2017 ਵਿੱਚ ਇਨ੍ਹਾਂ ਅਦਾਕਾਰਾਵਾਂ ਨੂੰ ਇੰਟਰਨੈੱਟ 'ਤੇ ਸਭ ਤੋਂ ਵੱਧ ਲੱਭਿਆ!

ਈਸ਼ਾ ਗੁਪਤਾ- ਫ਼ਿਲਮਾਂ ਤੋਂ ਜ਼ਿਆਦਾ ਈਸ਼ਾ ਗੁਪਤਾ ਨੂੰ ਉਸ ਦੇ ਅਰਧ ਨਗਨ (ਹਾਫ ਨੇਕਡ) ਫ਼ੋਟੋਸ਼ੂਟ ਕਾਰਨ ਚਰਚਾ ਮਿਲੀ। ਬੇਸ਼ੱਕ ਇਸ ਫ਼ੋਟੋਸ਼ੂਟ ਕਾਰਨ ਈਸ਼ਾ ਨੂੰ ਖ਼ੂਬ ਭੱਦੇ ਕਮੈਂਟਸ ਮਿਲੇ ਪਰ ਯਾਹੂ ਦੀ ਮੋਸਟ ਸਰਚੇਬਲ ਸੈਲਿਬ੍ਰੀਟੀਜ਼ ਲਿਸਟ ਵਿੱਚ ਉਹ ਵੀ ਸ਼ੁਮਾਰ ਹੋ ਹੀ ਗਈ। ਤਸਵੀਰਾਂ- ਇੰਸਟਾਗ੍ਰਾਮ।

ਦਿਸ਼ਾ ਪਟਾਨੀ- ਇੰਟਰਨੈੱਟ ਦੀ ਟੌਪ ਸਰਚ ਲਿਸਟ ਵਿੱਚ ਥਾਂ ਬਣਾਉਣ ਦਾ ਕਾਰਨ ਕੋਈ ਫ਼ਿਲਮ ਜਾਂ ਹੁਨਰ ਨਹੀਂ ਬਲਕਿ ਦਿਸ਼ਾ ਪਟਾਨੀ ਵੱਲੋਂ ਇੰਸਟਾਗ੍ਰਾਮ 'ਤੇ ਪਾਇਆ ਇੱਕ ਡਾਂਸ ਵੀਡੀਓ ਸੀ। ਇਸ ਤੋਂ ਇਲਾਵਾ ਕਈ ਰੈੱਡ ਕਾਰਪੈੱਟਸ 'ਤੇ ਦਿੱਸਣ ਤੇ ਅਫੇਅਰਜ਼ ਕਾਰਨ ਦਿਸ਼ਾ ਪਟਾਨੀ ਦੇ ਜ਼ਿਆਦਾ ਖੋਜੇ ਜਾਣ ਦੇ ਕਾਰਨ ਬਣੇ। ਕਈ ਮੈਗ਼ਜ਼ੀਨ ਲਈ ਦਿਸ਼ਾ ਦੇ ਲੀਕ ਤੋਂ ਹਟ ਕੇ ਕਰਵਾਏ ਫ਼ੋਟੋਸ਼ੂਟ ਕਾਰਨ ਵੀ ਉਸ ਨੂੰ ਕਾਫੀ ਸਰਚ ਕੀਤਾ ਗਿਆ।

ਕਰੀਨਾ ਕਪੂਰ- ਭਾਰਤ ਦੀਆਂ ਖ਼ੂਬਸੂਰਤ ਸੈਲਿਬ੍ਰੀਟੀਜ਼ ਦੇ ਰੂਪ ਵਿੱਚ ਕਰੀਨਾ ਕਪੂਰ ਖ਼ਾਨ ਨੂੰ ਰੇਟਿੰਗ ਦਿੱਤੀ ਗਈ ਹੈ। ਗਰਭਵਤੀ ਹੋਣ ਤੋਂ ਬਾਅਦ ਵਜ਼ਨ ਘਟਾਉਣ ਤੋਂ ਲੈ ਕੇ ਆਪਣੇ ਪੁੱਤਰ ਤੈਮੂਰ ਕਾਰਨ ਖ਼ੂਬ ਚਰਚਾ ਵਿੱਚ ਰਹਿ ਚੁੱਕੀ ਹੈ ਕਰੀਨਾ ਕਪੂਰ। ਕਰੀਨਾ ਨੂੰ ਉਸ ਦੇ ਪੁੱਤਰ ਦੇ ਬਰਥ ਸੈਲੀਬ੍ਰੇਸ਼ਨ ਦੇ ਚਲਦਿਆਂ ਇੰਟਰਨੈੱਟ 'ਤੇ ਕਾਫੀ ਖੋਜਿਆ ਗਿਆ।

ਦੀਪਿਕਾ ਪਾਦੂਕੋਣ- ਸਾਲ 2017 ਦੀਪਿਕਾ ਲਈ ਚਰਚਾਵਾਂ ਵਿੱਚ ਰਹਿਣ ਵਾਲਾ ਸਾਲ ਰਿਹਾ। ਹਾਲੀਵੁੱਡ ਫ਼ਿਲਮ ‘xXx ਰਿਟਰਨ’ ਵਿੱਚ ਡੈਬਿਊ, ਕਾਨਸ ਫ਼ਿਲਮ ਮੇਲੇ ਵਿੱਚ ਰੈੱਡ ਕਾਰਪੇਟ 'ਤੇ ਵਿਖਾਈ ਦੇਣ ਵਾਲੀ ਅਦਾਕਾਰਾ ਦੀਪਿਕਾ ਆਪਣੀ ਵਿਵਾਦਤ ਫ਼ਿਲਮ ਪਦਮਾਵਤੀ ਕਾਰਨ ਵੀ ਇੰਟਰਨੈੱਟ 'ਤੇ ਖ਼ੂਬ ਸਰਚ ਕੀਤੀ ਗਈ।

ਕੈਟਰੀਨਾ ਕੈਫ- ਹਿੰਦੀ ਫ਼ਿਲਮਾਂ ਵਿੱਚ ਆਪਣੀ ਸੁੰਦਰਤਾ ਤੇ ਅਦਾਕਾਰੀ ਲਈ ਪਛਾਣੀ ਜਾਣ ਵਾਲੀ ਕੈਟਰੀਨਾ ਕੈਫ ਭਾਰਤ ਵਿੱਚ ਸਭ ਤੋਂ ਆਕਰਸ਼ਕ ਤੇ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੀਆਂ ਅਦਾਕਾਰਾਵਾਂ ਵਿੱਚੋਂ ਇੱਕ ਹੈ। ਸਲਮਾਨ ਖ਼ਾਨ ਨਾਲ 'ਟਾਈਗਰ ਜ਼ਿੰਦਾ ਹੈ' ਦੀ ਇਸ ਅਦਾਕਾਰਾ ਨੂੰ ਵੀ ਇੰਟਰਨੈੱਟ 'ਤੇ ਕਾਫ ਖੋਜਿਆ ਗਿਆ ਹੈ।

ਐਸ਼ਵਰਿਆ ਰਾਏ- ਵਿਸ਼ਵ ਸੁੰਦਰੀ ਰਹਿ ਚੁੱਕੀ ਖ਼ੂਬਸੂਰਤ ਅਦਾਕਾਰਾ ਐਸ਼ਵਰਿਆ ਰਾਏ ਨੂੰ ਇਸ ਵਾਰ ਦੁਨੀਆ ਦੀ ਸਭ ਤੋਂ ਖ਼ੂਬਸੂਰਤ, ਹਰਮਨਪਿਆਰੀ ਤੇ ਸਫਲ ਸੈਲੇਬ੍ਰਿਟੀ ਵਜੋਂ ਰੇਟਿੰਗ ਮਿਲੀ ਹੈ। ਉਹ ਯਾਹੂ ਦੀ ਇਸ ਸੂਚੀ ਦੇ 3 ਪਾਏਦਾਨ 'ਤੇ ਹੈ।

ਪ੍ਰਿਅੰਕਾ ਚੋਪੜਾ- ਇਹ ਕਹਿਣਾ ਸਹੀ ਨਹੀਂ ਹੋਵੇਗਾ ਕਿ ਹਾਲੀਵੁੱਡ ਫ਼ਿਲਮ 'ਬੇਵਾਚ' ਕਾਰਨ ਹੀ ਦੇਸੀ ਗਰਲ ਪ੍ਰਿਅੰਕਾ ਚੋਪੜਾ ਨੂੰ ਇੰਟਰਨੈੱਟ 'ਤੇ ਖੋਜਿਆ ਹੋਵੇਗਾ। ਪ੍ਰਿਅੰਕਾ ਦਾ ਨਾਂ ਫੋਰਬਸ 2017 ਦੀ 100 ਮੋਸਟ ਪਾਵਰਫੁੱਲ ਵੂਮਨ ਲਿਸਟ ਵਿੱਚ ਵੀ ਸ਼ਾਮਲ ਹੋਇਆ ਸੀ। ਇਸ ਤੋਂ ਇਲਾਵਾ ਉਹ ਕੁਆਂਟਿਕੋ ਲੜੀਵਾਰ ਕਾਰਨ ਇਸ ਸਾਲ ਪ੍ਰਿਅੰਕਾ ਚਰਚਾ ਵਿੱਚ ਰਹੀ। ਪ੍ਰਿਅੰਕਾ ਨੂੰ ਇੰਸਟਾਗ੍ਰਾਮ 'ਤੇ 20 ਮਿਲੀਅਨ ਤੋਂ ਜ਼ਿਆਦਾ ਲੋਕ ਫਾਲੋ ਕਰਦੇ ਹਨ। ਇਨ੍ਹਾਂ ਸਾਰਿਆਂ ਕਾਰਨਾਂ ਕਰ ਕੇ ਪ੍ਰਿਅੰਕਾ ਚੋਪੜਾ ਯਾਹੂ ਇੰਡੀਆ ਦੀ ਮੋਸਟ ਸਰਚਡ ਫੀਮੇਲ ਸੈਲਿਬ੍ਰਿਟੀ ਵਾਲੀ ਸੂਚੀ ਵਿੱਚ ਦੂਜੇ ਨੰਬਰ 'ਤੇ ਹੈ।

ਸੰਨੀ ਲਿਓਨੀ- ਇੰਟਰਨੈੱਟ 'ਤੇ ਸਭ ਤੋਂ ਜ਼ਿਆਦਾ ਖੋਜੀ ਜਾਣ ਵਾਲੀ ਅਦਾਕਾਰਾ ਹੈ। ਸੰਨੀ ਨੇ ਕਈ ਟੈਲੀਵਿਜ਼ਨ ਸ਼ੋਅ ਤੇ ਫ਼ਿਲਮਾਂ ਦੇ ਨਾਲ ਨਾਲ ਐਮ.ਟੀ.ਵੀ. ਲਈ ਰੈੱਡ ਕਾਰਪੇਟ ਰਿਪੋਰਟਰ ਵਜੋਂ ਕੰਮ ਵੀ ਕਰ ਚੁੱਕੀ ਹੈ। ਇੰਨਾ ਹੀ ਨਹੀਂ, ਉਸ ਨੇ ਰਿਐਲਿਟੀ ਸ਼ੋਅ ਸਪਲਿਟਸਵਿਲਾ ਨੂੰ ਵੀ ਹੋਸਟ ਕੀਤਾ ਹੈ।

ਬਾਲੀਵੁੱਡ ਹੁਣ ਪਹਿਲਾਂ ਨਾਲੋਂ ਜ਼ਿਆਦਾ ਵਿਸ਼ਾਲ ਹੋ ਗਿਆ ਹੈ। ਇਸੇ ਦਾ ਨਤੀਜਾ ਹੈ ਕਿ 300 ਮਿਲੀਅਨ ਇੰਟਰਨੈੱਟ ਯੂਜਰਜ਼ ਭਾਰਤ ਦੇ ਅਦਾਕਾਰ, ਗਾਇਕ ਤੇ ਫ਼ਿਲਮਾਂ ਬਾਰੇ ਇੰਟਰਨੈੱਟ 'ਤੇ ਖੋਜਦੇ ਰਹਿੰਦੇ ਹਨ। ਅੱਜ ਅਸੀਂ ਤੁਹਾਨੂੰ 2017 ਦਾ ਲੇਖਾ-ਜੋਖਾ ਕਰਦੇ ਦੱਸ ਰਹੇ ਹਾਂ ਕਿ ਕੌਣ ਹਨ ਉਹ ਬਾਲੀਵੁੱਡ ਅਦਾਕਾਰਾਵਾਂ, ਜਿਨ੍ਹਾਂ ਨੂੰ ਯਾਹੂ 'ਤੇ ਇਸ ਸਾਲ ਸਭ ਤੋਂ ਵੱਧ ਵਾਰ ਖੋਜਿਆ ਗਿਆ।