Budget 2023-24 India : 1 ਫਰਵਰੀ 2023 ਨੂੰ ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ (,Finance Minister, Nirmala Sitharaman) ਸੰਸਦ ਵਿੱਚ ਮੋਦੀ ਸਰਕਾਰ ਦਾ ਆਖਰੀ ਪੂਰਾ ਬਜਟ ਪੇਸ਼ ਕਰਨ ਜਾ ਰਹੀ ਹੈ। ਇਸ ਬਜਟ ਨੂੰ ਲੈ ਕੇ ਹਰ ਖੇਤਰ ਦੇ ਲੋਕਾਂ ਵਿੱਚ ਵਿਸ਼ੇਸ਼ ਉਤਸ਼ਾਹ ਅਤੇ ਜੋਸ਼ ਦੇਖਿਆ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਆਮ ਜਨਤਾ ਅਤੇ ਨਿਵੇਸ਼ਕ ਬਜਟ ਤੋਂ ਆਪਣੇ ਲਈ ਖਾਸ ਆਸਾਂ ਲੈ ਕੇ ਬੈਠੇ ਹਨ। ਭਾਰਤੀ ਸ਼ੇਅਰ ਬਾਜ਼ਾਰ ਦੇ ਨਿਵੇਸ਼ਕਾਂ ਨੂੰ ਇਸ ਵਾਰ ਸੰਤੁਲਿਤ ਬਜਟ ਪੇਸ਼ ਕਰਨ ਦੀ ਉਮੀਦ ਹੈ। ਜਾਣੋ ਬਜਟ 'ਚ ਹੋਰ ਕੀ ਹੋ ਸਕਦਾ ਹੈ ਖਾਸ...
ਆਰਥਿਕਤਾ ਨੂੰ ਸੁਧਾਰਨ 'ਤੇ ਜ਼ੋਰ
ਦੇਸ਼ ਵਿੱਚ ਹਰ ਤਰ੍ਹਾਂ ਦੇ ਨਿਵੇਸ਼ ਵਿੱਚ ਯੋਗਦਾਨ ਪਾਉਣ ਵਾਲੇ ਨਿਵੇਸ਼ਕ ਆਮ ਬਜਟ ਵਿੱਚ ਸਰਕਾਰ ਤੋਂ ਰੁਜ਼ਗਾਰ ਵਧਾਉਣ, ਬੁਨਿਆਦੀ ਢਾਂਚੇ 'ਤੇ ਖਰਚ ਵਧਾਉਣ, ਘਾਟੇ ਨੂੰ ਦੂਰ ਕਰਨ ਅਤੇ ਭਾਰਤੀ ਆਰਥਿਕਤਾ ਵਿੱਚ ਸੁਧਾਰ ਦੀ ਉਮੀਦ ਰੱਖਦੇ ਹਨ। ਕੁਝ ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ ਸਟਾਕ ਮਾਰਕੀਟ ਵਿੱਚ ਨਿਵੇਸ਼ ਕਰਨ ਵਾਲੇ ਨਿਵੇਸ਼ਕਾਂ ਨੂੰ ਬਹੁਤ ਉਮੀਦਾਂ ਹਨ, ਇੱਕ ਸੰਤੁਲਿਤ ਬਜਟ ਦੀ ਆਮਦ ਦਾ ਬਾਜ਼ਾਰ ਦੀ ਗਤੀ 'ਤੇ ਮਹੱਤਵਪੂਰਨ ਪ੍ਰਭਾਵ ਪੈ ਸਕਦਾ ਹੈ।
ਬਜਟ ਤੋਂ ਪਹਿਲਾਂ ਸ਼ੇਅਰ ਬਾਜ਼ਾਰਾਂ 'ਚ ਸੁਸਤੀ
ਦੱਸਣਯੋਗ ਹੈ ਕਿ ਇਸ ਆਮ ਬਜਟ ਤੋਂ ਪਹਿਲਾਂ ਸ਼ੇਅਰ ਬਾਜ਼ਾਰਾਂ 'ਚ ਸੁਸਤੀ ਦਾ ਮਾਹੌਲ ਹੈ। ਜਨਵਰੀ ਮਹੀਨੇ 'ਚ ਬੀ.ਐੱਸ.ਈ. ਸੈਂਸੈਕਸ (BSE Sensex) ਲਗਭਗ ਸਪਾਟ ਰਿਹਾ ਹੈ। ਇਸ ਦੇ ਨਾਲ ਹੀ ਕਈ ਕੰਪਨੀਆਂ ਦੇ ਤਿਮਾਹੀ ਨਤੀਜੇ ਵੀ ਬਾਜ਼ਾਰਾਂ ਨੂੰ ਉਤਸ਼ਾਹਿਤ ਕਰਨ 'ਚ ਖਾਸ ਸਾਬਤ ਨਹੀਂ ਹੋਏ ਹਨ। ਆਈਟੀ ਅਤੇ ਬੈਂਕ ਵਰਗੇ ਕੁਝ ਸੂਚਕਾਂਕ 'ਚ ਸਕਾਰਾਤਮਕ ਹਲਚਲ ਦੇਖਣ ਨੂੰ ਮਿਲੀ ਹੈ।
ਬਾਜ਼ਾਰਾਂ ਤੋਂ ਕੱਢੇ 16,500 ਕਰੋੜ ਰੁਪਏ
ਇਸ ਮਹੀਨੇ ਵਿਦੇਸ਼ੀ ਪੋਰਟਫੋਲੀਓ ਨਿਵੇਸ਼ਕਾਂ (ਐੱਫ.ਪੀ.ਆਈ.) ਨੇ ਵੱਡੀ ਗਿਣਤੀ 'ਚ ਆਪਣਾ ਪੈਸਾ ਮਾਰਕੀਟ 'ਚੋਂ ਕੱਢ ਲਿਆ ਹੈ। ਘਰੇਲੂ ਸ਼ੇਅਰ ਬਾਜ਼ਾਰਾਂ ਤੋਂ 16,500 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਰਕਮ ਕਢਵਾਈ ਹੈ। ਇਸ ਤੋਂ ਇਲਾਵਾ ਨਿਵੇਸ਼ਕ ਮਹਿੰਗਾਈ ਅਤੇ ਗਲੋਬਲ ਮੰਦੀ ਦੇ ਡਰ ਤੋਂ ਵੀ ਸੁਚੇਤ ਹਨ।
ਇਹ ਵੀ ਪੜ੍ਹੋ : Budget 2023: ਅੱਜ ਸਵੇਰੇ 11 ਵਜੇ ਪੇਸ਼ ਹੋਵੇਗਾ ਬਜਟ, ਜਾਣੋ ਇਸ ਤੋਂ ਪਹਿਲਾਂ ਅਤੇ ਬਾਅਦ ਦਾ ਪੂਰਾ ਪ੍ਰੋਗਰਾਮ
ਪਿਛਲੇ 10 ਸਾਲਾਂ ਵਿੱਚ ਕੀ ਸੀ ਸਥਿਤੀ
ਪਿਛਲੇ 10 ਸਾਲਾਂ ਵਿੱਚ ਕੀ ਸੀ ਸਥਿਤੀ
ਆਮ ਬਜਟ ਤੋਂ ਪਹਿਲਾਂ ਸ਼ੇਅਰ ਬਾਜ਼ਾਰਾਂ 'ਚ ਆਮ ਤੌਰ 'ਤੇ ਸੁਸਤੀ ਦਾ ਮਾਹੌਲ ਬਣਿਆ ਰਹਿੰਦਾ ਹੈ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ 1 ਫਰਵਰੀ ਨੂੰ ਵਿੱਤੀ ਸਾਲ 2023-24 ਦਾ ਬਜਟ ਪੇਸ਼ ਕਰੇਗੀ। ਕੁੱਲ ਮਿਲਾ ਕੇ ਪਿਛਲੇ 10 ਸਾਲਾਂ ਵਿੱਚ ਬਜਟ ਤੋਂ ਪਹਿਲਾਂ 6 ਵਾਰ ਵਾਧਾ ਹੋਇਆ ਹੈ ਅਤੇ ਬਜਟ ਤੋਂ ਬਾਅਦ ਪਿਛਲੇ 10 ਸਾਲਾਂ ਵਿੱਚ 6 ਵਾਰ ਗਿਰਾਵਟ ਆਈ ਹੈ।