Employee Salary: ਮੁਲਾਜ਼ਮਾਂ ਦੀਆਂ ਤਨਖਾਹਾਂ 'ਚ ਵੱਡਾ ਫੇਰਬਦਲ, ਜਾਣੋ ਕਿਉਂ ਘਟੇਗੀ 'ਇਨ-ਹੈਂਡ' ਸੈਲਰੀ? ਹੱਥ 'ਚ ਆਏਗੀ ਇੰਨੀ ਤਨਖਾਹ...
Employee Salary: ਸਰਕਾਰ ਵੱਲੋਂ ਕਰਮਚਾਰੀਆਂ ਦੀਆਂ ਤਨਖਾਹਾਂ ਨੂੰ ਲੈ ਕੇ ਵੱਡਾ ਫੈਸਲਾ ਕੀਤਾ ਗਿਆ ਹੈ। ਜਿਸ ਕਾਰਨ ਮੁਲਾਜ਼ਮਾਂ ਵਿਚਾਲੇ ਹਲਚਲ ਮੱਚੀ ਹੋਈ ਹੈ। ਦੱਸ ਦੇਈਏ ਕਿ 1 ਅਪ੍ਰੈਲ ਤੋਂ ਲਾਗੂ ਕੀਤੇ ਗਏ ਨਵੇਂ ਲੇਬਰ ਕੋਡ ਤਹਿਤ...
Employee Salary: ਸਰਕਾਰ ਵੱਲੋਂ ਕਰਮਚਾਰੀਆਂ ਦੀਆਂ ਤਨਖਾਹਾਂ ਨੂੰ ਲੈ ਕੇ ਵੱਡਾ ਫੈਸਲਾ ਕੀਤਾ ਗਿਆ ਹੈ। ਜਿਸ ਕਾਰਨ ਮੁਲਾਜ਼ਮਾਂ ਵਿਚਾਲੇ ਹਲਚਲ ਮੱਚੀ ਹੋਈ ਹੈ। ਦੱਸ ਦੇਈਏ ਕਿ 1 ਅਪ੍ਰੈਲ ਤੋਂ ਲਾਗੂ ਕੀਤੇ ਗਏ ਨਵੇਂ ਲੇਬਰ ਕੋਡ ਤਹਿਤ ਨਿੱਜੀ ਖੇਤਰ ਦੇ ਮੁਲਾਜ਼ਮਾਂ ਦੇ ਸੈਲਰੀ ਸਟਰੱਕਚਰ (ਤਨਖਾਹ ਢਾਂਚੇ) ਵਿੱਚ ਵੱਡਾ ਫੇਰਬਦਲ ਕੀਤਾ ਗਿਆ ਹੈ। ਇਸ ਨਵੇਂ ਨਿਯਮ ਕਾਰਨ ਇਸ ਮਹੀਨੇ ਤੋਂ ਮੁਲਾਜ਼ਮਾਂ ਦੇ ਹੱਥ ਵਿੱਚ ਆਉਣ ਵਾਲੀ ਨਕਦ ਤਨਖਾਹ (In-hand Salary) ਵਿੱਚ ਕਮੀ ਆ ਸਕਦੀ ਹੈ।
ਜਾਣੋ ਕੀ ਹੈ ਨਵਾਂ ਨਿਯਮ?
ਨਵੇਂ ਨਿਯਮਾਂ ਮੁਤਾਬਕ, ਹੁਣ ਕਿਸੇ ਵੀ ਕਰਮਚਾਰੀ ਦੀ ਬੇਸਿਕ ਸੈਲਰੀ (Basic Pay) ਅਤੇ ਮਹਿੰਗਾਈ ਭੱਤਾ (DA) ਉਸ ਦੀ ਕੁੱਲ CTC (ਕੁੱਲ ਸੈਲਰੀ) ਦਾ ਘੱਟੋ-ਘੱਟ 50 ਫੀਸਦੀ ਹੋਣਾ ਲਾਜ਼ਮੀ ਹੈ। ਬਾਕੀ ਬਚੇ 50 ਫੀਸਦੀ ਹਿੱਸੇ ਵਿੱਚ ਹੀ ਹੋਰ ਭੱਤੇ ਜਿਵੇਂ ਕਿ HRA ਅਤੇ ਸਫਰ ਭੱਤਾ (Travel Allowance) ਸ਼ਾਮਲ ਕੀਤੇ ਜਾ ਸਕਣਗੇ। ਦੱਸ ਦੇਈਏ ਕਿ ਇਹ ਨਿਯਮ ਸਿਰਫ਼ ਉਨ੍ਹਾਂ ਮੁਲਾਜ਼ਮਾਂ 'ਤੇ ਲਾਗੂ ਹੋਵੇਗਾ ਜਿਨ੍ਹਾਂ ਦੀ ਬੇਸਿਕ ਸੈਲਰੀ 15,000 ਰੁਪਏ ਤੋਂ ਵੱਧ ਹੈ।
ਇੱਥੇ ਜਾਣੋ 50,000 ਰੁਪਏ ਦੀ ਸੈਲਰੀ 'ਤੇ ਕਿਵੇਂ ਪਵੇਗਾ ਅਸਰ?
ਜੇਕਰ ਤੁਹਾਡੀ ਕੁੱਲ ਸੈਲਰੀ 50,000 ਰੁਪਏ ਹੈ, ਤਾਂ ਨਵੇਂ ਸਿਸਟਮ ਤਹਿਤ ਤੁਹਾਡੀ ਇਨ-ਹੈਂਡ ਸੈਲਰੀ ਵਿੱਚ ਹਰ ਮਹੀਨੇ ਲਗਭਗ 600 ਰੁਪਏ ਦੀ ਕਮੀ ਆਵੇਗੀ।
ਪੁਰਾਣਾ ਢਾਂਚਾ
ਪਹਿਲਾਂ ਜੇਕਰ ਬੇਸਿਕ ਸੈਲਰੀ 20,000 (40%) ਸੀ, ਤਾਂ 12% ਦੇ ਹਿਸਾਬ ਨਾਲ 2,400 PF ਕੱਟਿਆ ਜਾਂਦਾ ਸੀ ਅਤੇ ਤੁਹਾਨੂੰ 47,600 ਰੁਪਏ ਮਿਲਦੇ ਸਨ।
ਨਵਾਂ ਢਾਂਚਾ
ਹੁਣ ਬੇਸਿਕ ਸੈਲਰੀ 25,000 (50%) ਹੋਣ ਕਰਕੇ PF ਕਟੌਤੀ ਵਧ ਕੇ 3,000 ਹੋ ਜਾਵੇਗੀ, ਜਿਸ ਕਾਰਨ ਤੁਹਾਡੇ ਹੱਥ ਵਿੱਚ 47,000 ਰੁਪਏ ਆਉਣਗੇ।
ਮੁਲਾਜ਼ਮਾਂ ਲਈ ਭਵਿੱਖ ਵਿੱਚ ਹੋਣਗੇ ਇਹ ਵੱਡੇ ਫਾਇਦੇ
ਹਾਲਾਂਕਿ ਜੇਬ ਵਿੱਚ ਆਉਣ ਵਾਲੇ ਪੈਸੇ ਕੁਝ ਘੱਟ ਜਾਣਗੇ, ਪਰ ਲੰਬੇ ਸਮੇਂ ਲਈ ਇਹ ਬਹੁਤ ਫਾਇਦੇਮੰਦ ਸਾਬਤ ਹੋਵੇਗਾ:
ਮੋਟੀ ਰਿਟਾਇਰਮੈਂਟ ਰਕਮ: PF ਵਿੱਚ ਜ਼ਿਆਦਾ ਪੈਸਾ ਕੱਟਣ ਦਾ ਮਤਲਬ ਹੈ ਕਿ ਰਿਟਾਇਰਮੈਂਟ ਵੇਲੇ ਤੁਹਾਨੂੰ ਇੱਕ ਵੱਡੀ ਰਕਮ ਮਿਲੇਗੀ।
ਵਿਆਜ ਦਾ ਫਾਇਦਾ: PF 'ਤੇ ਮਿਲਣ ਵਾਲਾ ਸਾਲਾਨਾ ਵਿਆਜ ਹੁਣ ਵਧੀ ਹੋਈ ਰਾਸ਼ੀ 'ਤੇ ਲੱਗੇਗਾ, ਜਿਸ ਨਾਲ ਫੰਡ ਤੇਜ਼ੀ ਨਾਲ ਵਧੇਗਾ।
ਗ੍ਰੈਚੁਟੀ ਵਿੱਚ ਵਾਧਾ: ਗ੍ਰੈਚੁਟੀ ਦੀ ਗਣਨਾ ਬੇਸਿਕ ਸੈਲਰੀ ਦੇ ਆਧਾਰ 'ਤੇ ਹੁੰਦੀ ਹੈ, ਇਸ ਲਈ ਬੇਸਿਕ ਵਧਣ ਨਾਲ ਤੁਹਾਡੀ ਗ੍ਰੈਚੁਟੀ ਦੀ ਰਕਮ ਵੀ ਕਾਫ਼ੀ ਵਧ ਜਾਵੇਗੀ।
ਕੰਪਨੀਆਂ ਦੀ ਮਨਮਾਨੀ ਖ਼ਤਮ: ਹੁਣ ਕੰਪਨੀਆਂ ਭੱਤਿਆਂ ਦੇ ਨਾਂ 'ਤੇ ਬੇਸਿਕ ਸੈਲਰੀ ਨੂੰ ਬਹੁਤ ਜ਼ਿਆਦਾ ਘਟਾ ਕੇ ਨਹੀਂ ਰੱਖ ਸਕਣਗੀਆਂ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
