵੱਡੇ ਪਹੀਏ, ਐਲ.ਈ.ਡੀ ਲਾਈਟਾਂ ਲਗਾਈਆਂ ਗਈਆਂ ਸਨ, ਜੋ ਕਿ ਟ੍ਰੈਫਿਕ ਨਿਯਮਾਂ ਦੀ ਪੂਰੀ ਤਰ੍ਹਾਂ ਉਲੰਘਣਾ ਹੈ।
ਇੰਝ ਹੋਈ ਅਦਾਲਤੀ ਕਾਰਵਾਈ
ਮਹਿੰਦਰਾ ਥਾਰ ਕਾਰ ਦੇ ਮਾਲਕ ਆਦਿਲ ਫਾਰੂਕ ਭੱਟ ਦੇ ਖਿਲਾਫ ਫੈਸਲਾ ਸੁਣਾਉਂਦੇ ਹੋਏ ਸ਼੍ਰੀਨਗਰ ਦੇ ਐਡੀਸ਼ਨਲ ਸਪੈਸ਼ਲ ਮੋਬਾਇਲ ਟਰੈਫਿਕ ਮੈਜਿਸਟ੍ਰੇਟ ਸ਼ਬੀਰ ਅਹਿਮਦ ਮਲਿਕ ਨੇ ਕਿਹਾ ਕਿ ਕਾਰ ਦੇ ਮਾਲਕ ਨੂੰ ਪਹਿਲਾਂ ਕਿਸੇ ਵੀ ਮਾਮਲੇ 'ਚ ਦੋਸ਼ੀ ਨਹੀਂ ਪਾਇਆ ਗਿਆ ਹੈ। ਇਸ ਲਈ ਕਾਰ ਮਾਲਕ ਨੂੰ ਪ੍ਰੋਬੇਸ਼ਨ ਆਫ ਔਫੈਂਡਰ ਐਕਟ ਦਾ ਲਾਭ ਦਿੱਤਾ ਜਾਂਦਾ ਹੈ। ਇਸ ਤਹਿਤ ਕਾਰ ਮਾਲਕ ਨੂੰ 6 ਮਹੀਨੇ ਦੀ ਜੇਲ ਜਾਂ 2 ਲੱਖ ਰੁਪਏ ਜੁਰਮਾਨਾ ਦੇ ਨਾਲ-ਨਾਲ ਦੋ ਸਾਲ ਤੱਕ ਸ਼ਾਂਤੀ ਅਤੇ ਚੰਗੇ ਵਿਵਹਾਰ ਕਰਨਾ ਹੋਵੇਗਾ। ਅਜਿਹਾ ਕਰਨ ਨਾਲ ਕਾਰ ਮਾਲਕ ਜੇਲ੍ਹ ਜਾਣ ਤੋਂ ਬਚ ਸਕੇਗਾ।
Before You Go
Stubble Burning ਨੂੰ ਲੈ ਕੇ ਡਿਪਟੀ ਕਮਿਸ਼ਨਰ ਨੇ ਜਾਰੀ ਕੀਤੀ ਹਦਾਇਤ | Paddy
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
