Bank Account : 1, 2 ਜਾਂ 3... ਕਿੰਨੇ ਬੈਂਕ ਖਾਤੇ ਰੱਖਣੇ ਹਨ ਸਹੀ? ਤੁਹਾਡੇ ਕੋਲ ਲੋੜ ਤੋਂ ਜ਼ਿਆਦਾ ਤਾਂ ਨਹੀਂ
Bank Account : ਜੇ ਤੁਹਾਡੇ ਕੋਲ ਇੱਕ ਤੋਂ ਜ਼ਿਆਦਾ ਬੈਂਕ ਖਾਤੇ ਹਨ ਤਾਂ ਸਿਰਫ਼ ਇਹ ਸੋਚ ਕੇ ਉਨ੍ਹਾਂ ਨੂੰ ਚਲਾਉਂਦੇ ਰਹਿਣਾ ਸਹੀ ਨਹੀਂ ਕਿ ਜ਼ਿਆਦਾ ਖਾਤੇ ਹੋਣ ਦਾ ਮਤਲਬ ਜ਼ਿਆਦਾ ਸਹੂਲਤ ਹੈ। ਕਈ ਵਾਰ ਲੋੜ ਤੋਂ ਜ਼ਿਆਦਾ ਖਾਤੇ ਤੁਹਾਡੀ
Bank Account : ਜੇ ਤੁਹਾਡੇ ਕੋਲ ਇੱਕ ਤੋਂ ਜ਼ਿਆਦਾ ਬੈਂਕ ਖਾਤੇ ਹਨ ਤਾਂ ਸਿਰਫ਼ ਇਹ ਸੋਚ ਕੇ ਉਨ੍ਹਾਂ ਨੂੰ ਚਲਾਉਂਦੇ ਰਹਿਣਾ ਸਹੀ ਨਹੀਂ ਕਿ ਜ਼ਿਆਦਾ ਖਾਤੇ ਹੋਣ ਦਾ ਮਤਲਬ ਜ਼ਿਆਦਾ ਸਹੂਲਤ ਹੈ। ਕਈ ਵਾਰ ਲੋੜ ਤੋਂ ਜ਼ਿਆਦਾ ਖਾਤੇ ਤੁਹਾਡੀ ਬੈਂਕਿੰਗ ਵਿਵਸਥਾ ਨੂੰ ਆਸਾਨ ਬਣਾਉਣ ਦੀ ਬਜਾਏ ਉਲਝਾ ਸਕਦੇ ਹਨ। ਵੱਖ-ਵੱਖ ਖਾਤਿਆਂ ਵਿੱਚ ਪੈਸੇ ਰੱਖਣ ਨਾਲ ਖਰਚ, ਬਚਤ ਅਤੇ ਹੋਰ ਵਿੱਤੀ ਟੀਚਿਆਂ ਨੂੰ ਸੰਭਾਲਣਾ ਆਸਾਨ ਹੋ ਸਕਦਾ ਹੈ, ਪਰ ਸਵਾਲ ਇਹ ਹੈ ਕਿ ਆਖ਼ਿਰ ਇੱਕ ਵਿਅਕਤੀ ਕੋਲ ਕਿੰਨੇ ਬੈਂਕ ਖਾਤੇ ਹੋਣੇ ਚਾਹੀਦੇ ਹਨ ਅਤੇ ਹਰ ਖਾਤੇ ਦਾ ਕੀ ਕੰਮ ਹੋਣਾ ਚਾਹੀਦਾ ਹੈ?
ਵਿੱਤੀ ਮਾਹਿਰਾਂ ਮੁਤਾਬਕ ਜ਼ਿਆਦਾਤਰ ਲੋਕਾਂ ਲਈ ਇੱਕ ਮੁੱਖ ਬੈਂਕ ਖਾਤਾ ਅਤੇ ਇੱਕ ਦੂਜਾ ਬਚਤ ਜਾਂ ਬੈਕਅਪ ਖਾਤਾ ਕਾਫ਼ੀ ਹੋ ਸਕਦਾ ਹੈ। ਆਪਣੀ ਲੋੜ ਅਤੇ ਵਿੱਤੀ ਜ਼ਿੰਮੇਵਾਰੀਆਂ ਦੇ ਹਿਸਾਬ ਨਾਲ ਤੀਜਾ ਖਾਤਾ ਵੀ ਰੱਖਿਆ ਜਾ ਸਕਦਾ ਹੈ ਪਰ ਬਿਨਾਂ ਕਿਸੇ ਸਪੱਸ਼ਟ ਕਾਰਨ ਦੇ ਕਈ ਖਾਤੇ ਖੋਲ੍ਹਣ ਦਾ ਕੋਈ ਖਾਸ ਫਾਇਦਾ ਨਹੀਂ ਹੈ।
ਇੱਕ ਤੋਂ ਜ਼ਿਆਦਾ ਖਾਤੇ ਰੱਖਣ ਦਾ ਕੀ ਫਾਇਦਾ?
ਇੱਕ ਤੋਂ ਜ਼ਿਆਦਾ ਖਾਤੇ ਰੱਖਣ ਦਾ ਸਭ ਤੋਂ ਵੱਡਾ ਫਾਇਦਾ ਇਹ ਹੈ ਕਿ ਤੁਸੀਂ ਆਪਣੇ ਪੈਸੇ ਨੂੰ ਵੱਖ-ਵੱਖ ਲੋੜਾਂ ਦੇ ਹਿਸਾਬ ਨਾਲ ਵੰਡ ਸਕਦੇ ਹੋ। ਇੱਕ ਖਾਤਾ ਤਨਖ਼ਾਹ, ਘਰੇਲੂ ਖਰਚ ਅਤੇ ਰੋਜ਼ਾਨਾ ਦੇ ਲੈਣ-ਦੇਣ ਲਈ ਰੱਖਿਆ ਜਾ ਸਕਦਾ ਹੈ। ਦੂਜੇ ਖਾਤੇ ਵਿੱਚ ਬਚਤ ਜਾਂ ਕਿਸੇ ਖਾਸ ਵਿੱਤੀ ਟੀਚੇ ਲਈ ਪੈਸਾ ਰੱਖਿਆ ਜਾ ਸਕਦਾ ਹੈ।
ਇਸ ਨਾਲ ਖਰਚ ਅਤੇ ਬਚਤ ਦਾ ਪੈਸਾ ਵੱਖ ਰਹਿੰਦਾ ਹੈ ਅਤੇ ਹਰ ਮਹੀਨੇ ਇਹ ਸਮਝਣਾ ਆਸਾਨ ਹੁੰਦਾ ਹੈ ਕਿ ਕਿੰਨਾ ਪੈਸਾ ਖਰਚ ਹੋ ਰਿਹਾ ਹੈ ਅਤੇ ਕਿੰਨਾ ਬਚ ਰਿਹਾ ਹੈ। ਦੂਜਾ ਖਾਤਾ ਬੈਕਅਪ ਵਜੋਂ ਵੀ ਕੰਮ ਆ ਸਕਦਾ ਹੈ। ਜੇ ਮੁੱਖ ਖਾਤੇ ਵਿੱਚ ਤਕਨੀਕੀ ਸਮੱਸਿਆ ਆ ਜਾਵੇ, ਕਾਰਡ ਕੰਮ ਨਾ ਕਰੇ ਜਾਂ ਕਿਸੇ ਕਾਰਨ ਕੁਝ ਸਮੇਂ ਲਈ ਖਾਤੇ ਤੱਕ ਪਹੁੰਚ ਨਾ ਹੋਵੇ ਤਾਂ ਦੂਜੇ ਖਾਤੇ ਰਾਹੀਂ ਜ਼ਰੂਰੀ ਭੁਗਤਾਨ ਕੀਤੇ ਜਾ ਸਕਦੇ ਹਨ।
ਜ਼ਿਆਦਾਤਰ ਲੋਕਾਂ ਲਈ 2 ਬੈਂਕ ਖਾਤੇ ਕਾਫ਼ੀ
ਜ਼ਿਆਦਾਤਰ ਲੋਕਾਂ ਲਈ ਦੋ ਬੈਂਕ ਖਾਤੇ ਕਾਫ਼ੀ ਹੋ ਸਕਦੇ ਹਨ। ਇੱਕ ਖਾਤੇ ਦੀ ਵਰਤੋਂ ਨਿਯਮਿਤ ਆਮਦਨ, ਘਰੇਲੂ ਖਰਚ ਅਤੇ ਰੋਜ਼ਾਨਾ ਦੇ ਲੈਣ-ਦੇਣ ਲਈ ਕੀਤੀ ਜਾ ਸਕਦੀ ਹੈ, ਜਦਕਿ ਦੂਜੇ ਖਾਤੇ ਨੂੰ ਬਚਤ ਜਾਂ ਕਿਸੇ ਖਾਸ ਵਿੱਤੀ ਟੀਚੇ ਲਈ ਰੱਖਿਆ ਜਾ ਸਕਦਾ ਹੈ। ਇਸ ਵਿਵਸਥਾ ਦਾ ਇੱਕ ਫਾਇਦਾ ਇਹ ਵੀ ਹੈ ਕਿ ਬਚਤ ਦਾ ਪੈਸਾ ਰੋਜ਼ਾਨਾ ਦੇ ਖਰਚ ਵਾਲੇ ਖਾਤੇ ਤੋਂ ਵੱਖ ਰਹਿੰਦਾ ਹੈ। ਇਸ ਨਾਲ ਅਣਜਾਣੇ ਵਿੱਚ ਬਚਤ ਦੀ ਰਕਮ ਖਰਚ ਹੋਣ ਦੀ ਸੰਭਾਵਨਾ ਘੱਟ ਹੋ ਸਕਦੀ ਹੈ।
ਤੀਜਾ ਬੈਂਕ ਖਾਤਾ ਕਦੋਂ ਜ਼ਰੂਰੀ ਹੋ ਸਕਦਾ ਹੈ?
ਹਰ ਵਿਅਕਤੀ ਦੀ ਲੋੜ ਇੱਕੋ ਜਿਹੀ ਨਹੀਂ ਹੁੰਦੀ। ਜੇ ਕਿਸੇ ਦੀ ਆਮਦਨ ਦੇ ਕਈ ਸਰੋਤ ਹਨ, ਵੱਖ-ਵੱਖ ਸ਼ਹਿਰਾਂ ਵਿੱਚ ਬੈਂਕਿੰਗ ਦੀ ਲੋੜ ਹੈ ਜਾਂ ਕਿਸੇ ਖਾਸ ਬੈਂਕ ਦੀ ਸਹੂਲਤ ਦੀ ਵਰਤੋਂ ਕਰਨੀ ਹੈ ਤਾਂ ਤੀਜਾ ਖਾਤਾ ਰੱਖਿਆ ਜਾ ਸਕਦਾ ਹੈ। ਕੋਈ ਵਿਅਕਤੀ ਇੱਕ ਖਾਤੇ ਨੂੰ ਨਿਯਮਿਤ ਖਰਚ, ਦੂਜੇ ਨੂੰ ਲੰਬੇ ਸਮੇਂ ਦੀ ਬਚਤ ਅਤੇ ਤੀਜੇ ਨੂੰ ਕਿਸੇ ਖਾਸ ਟੀਚੇ ਲਈ ਵਰਤ ਸਕਦਾ ਹੈ ਪਰ ਇੱਥੇ ਜ਼ਰੂਰੀ ਗੱਲ ਇਹ ਹੈ ਕਿ ਹਰ ਖਾਤੇ ਦਾ ਇੱਕ ਸਪੱਸ਼ਟ ਉਦੇਸ਼ ਹੋਣਾ ਚਾਹੀਦਾ ਹੈ। ਸਿਰਫ਼ ਆਫ਼ਰ, ਕੈਸ਼ਬੈਕ ਜਾਂ ਕਿਸੇ ਛੋਟੀ ਸਹੂਲਤ ਲਈ ਵਾਰ-ਵਾਰ ਨਵਾਂ ਖਾਤਾ ਖੋਲ੍ਹਦੇ ਜਾਣਾ ਸਮਝਦਾਰੀ ਨਹੀਂ ਹੈ।
ਜ਼ਿਆਦਾ ਬੈਂਕ ਖਾਤੇ ਖੜ੍ਹੀਆਂ ਕਰ ਸਕਦੇ ਹਨ ਮੁਸ਼ਕਲਾਂ
ਜ਼ਿਆਦਾ ਬੈਂਕ ਖਾਤੇ ਹੋਣ ਦਾ ਮਤਲਬ ਇਹ ਵੀ ਹੈ ਕਿ ਤੁਹਾਨੂੰ ਹਰ ਖਾਤੇ ’ਤੇ ਨਜ਼ਰ ਰੱਖਣੀ ਪਵੇਗੀ। ਵੱਖ-ਵੱਖ ਖਾਤਿਆਂ ਵਿੱਚ ਘੱਟੋ-ਘੱਟ ਬੈਲੈਂਸ, ਫੀਸ, ਬੈਂਕ ਅਲਰਟ ਅਤੇ ਹੋਰ ਨਿਯਮ ਵੱਖ ਹੋ ਸਕਦੇ ਹਨ। ਜੇ ਕਿਸੇ ਖਾਤੇ ਦੀ ਲੰਬੇ ਸਮੇਂ ਤੋਂ ਵਰਤੋਂ ਨਹੀਂ ਹੋ ਰਹੀ ਤਾਂ ਉਸ ਬਾਰੇ ਸਮੇਂ-ਸਮੇਂ ’ਤੇ ਸਮੀਖਿਆ ਕਰਨੀ ਜ਼ਰੂਰੀ ਹੈ। ਕਈ ਖਾਤੇ ਹੋਣ ਕਾਰਨ ਇਹ ਪਤਾ ਰੱਖਣਾ ਵੀ ਮੁਸ਼ਕਲ ਹੋ ਸਕਦਾ ਹੈ ਕਿ ਕਿਸ ਖਾਤੇ ਵਿੱਚ ਕਿੰਨਾ ਪੈਸਾ ਹੈ ਅਤੇ ਕਿਹੜਾ ਖਾਤਾ ਕਿਸ ਕੰਮ ਲਈ ਹੈ। ਇਸ ਲਈ ਖਾਤਿਆਂ ਦੀ ਗਿਣਤੀ ਵਧਾਉਣ ਦੀ ਬਜਾਏ ਆਪਣੀ ਲੋੜ ਮੁਤਾਬਕ ਬੈਂਕਿੰਗ ਵਿਵਸਥਾ ਨੂੰ ਸੌਖਾ ਰੱਖਣਾ ਬਿਹਤਰ ਹੈ।
ਨਵਾਂ ਬੈਂਕ ਖਾਤਾ ਖੋਲ੍ਹਣ ਤੋਂ ਪਹਿਲਾਂ ਇਹ ਸਵਾਲ ਪੁੱਛੋ
* ਇਹ ਖਾਤਾ ਕਿਸ ਖਾਸ ਲੋੜ ਲਈ ਚਾਹੀਦਾ ਹੈ?
* ਕੀ ਮੌਜੂਦਾ ਖਾਤੇ ਤੋਂ ਇਹੀ ਕੰਮ ਹੋ ਸਕਦਾ ਹੈ?
* ਇਸ ਵਿੱਚ ਘੱਟੋ-ਘੱਟ ਕਿੰਨਾ ਬੈਲੈਂਸ ਰੱਖਣਾ ਹੋਵੇਗਾ?
* ਬੈਲੈਂਸ ਨਾ ਰੱਖਣ ’ਤੇ ਕੋਈ ਫੀਸ ਲੱਗੇਗੀ?
* ਏਟੀਐਮ ਅਤੇ ਪੈਸੇ ਟ੍ਰਾਂਸਫਰ ਦੀ ਸਹੂਲਤ ਕਿਹੋ ਜਿਹੀ ਹੈ?
* ਡਿਜੀਟਲ ਬੈਂਕਿੰਗ ਦੀ ਸਹੂਲਤ ਅਤੇ ਸੁਰੱਖਿਆ ਕਿਹੋ ਜਿਹੀ ਹੈ?
* ਕੀ ਇਸ ਖਾਤੇ ਦੀ ਲੰਬੇ ਸਮੇਂ ਤੱਕ ਵਰਤੋਂ ਕਰਨ ਦੀ ਲੋੜ ਹੈ?
ਜੇ ਇਨ੍ਹਾਂ ਸਵਾਲਾਂ ਦੇ ਜਵਾਬ ਤੁਹਾਡੇ ਹੱਕ ਵਿੱਚ ਹਨ ਅਤੇ ਖਾਤੇ ਦੀ ਕੋਈ ਸਪੱਸ਼ਟ ਲੋੜ ਹੈ ਤਾਂ ਹੀ ਨਵਾਂ ਖਾਤਾ ਖੋਲ੍ਹਣਾ ਬਿਹਤਰ ਹੈ।
ਪੁਰਾਣੇ ਖਾਤੇ ਵੀ ਚੈੱਕ ਕਰਦੇ ਰਹੋ
ਬੈਂਕ ਖਾਤੇ ਖੋਲ੍ਹਣ ਤੋਂ ਬਾਅਦ ਉਨ੍ਹਾਂ ਨੂੰ ਭੁੱਲ ਜਾਣਾ ਵੀ ਸਹੀ ਨਹੀਂ ਹੈ। ਸਮੇਂ-ਸਮੇਂ ’ਤੇ ਦੇਖੋ ਕਿ ਕਿਹੜਾ ਖਾਤਾ ਅਸਲ ਵਿੱਚ ਵਰਤਿਆ ਜਾ ਰਿਹਾ ਹੈ ਅਤੇ ਕਿਸ ਦਾ ਕੋਈ ਖਾਸ ਕੰਮ ਨਹੀਂ ਰਹਿ ਗਿਆ। ਜੇ ਕੋਈ ਖਾਤਾ ਲੰਬੇ ਸਮੇਂ ਤੋਂ ਵਰਤਿਆ ਨਹੀਂ ਜਾ ਰਿਹਾ ਅਤੇ ਉਸਦਾ ਕੋਈ ਸਪੱਸ਼ਟ ਉਦੇਸ਼ ਵੀ ਨਹੀਂ ਹੈ ਤਾਂ ਆਪਣੀ ਬੈਂਕਿੰਗ ਵਿਵਸਥਾ ਨੂੰ ਸੌਖਾ ਬਣਾਉਣ ਲਈ ਉਸਨੂੰ ਬੰਦ ਕਰਨ ਬਾਰੇ ਵਿਚਾਰ ਕੀਤਾ ਜਾ ਸਕਦਾ ਹੈ। ਇਸ ਦੇ ਨਾਲ ਹੀ ਸਾਰੇ ਸਰਗਰਮ ਖਾਤਿਆਂ ਦੇ ਬੈਂਕ ਅਲਰਟ ਚਾਲੂ ਰੱਖੋ ਅਤੇ ਨਿਯਮਿਤ ਤੌਰ ’ਤੇ ਲੈਣ-ਦੇਣ ਦੀ ਜਾਂਚ ਕਰਦੇ ਰਹੋ।
ਟ੍ਰੈਂਡਿੰਗ ਟੌਪਿਕ





















