Car Maintenance: ਕਾਰ 'ਤੇ ਪਿਆ ਡੈਂਟ ਤਾਂ ਘਬਰਾਉਣ ਦੀ ਲੋੜ ਨਹੀਂ, ਘਰੇ ਹੀ ਇੰਝ ਕਰੋ ਠੀਕ
ਮਕੈਨਿਕ ਕੋਲੋਂ ਡੈਂਟਸ ਠੀਕ ਕਰਵਾਉਣ ਲਈ ਤੁਹਾਨੂੰ 1000 ਤੋਂ 1500 ਰੁਪਏ ਖਰਚ ਕਰਨੇ ਪੈ ਸਕਦੇ ਹਨ। ਡੈਂਟ ਜਿੰਨਾ ਵੱਡਾ ਹੋਵੇਗਾ, ਖਰਚਾ ਵੀ ਓਨਾ ਹੀ ਵੱਧ ਹੋਵੇਗਾ।
Car Maintenance: ਲੱਖ ਕੋਸ਼ਿਸ਼ਾਂ ਦੇ ਬਾਅਦ ਵੀ ਕਾਰ ਦੀ ਬਾਡੀ 'ਚ ਡੈਂਟ ਪੈ ਹੀ ਜਾਂਦੇ ਹਨ। ਇਹ ਇੱਕ ਅਜਿਹੀ ਸਮੱਸਿਆ ਹੈ, ਜਿਸ ਦਾ ਸ਼ਾਇਦ ਹਰ ਕਾਰ ਮਾਲਕ ਨੂੰ ਕਿਸੇ ਨਾ ਕਿਸੇ ਸਮੇਂ ਸਾਹਮਣਾ ਕਰਨਾ ਪੈਂਦਾ ਹੈ। ਕਾਰ ਦੀ ਬਾਡੀ ਮੈਟਲ ਸ਼ੀਟਸ ਦੀ ਬਣੀ ਹੁੰਦੀ ਹੈ। ਇਸ 'ਤੇ ਦਬਾਅ ਪੈਣ ਜਾਂ ਟੱਕਰ ਕਾਰਨ ਡੈਂਟ ਪੈ ਜਾਂਦੇ ਹਨ।
ਮਕੈਨਿਕ ਕੋਲੋਂ ਡੈਂਟਸ ਠੀਕ ਕਰਵਾਉਣ ਲਈ ਤੁਹਾਨੂੰ 1000 ਤੋਂ 1500 ਰੁਪਏ ਖਰਚ ਕਰਨੇ ਪੈ ਸਕਦੇ ਹਨ। ਡੈਂਟ ਜਿੰਨਾ ਵੱਡਾ ਹੋਵੇਗਾ, ਖਰਚਾ ਵੀ ਓਨਾ ਹੀ ਵੱਧ ਹੋਵੇਗਾ। ਅੱਜ ਅਸੀਂ ਤੁਹਾਨੂੰ ਦੱਸ ਰਹੇ ਹਾਂ ਕਿ ਤੁਸੀਂ ਘਰ 'ਚ ਡੈਂਟਸ ਨੂੰ ਕਿਵੇਂ ਠੀਕ ਕਰ ਸਕਦੇ ਹੋ। ਇਨ੍ਹਾਂ ਘਰੇਲੂ ਤਰੀਕਿਆਂ ਨੂੰ ਅਜ਼ਮਾਉਣ ਤੋਂ ਪਹਿਲਾਂ ਇਹ ਯਾਦ ਰੱਖੋ ਕਿ ਇਨ੍ਹਾਂ ਨੂੰ ਸਟੈਪ ਬਾਈ ਸਟੈਪ ਹੀ ਕਰੋ ਤੇ ਕੋਈ ਗਲਤੀ ਨਾ ਕਰੋ।
ਗਲੂ ਸਟਿਕਸ
ਗਲੂ ਸਟਿਕਸ ਦੀ ਮਦਦ ਨਾਲ ਡੈਂਟ ਨੂੰ ਠੀਕ ਕੀਤਾ ਜਾ ਸਕਦਾ ਹੈ।
8 ਤੋਂ 10 ਗਲੂ ਸਟਿਕਸ ਲਓ ਤੇ ਉਨ੍ਹਾਂ ਨੂੰ ਇਕੱਠੇ ਰੱਖੋ ਤੇ ਫਿਰ ਉਨ੍ਹਾਂ ਦੇ ਅਗਲੇ ਸਿਰੇ ਨੂੰ ਅੱਗ ਨਾਲ ਗਰਮ ਕਰੋ। ਅਜਿਹਾ ਕਰਨ ਨਾਲ ਇਹ ਪਿਘਲਣਾ ਸ਼ੁਰੂ ਹੋ ਜਾਵੇਗਾ।
ਹੁਣ ਇਨ੍ਹਾਂ ਗਲੂ ਸਟਿਕਸ ਨੂੰ ਕਾਰ ਦੇ ਡੈਂਟਸ 'ਤੇ ਚਿਪਕਾਉਣਾ ਹੋਵੇਗਾ।
ਜੇ ਗਲੂ ਸਟਿਕਸ ਡੈਂਟ 'ਤੇ ਚੰਗੀ ਤਰ੍ਹਾਂ ਚਿਪਕ ਜਾਵੇ ਤਾਂ ਉਨ੍ਹਾਂ ਨੂੰ ਝਟਕੇ ਨਾਲ ਪਿੱਛੇ ਵੱਲ ਖਿੱਚੋ।
ਅਜਿਹਾ ਕਰਨ ਨਾਲ ਡੈਂਟਸ ਠੀਕ ਹੋ ਜਾਂਦੇ ਹਨ।
ਬਚੀ ਹੋਈ ਗਲੂ ਸਟਿਕਸ ਨੂੰ ਕਾਰ ਦੀ ਬਾਡੀ ਤੋਂ ਸਾਫ਼ ਕਰ ਦਿਓ।
ਮਾਸਕਿੰਗ ਟੇਪ
ਤੁਸੀਂ ਮਾਸਕਿੰਗ ਟੇਪ ਨਾਲ ਵੀ ਡੈਂਟਸ ਨੂੰ ਠੀਕ ਕਰ ਸਕਦੇ ਹੋ।
ਮਾਸਕਿੰਗ ਟੇਪ ਜਿਸ ਸਰਫੇਸ 'ਤੇ ਚਿਪਕਾਇਆ ਜਾਂਦਾ ਹੈ, ਉੱਥੇ ਉਹ ਮਜ਼ਬੂਤੀ ਨਾਲ ਜੁੜ ਜਾਂਦੀ ਹੈ।
ਤੁਹਾਨੂੰ ਮਾਸਕਿੰਗ ਟੇਪ ਦੀਆਂ ਕਈ ਸਟ੍ਰਿੱਪਾਂ ਕੱਢਣੀਆਂ ਹਨ ਅਤੇ ਫਿਰ ਉਨ੍ਹਾਂ ਨੂੰ ਡੈਂਸਟ 'ਤੇ ਚਿਪਕਾਉਣਾ ਹੈ।
ਜਦੋਂ ਇਹ ਸਟ੍ਰਿੱਪਾਂ ਡੈਂਟਸ ਨੂੰ ਚੰਗੀ ਤਰ੍ਹਾਂ ਪਕੜ ਲੈਣ ਤਾਂ ਉਸ ਤੋਂ ਬਾਅਦ ਇਨ੍ਹਾਂ ਨੂੰ ਝਟਕੇ ਨਾਲ ਪਿੱਛੇ ਵੱਲ ਖਿੱਚ ਲਓ, ਜਿਸ ਨਾਲ ਡੈਂਟ ਠੀਕ ਹੋ ਜਾਂਦੇ ਹਨ।
ਇਸ ਨੂੰ ਅਜ਼ਮਾਉਣ ਤੋਂ ਪਹਿਲਾਂ ਡੈਂਟਸ ਵਾਲੇ ਸਪਾਟ ਨੂੰ ਚੰਗੀ ਤਰ੍ਹਾਂ ਸਾਫ਼ ਕਰੋ ਤਾਂ ਜੋ ਟੇਪ ਚੰਗੀ ਤਰ੍ਹਾਂ ਚਿਪਕ ਜਾਵੇ।
ਗਰਮ ਪਾਣੀ
ਗਰਮ ਪਾਣੀ ਨਾਲ ਕਾਰ ਦੇ ਡੈਂਟਸ ਦੀ ਮੁਰੰਮਤ ਵੀ ਕੀਤੀ ਜਾ ਸਕਦੀ ਹੈ।
ਲਗਭਗ ਇਕ ਲੀਟਰ ਪਾਣੀ ਨੂੰ ਉਬਾਲੋ ਅਤੇ ਇਸ ਨੂੰ ਗਰਮ ਕਰੋ।
ਇਸ ਤੋਂ ਬਾਅਦ ਤੁਹਾਨੂੰ ਇਸ ਪਾਣੀ ਨੂੰ ਡੈਂਟ ਸਪਾਟ 'ਤੇ ਪਾ ਕੇ ਇਕ ਮਿੰਟ ਤਕ ਛੱਡਣਾ ਪਵੇਗਾ।
ਤੁਹਾਨੂੰ ਡੈਂਟ ਵਾਲੀ ਥਾਂ ਦੇ ਪਿੱਛੇ ਹੱਥ ਲਗਾ ਕੇ ਇਸ ਨੂੰ ਅੱਗੇ ਵੱਲ ਧੱਕਣਾ ਪਵੇਗਾ, ਜਿਸ ਨਾਲ ਡੈਂਟ ਠੀਕ ਹੋ ਜਾਂਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
