ਟਾਟਾ ਮੋਟਰਜ਼ ਨੇ ਟਿਆਗੋ ਦੇ ਲਿਮਿਟਿਡ ਐਡੀਸ਼ਨ ਮਾਡਲ ਟ੍ਰਿਮ ਨੂੰ ਕੀਤਾ ਪੇਸ਼, ਜਾਣੋ ਕੀਮਤ ਤੇ ਫੀਚਰਸ 

ਟਾਟਾ ਮੋਟਰਜ਼ ਨੇ ਸ਼ਨੀਵਾਰ ਨੂੰ ਆਪਣੇ ਐਂਟਰੀ-ਲੈਵਲ ਹੈਚਬੈਕ ਟਿਆਗੋ ਦਾ ਸੀਮਤ ਸੰਸਕਰਣ ਟ੍ਰਿਮ ਪੇਸ਼ ਕੀਤਾ। ਇਸ ਦੀ ਕੀਮਤ ਦਿੱਲੀ ਦੇ ਸ਼ੋਅਰੂਮ 'ਚ 5.79 ਲੱਖ ਰੁਪਏ ਹੋਵੇਗੀ। ਟਾਟਾ ਮੋਟਰਜ਼ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਇਸ ਮਾਡਲ ਦਾ ਇੱਕ ਅਡਵਾਂਸਡ ਵਰਜਨ ਇੱਕ ਸਾਲ ਪਹਿਲਾਂ ਪੇਸ਼ ਕੀਤਾ ਗਿਆ ਸੀ।

ਟਾਟਾ ਮੋਟਰਜ਼ ਨੇ ਸ਼ਨੀਵਾਰ ਨੂੰ ਆਪਣੇ ਐਂਟਰੀ-ਲੈਵਲ ਹੈਚਬੈਕ ਟਿਆਗੋ ਦਾ ਸੀਮਤ ਸੰਸਕਰਣ ਟ੍ਰਿਮ ਪੇਸ਼ ਕੀਤਾ। ਇਸ ਦੀ ਕੀਮਤ ਦਿੱਲੀ ਦੇ ਸ਼ੋਅਰੂਮ 'ਚ 5.79 ਲੱਖ ਰੁਪਏ ਹੋਵੇਗੀ। ਟਾਟਾ ਮੋਟਰਜ਼ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਇਸ ਮਾਡਲ ਦਾ ਇੱਕ ਅਡਵਾਂਸਡ ਵਰਜਨ ਇੱਕ ਸਾਲ ਪਹਿਲਾਂ ਪੇਸ਼ ਕੀਤਾ ਗਿਆ ਸੀ। ਨਵੇਂ ਵਰਜਨ ਵਿੱਚ ਨਵੇਂ ਫ਼ੀਚਰ ਸ਼ਾਮਿਲ ਕੀਤੇ ਗਏ ਹਨ ਜਿਸ ਵਿੱਚ ਬਲੈਕ ਅਲਾਏ ਵ੍ਹੀਲਜ਼, ਸੈਂਸਰਾਂ ਨਾਲ ਰਿਵਰਸ ਪਾਰਕਿੰਗ ਡਿਸਪਲੇਅ, ਵੌਇਸ ਕਮਾਂਡ ਆਦਿ ਸ਼ਾਮਲ ਹਨ।

ਟਾਟਾ ਮੋਟਰਜ਼ ਪੈਸੈਂਜਰ ਵਹੀਕਲ ਬਿਜ਼ਨਸ ਯੂਨਿਟ ਦੇ ਮੁਖੀ (ਮਾਰਕੀਟਿੰਗ) ਵਿਵੇਕ ਸ੍ਰੀਵਾਸਤ ਨੇ ਕਿਹਾ, “ਟਿਆਗੋ ਨੂੰ ਸਾਲ 2016 ਵਿੱਚ ਪੇਸ਼ ਕੀਤਾ ਗਿਆ ਸੀ। ਇਹ ਇਸ ਦੇ ਹਿੱਸੇ ਦਾ ਇੱਕ ਸਫਲ ਮਾਡਲ ਹੈ ਅਤੇ ਸਾਰਿਆਂ ਨੇ ਪ੍ਰਸ਼ੰਸਾ ਕੀਤੀ ਹੈ। ਇਸ ਮਾਡਲ ਦਾ ਇੰਡੀਆ ਫੇਜ਼-ਛੇ ਵਰਜ਼ਨ 2020 'ਚ ਪੇਸ਼ ਕੀਤਾ ਗਿਆ ਸੀ। ਇਸ ਨੂੰ 4 ਸਟਾਰ ਸਿਕਿਓਰਿਟੀ ਰੇਟਿੰਗ ਵੀ ਮਿਲੀ।” ਉਨ੍ਹਾਂ ਕਿਹਾ ਕਿ ਇਸ ਵੇਲੇ ਸੜਕ 'ਤੇ 3.25 ਲੱਖ ਟਿਆਗੋ ਦੌੜ ਰਹੀਆਂ ਹਨ। ਇਸ ਮਾਡਲ ਨੂੰ ਮਾਰਕੀਟ ਵਲੋਂ ਜ਼ਬਰਦਸਤ ਹੁੰਗਾਰਾ ਮਿਲਿਆ ਹੈ।

ਟਾਟਾ ਮੋਟਰਜ਼ ਨੇ ਦਸੰਬਰ ਤਿਮਾਹੀ 'ਚ 67 ਪ੍ਰਤੀਸ਼ਤ ਦਾ ਜ਼ਬਰਦਸਤ ਮੁਨਾਫਾ ਕਮਾਇਆ ਹੈ।  ਦਰਅਸਲ, ਟਾਟਾ ਮੋਟਰਜ਼ ਦੀ ਵਿਕਰੀ ਨੂੰ ਲੌਕਡਾਊਨ ਨਿਯਮਾਂ ਵਿੱਚ ਢਿੱਲ ਦੇ ਦੌਰਾਨ ਤੇਜ਼ੀ ਨਾਲ ਵਿਕਰੀ ਤੋਂ ਫਾਇਦਾ ਹੋਇਆ। ਉਥੇ ਹੀ ਫੈਸਟਿਵ ਸੀਜ਼ਨ ਦੌਰਾਨ ਵਿਕਰੀ ਵਧਣ ਕਾਰਨ ਕੰਪਨੀ ਦਾ ਮੁਨਾਫਾ ਵਧਿਆ। ਫੈਸਟਿਵ ਸੀਜ਼ਨ ਦੌਰਾਨ ਵਿਕਰੀ ਵਿੱਚ ਵਾਧੇ ਦੇ ਕਾਰਨ ਕੰਪਨੀ ਦੇ ਮਾਲੀਏ ਵਿੱਚ ਕਾਫ਼ੀ ਵਾਧਾ ਹੋਇਆ ਹੈ। ਕੋਰੋਨਾ ਦੇ ਇਸ ਸਮੇਂ ਵਿੱਚ, ਪਰਸਨਲ ਮੋਬਿਲਿਟੀ ਨੂੰ ਤਵੱਜੋ ਕਾਰਨ ਵਾਹਨਾਂ ਦੀ ਵਿਕਰੀ ਵਧ ਗਈ ਹੈ।

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ