Bank Holiday on October 2023: ਅੱਜ ਤੋਂ ਨਵਾਂ ਮਹੀਨਾ ਸ਼ੁਰੂ ਹੋ ਗਿਆ ਹੈ। ਅਕਤੂਬਰ ਦੀ ਸ਼ੁਰੂਆਤ ਨਾਲ ਕਈ ਵਿੱਤੀ ਬਦਲਾਅ ਹੋਏ ਹਨ, ਜਿਸ ਦਾ ਸਿੱਧਾ ਅਸਰ ਆਮ ਲੋਕਾਂ ਦੀਆਂ ਜੇਬਾਂ 'ਤੇ ਪਵੇਗਾ। ਬੈਂਕ ਆਮ ਲੋਕਾਂ ਦੀ ਜ਼ਿੰਦਗੀ ਦਾ ਅਹਿਮ ਹਿੱਸਾ ਹਨ। ਕਈ ਵਾਰ ਬੈਂਕਾਂ 'ਚ ਲੰਬੀਆਂ ਛੁੱਟੀਆਂ ਕਾਰਨ ਗਾਹਕਾਂ ਨੂੰ ਕਾਫੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਅਜਿਹੇ 'ਚ ਬੈਂਕ ਛੁੱਟੀਆਂ ਦੇ ਹਿਸਾਬ ਨਾਲ ਆਪਣੇ ਕੰਮ ਦੀ ਯੋਜਨਾ ਬਣਾਉਣੀ ਜ਼ਰੂਰੀ ਹੈ। ਗਾਹਕਾਂ ਦੀ ਸਹੂਲਤ ਲਈ, ਰਿਜ਼ਰਵ ਬੈਂਕ ਤਿਉਹਾਰਾਂ ਅਤੇ ਵਰ੍ਹੇਗੰਢ ਦੇ ਅਨੁਸਾਰ ਬੈਂਕ ਛੁੱਟੀਆਂ ਦੀ ਸੂਚੀ ਜਾਰੀ ਕਰਦਾ ਹੈ।


ਅਕਤੂਬਰ ਵਿੱਚ ਹਨ ਬਹੁਤ ਸਾਰੀਆਂ ਛੁੱਟੀਆਂ -


ਅਕਤੂਬਰ ਮਹੀਨੇ ਵਿੱਚ ਕਈ ਵੱਡੇ ਤਿਉਹਾਰ ਆਉਣ ਵਾਲੇ ਹਨ। ਇਸ ਵਿੱਚ ਦੁਰਗਾ ਪੂਜਾ, ਦੁਸਹਿਰਾ, ਲਕਸ਼ਮੀ ਪੂਜਾ ਵਰਗੇ ਕਈ ਤਿਉਹਾਰ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਇਸ ਮਹੀਨੇ ਗਾਂਧੀ ਜਯੰਤੀ ਅਤੇ ਸਰਦਾਰ ਵੱਲਭ ਭਾਈ ਪਟੇਲ ਜੈਅੰਤੀ ਕਾਰਨ ਬੈਂਕਾਂ 'ਚ ਛੁੱਟੀ ਰਹੇਗੀ। ਅਕਤੂਬਰ ਵਿੱਚ 31 ਵਿੱਚੋਂ 16 ਦਿਨਾਂ ਲਈ ਬੈਂਕ ਛੁੱਟੀਆਂ ਹੋਣਗੀਆਂ। ਇਸ ਵਿੱਚ ਸ਼ਨੀਵਾਰ ਅਤੇ ਐਤਵਾਰ ਦੀਆਂ ਛੁੱਟੀਆਂ ਵੀ ਸ਼ਾਮਲ ਹਨ।


ਅਕਤੂਬਰ 2023 'ਚ ਇਨ੍ਹਾਂ ਦਿਨਾਂ 'ਚ ਬੰਦ ਰਹਿਣਗੇ ਬੈਂਕ-



1 ਅਕਤੂਬਰ 2023- ਐਤਵਾਰ



2 ਅਕਤੂਬਰ, 2023- ਗਾਂਧੀ ਜਯੰਤੀ ਕਾਰਨ ਦੇਸ਼ ਭਰ ਵਿੱਚ ਬੈਂਕ ਬੰਦ ਰਹਿਣਗੇ।



ਅਕਤੂਬਰ 8, 2023- ਐਤਵਾਰ



14 ਅਕਤੂਬਰ, 2023- ਮਹਾਲਿਆ ਦੇ ਕਾਰਨ ਕੋਲਕਾਤਾ ਅਤੇ ਦੂਜੇ ਸ਼ਨੀਵਾਰ ਦੇ ਕਾਰਨ ਪੂਰੇ ਦੇਸ਼ ਵਿੱਚ ਬੈਂਕਾਂ ਵਿੱਚ ਛੁੱਟੀ ਰਹੇਗੀ।


ਅਕਤੂਬਰ 15, 2023- ਐਤਵਾਰ


18 ਅਕਤੂਬਰ 2023- ਗੁਹਾਟੀ ਵਿੱਚ ਕਟੀ ਬੀਹੂ ਦੇ ਕਾਰਨ ਬੈਂਕ ਛੁੱਟੀ ਹੋਵੇਗੀ।


21 ਅਕਤੂਬਰ, 2023- ਦੁਰਗਾ ਪੂਜਾ/ਮਹਾਂ ਸਪਤਮੀ ਦੇ ਕਾਰਨ ਅਗਰਤਲਾ, ਗੁਹਾਟੀ, ਇੰਫਾਲ, ਕੋਲਕਾਤਾ ਵਿੱਚ ਬੈਂਕ ਬੰਦ ਰਹਿਣਗੇ।


22 ਅਕਤੂਬਰ 2023- ਐਤਵਾਰ


23 ਅਕਤੂਬਰ 2023- ਅਗਰਤਲਾ, ਬੈਂਗਲੁਰੂ, ਭੁਵਨੇਸ਼ਵਰ, ਚੇਨਈ, ਗੁਹਾਟੀ, ਹੈਦਰਾਬਾਦ, ਕਾਨਪੁਰ, ਕੋਚੀ, ਕੋਹਿਮਾ, ਕੋਲਕਾਤਾ, ਲਖਨਊ, ਪਟਨਾ, ਰਾਂਚੀ, ਸ਼ਿਲਾਂਗ ਅਤੇ ਤ੍ਰਿਵੇਂਦਰਮ ਵਿੱਚ ਦੁਸਹਿਰਾ/ਆਯੁਧਾ ਪੂਜਾ/ਦੁਰਗਾ ਪੂਜਾ/ਵਿਜੇ ਦਸ਼ਮੀ ਕਾਰਨ ਬੈਂਕ ਬੰਦ ਰਹਿਣਗੇ।

24 ਅਕਤੂਬਰ, 2023- ਦੁਸਹਿਰੇ ਕਾਰਨ ਹੈਦਰਾਬਾਦ ਅਤੇ ਇੰਫਾਲ ਨੂੰ ਛੱਡ ਕੇ ਪੂਰੇ ਦੇਸ਼ ਵਿੱਚ ਬੈਂਕ ਬੰਦ ਰਹਿਣਗੇ।


25 ਅਕਤੂਬਰ 2023- ਗੰਗਟੋਕ ਵਿੱਚ ਦੁਰਗਾ ਪੂਜਾ (ਦਸਾਈ) ਕਾਰਨ ਬੈਂਕਾਂ ਵਿੱਚ ਛੁੱਟੀ ਰਹੇਗੀ।


26 ਅਕਤੂਬਰ, 2023- ਗੰਗਟੋਕ, ਜੰਮੂ ਅਤੇ ਸ਼੍ਰੀਨਗਰ ਵਿੱਚ ਦੁਰਗਾ ਪੂਜਾ (ਦਸਾਈ)/ਐਕਸੀਸ਼ਨ ਡੇ ਬੈਂਕ ਬੰਦ ਰਹਿਣਗੇ।


27 ਅਕਤੂਬਰ, 2023- ਗੰਗਟੋਕ ਵਿੱਚ ਦੁਰਗਾ ਪੂਜਾ (ਦਸਾਈ) ਮੌਕੇ ਬੈਂਕ ਬੰਦ ਰਹਿਣਗੇ।


28 ਅਕਤੂਬਰ, 2023- ਲਕਸ਼ਮੀ ਪੂਜਾ ਅਤੇ ਚੌਥੇ ਸ਼ਨੀਵਾਰ ਦੇ ਕਾਰਨ ਕੋਲਕਾਤਾ ਸਮੇਤ ਪੂਰੇ ਦੇਸ਼ 'ਚ ਬੈਂਕਾਂ 'ਚ ਛੁੱਟੀ ਰਹੇਗੀ।


ਅਕਤੂਬਰ 29, 2023- ਐਤਵਾਰ


31 ਅਕਤੂਬਰ, 2023- ਸਰਦਾਰ ਵੱਲਭ ਭਾਈ ਪਟੇਲ ਦੀ ਜਯੰਤੀ 'ਤੇ ਅਹਿਮਦਾਬਾਦ 'ਚ ਬੈਂਕਾਂ 'ਚ ਛੁੱਟੀ ਰਹੇਗੀ।


ਛੁੱਟੀਆਂ ਵਿੱਚ ਬੈਂਕਾਂ ਵਿੱਚ ਕੰਮ ਕਿਵੇਂ ਕਰਨਾ ਹੈ ਪੂਰਾ 


ਕਈ ਵਾਰ ਲਗਾਤਾਰ ਕਈ ਦਿਨ ਬੈਂਕਾਂ ਦੀਆਂ ਛੁੱਟੀਆਂ ਹੋਣ ਕਾਰਨ ਲੋਕਾਂ ਨੂੰ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ, ਪਰ ਅੱਜ-ਕੱਲ੍ਹ ਬੈਂਕਿੰਗ ਦੇ ਬਦਲਦੇ ਢੰਗ ਕਾਰਨ ਤੁਸੀਂ ਬੈਂਕ ਬੰਦ ਹੋਣ 'ਤੇ ਵੀ ਆਪਣਾ ਜ਼ਰੂਰੀ ਕੰਮ ਪੂਰਾ ਕਰ ਸਕਦੇ ਹੋ। ਇੱਕ ਖਾਤੇ ਤੋਂ ਦੂਜੇ ਖਾਤੇ ਵਿੱਚ ਪੈਸੇ ਟ੍ਰਾਂਸਫਰ ਕਰਨ ਲਈ, ਤੁਸੀਂ ਨੈੱਟ ਬੈਂਕਿੰਗ, ਮੋਬਾਈਲ ਬੈਂਕਿੰਗ ਜਾਂ UPI ਦੀ ਵਰਤੋਂ ਕਰ ਸਕਦੇ ਹੋ। ਤੁਸੀਂ ਨਕਦੀ ਕਢਵਾਉਣ ਲਈ ATM ਦੀ ਵਰਤੋਂ ਕਰ ਸਕਦੇ ਹੋ।