Buying Gold Online: ਕੀ ਡਿਜ਼ੀਟਲ ਸੋਨਾ ਖਰੀਦਣਾ ਸੁਰੱਖਿਅਤ? ਨਿਯਮਾਂ ਤੇ ਸ਼ਰਤਾਂ ਨੂੰ ਇੰਝ ਸਮਝੋ
ਗੋਲਡ ਈਟੀਐਫ ਵਰਗੇ ਉਤਪਾਦਾਂ ਲਈ ਸੇਬੀ ਤੇ ਗੋਲਡ ਬਾਂਡ ਲਈ ਆਰਬੀਆਈ ਰੈਗੂਲੇਟਰ ਵਜੋਂ ਕੰਮ ਕਰਦੇ ਹਨ ਪਰ ਡਿਜ਼ੀਟਲ ਸੋਨੇ ਦੇ ਕਾਰੋਬਾਰ ਦੀ ਕੋਈ ਕੰਟਰੋਲ ਅਥਾਰਟੀ ਨਹੀਂ ਹੈ।
ਨਵੀਂ ਦਿੱਲੀ: ਹਾਲ ਹੀ 'ਚ ਕਈ ਕੰਪਨੀਆਂ ਡਿਜ਼ੀਟਲ ਸੋਨੇ ਦੀ ਵਿਕਰੀ ਦੇ ਖੇਤਰ ਵਿੱਚ ਉੱਤਰੀਆਂ ਹਨ। ਇਹ ਕੰਪਨੀਆਂ ਪੇਟੀਐਮ, ਐਮਜ਼ੋਨ ਪੇਅ ਤੇ ਕੁਵੇਰਾ, ਗ੍ਰੋ ਤੇ ਸਟਾਕ ਬ੍ਰੋਕਰਾਂ ਰਾਹੀਂ ਵੀ ਡਿਜ਼ੀਟਲ ਸੋਨਾ ਵੇਚ ਰਹੀਆਂ ਹਨ। ਔਂਗਮੇਂਗੋਲਡ, ਐਮਐਮਟੀਸੀ-ਪੀਏਐਮਪੀ ਤੇ ਸੇਫਗੋਲਡ ਵਰਗੀਆਂ ਕੰਪਨੀਆਂ ਡਿਜ਼ੀਟਲ ਗੋਲਡ ਇੰਡੀਆ ਪ੍ਰਾਈਵੇਟ ਦੇ ਨਾਂ ਹੇਠ ਡਿਜ਼ੀਟਲ ਸੋਨਾ ਵੇਚ ਰਹੀਆਂ ਹਨ ਪਰ ਸਵਾਲ ਇਨ੍ਹਾਂ 'ਤੇ ਯਕੀਨ ਕੀਤਾ ਜਾ ਸਕਦਾ ਹੈ ਜਾਂ ਨਹੀਂ? ਕੀ ਉਨ੍ਹਾਂ ਤੋਂ ਡਿਜ਼ੀਟਲ ਸੋਨਾ ਖਰੀਦਣ ਵਿੱਚ ਕੋਈ ਜੋਖਮ ਹੈ? ਜਾਂ ਕੀ ਉਨ੍ਹਾਂ ਤੋਂ ਸੋਨਾ ਖਰੀਦਣਾ ਸਸਤਾ ਪੈਂਦਾ ਹੈ?
ਡਿਜ਼ੀਟਲ ਗੋਲਡ ਕਾਰੋਬਾਰ ਲਈ ਕੋਈ ਰੈਗੂਲੇਟਰ ਨਹੀਂ: ਡਿਜੀਟਲ ਸੋਨੇ ਦੀ ਖਰੀਦ ਵਿਚ ਸਭ ਤੋਂ ਵੱਡੀ ਸਮੱਸਿਆ ਇਹ ਹੈ ਕਿ ਇਸ ਕਾਰੋਬਾਰ ਲਈ ਕੋਈ ਨਿਯਮਕ ਨਹੀਂ ਹੈ। ਜਦੋਂ ਤੁਸੀਂ ਡਿਜੀਟਲ ਸੋਨਾ ਖਰੀਦਦੇ ਹੋ, ਤਾਂ ਉਤਪਾਦਨ ਕਰਨ ਵਾਲੀ ਕੰਪਨੀ ਤੁਹਾਡੇ ਵੱਲੋਂ ਭੁਗਤਾਨ ਕੀਤੀ ਕੀਮਤ 'ਤੇ ਤੁਹਾਡੇ ਨਾਂ 'ਤੇ ਸੋਨਾ ਖਰੀਦਦੀ ਹੈ। ਇਹ ਸੋਨੇ ਦੀ ਤੀਜੀ ਧਿਰ ਜਾਂ ਸੈਲਰ, ਜਿਵੇਂ ਕਿ ਐਮਐਮਟੀਸੀ-ਪੀਏਪੀਐਮ ਨਾਲ ਸੁਰੱਖਿਅਤ ਰਹਿੰਦਾ ਹੈ। ਆਮ ਤੌਰ 'ਤੇ ਇਸਦੇ ਲਈ ਇੱਕ ਟਰੱਸਟੀ ਨਿਯੁਕਤ ਕੀਤਾ ਜਾਂਦਾ ਹੈ, ਜੋ ਇਹ ਵੇਖਦਾ ਹੈ ਕਿ ਨਿਵੇਸ਼ਕ ਵਲੋਂ ਖਰੀਦੇ ਗਏ ਸੋਨੇ ਦੀ ਮਾਤਰਾ ਤੇ ਗੁਣਵੱਤਾ ਸਹੀ ਹੈ ਜਾਂ ਨਹੀਂ ਪਰ ਇੱਥੇ ਕੋਈ ਨਿਯਮਤਕਰਣ ਨਹੀਂ ਕਿ ਟਰੱਸਟੀ ਆਪਣਾ ਕੰਮ ਸਹੀ ਤਰ੍ਹਾਂ ਕਰ ਰਿਹਾ ਹੈ ਜਾਂ ਨਹੀਂ। ਜਦੋਂਕਿ ਗੋਲਡ ਈਟੀਐਫ ਵਰਗੇ ਉਤਪਾਦਕਾਂ ਲਈ ਸੇਬੀ ਤੇ ਆਰਬੀਆਈ ਸੋਨੇ ਦੇ ਬਾਂਡਾਂ ਲਈ ਨਿਯਮਕ ਹਨ।
ਜੁੜੇ ਹਨ ਕਈ ਵਾਧੂ ਚਾਰਜ: ਜੀਐਸਟੀ ਡਿਜੀਟਲ ਗੋਲਡ ਦੀ ਖਰੀਦ 'ਤੇ ਲਾਇਆ ਜਾਂਦਾ ਹੈ। ਇਸ ਵਿੱਚ ਵੀ ਫਿਜ਼ੀਕਲ ਗੋਲਡ ਦੀ ਖਰੀਦ ਜਿੰਨੀ ਯਾਨੀ 3 ਪ੍ਰਤੀਸ਼ਤ ਜੀਐਸਟੀ ਲੱਗਦੀ ਹੈ। ਡਿਜੀਟਲ ਸੋਨੇ ਦੀ ਇੱਕ ਧਾਰਕ ਅਵਧੀ ਹੁੰਦੀ ਹੈ, ਜਿਸ ਤੋਂ ਬਾਅਦ ਗਾਹਕ ਨੂੰ ਸਪੁਰਦਗੀ ਨੂੰ ਫਿਜ਼ਿਕਲ ਸੋਨੇ ਵਜੋਂ ਲੈਣਾ ਪੈਂਦਾ ਹੈ ਪਰ ਇਸ ਨਾਲ ਡਿਲੀਵਰੀ ਤੇ ਬਣਾਉਣ ਦੇ ਖਰਚੇ ਵੀ ਜੁੜੇ ਹੁੰਦੇ ਹਨ ਕਿਉਂਕਿ ਫਿਜ਼ਿਕਲ ਸੋਨਾ ਸਿੱਕਿਆਂ ਜਾਂ ਇੱਟ ਦੇ ਰੂਪ ਵਿੱਚ ਵੀ ਦਿੱਤਾ ਜਾਂਦਾ ਹੈ। ਮੇਕਿੰਗ ਚਾਰਜ ਸਿੱਕੇ ਦੇ ਡਿਜ਼ਾਇਨ ਤੇ ਭਾਰ 'ਤੇ ਨਿਰਭਰ ਕਰਦਾ ਹੈ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
