Selling Old Phone : ਇਕ ਸਰਵੇ ਮੁਤਾਬਕ ਲੋਕ ਹੁਣ 1-2 ਸਾਲ 'ਚ ਆਪਣੇ ਫੋਨ ਬਦਲ ਰਹੇ ਹਨ। ਇਸ ਦਾ ਮੁੱਖ ਕਾਰਨ ਇਹ ਹੈ ਕਿ ਹਰ ਰੋਜ਼ ਨਵੇਂ-ਨਵੇਂ ਫੋਨ ਬਾਜ਼ਾਰ 'ਚ ਲਾਂਚ ਹੋ ਰਹੇ ਹਨ, ਜਿਨ੍ਹਾਂ 'ਚ ਨਵੇਂ ਫੀਚਰ ਹਨ। ਪੁਰਾਣੇ ਸਮਾਰਟਫੋਨ ਨੂੰ ਵੇਚਣਾ ਹੁਣ ਬਹੁਤ ਆਸਾਨ ਹੋ ਗਿਆ ਹੈ। ਹੁਣ ਤੁਸੀਂ ਘਰ ਬੈਠੇ ਹੀ ਆਪਣਾ ਪੁਰਾਣਾ ਫ਼ੋਨ ਆਨਲਾਈਨ ਵੇਚ ਸਕਦੇ ਹੋ, ਪਰ ਫ਼ੋਨ ਵੇਚਣ ਤੋਂ ਪਹਿਲਾਂ ਤੁਹਾਨੂੰ ਕਈ ਗੱਲਾਂ ਦਾ ਧਿਆਨ ਰੱਖਣਾ ਹੋਵੇਗਾ, ਨਹੀਂ ਤਾਂ ਤੁਸੀਂ ਵੱਡੀ ਮੁਸੀਬਤ ਵਿੱਚ ਫਸ ਸਕਦੇ ਹੋ ਅਤੇ ਧੋਖਾਧੜੀ ਦਾ ਸ਼ਿਕਾਰ ਵੀ ਹੋ ਸਕਦੇ ਹੋ। ਚਲੋ ਅਸੀ ਜਾਣੀਐ..
WhatsApp ਬੈਕਅੱਪ
ਆਪਣਾ ਪੁਰਾਣਾ ਫ਼ੋਨ ਵੇਚਣ ਤੋਂ ਪਹਿਲਾਂ WhatsApp ਦਾ ਬੈਕਅੱਪ ਜ਼ਰੂਰ ਲਓ, ਕਿਉਂਕਿ WhatsApp ਵਿੱਚ ਹਰ ਤਰ੍ਹਾਂ ਦੀਆਂ ਨਿੱਜੀ ਚੀਜ਼ਾਂ ਅਤੇ ਚੈਟਿੰਗ ਰੱਖੀ ਜਾਂਦੀ ਹੈ। ਬੈਕਅਪ ਲੈਣ ਦਾ ਫਾਇਦਾ ਇਹ ਹੋਵੇਗਾ ਕਿ ਜਦੋਂ ਤੁਸੀਂ ਨਵੇਂ ਫੋਨ 'ਚ ਵਟਸਐਪ ਇੰਸਟਾਲ ਕਰਦੇ ਹੋ, ਤਾਂ ਤੁਹਾਡੀਆਂ ਚੈਟਾਂ ਉੱਥੇ ਹੀ ਰੀਸਟੋਰ ਹੋ ਜਾਣਗੀਆਂ।
ਸਿਮ ਕਾਰਡ ਅਤੇ eSIM
ਜੇ ਤੁਸੀਂ ਸਿਮ ਕਾਰਡ ਦੀ ਵਰਤੋਂ ਕਰਦੇ ਹੋ ਤਾਂ ਯਕੀਨੀ ਤੌਰ 'ਤੇ ਇਸ ਨੂੰ ਹਟਾ ਦਿਓ ਅਤੇ ਜੇਕਰ ਤੁਸੀਂ eSIM ਦੀ ਵਰਤੋਂ ਕਰਦੇ ਹੋ ਤਾਂ ਯਕੀਨੀ ਤੌਰ 'ਤੇ eSIM ਦੀ ਪ੍ਰੋਫਾਈਲ ਨੂੰ ਮਿਟਾਓ। ਇਸ ਨੂੰ ਫੋਨ ਦੀ ਸੈਟਿੰਗ ਤੋਂ ਡਿਲੀਟ ਕੀਤਾ ਜਾ ਸਕਦਾ ਹੈ।
ਬੈਕਅੱਪ
ਆਪਣੇ ਫੋਨ ਨੂੰ ਵੇਚਣ ਤੋਂ ਪਹਿਲਾਂ, ਇਸ ਵਿੱਚ ਮੌਜੂਦ ਡੇਟਾ ਦਾ ਬੈਕਅੱਪ ਲੈਣਾ ਯਕੀਨੀ ਬਣਾਓ। ਬੈਕਅੱਪ ਲਈ Google Photos, Google Drive, Microsoft OneDrive, DropBox ਜਾਂ ਕੋਈ ਹੋਰ ਕਲਾਊਡ ਸੇਵਾ ਵਰਤੋ। ਜੇਕਰ ਤੁਸੀਂ ਚਾਹੋ ਤਾਂ ਬਾਹਰੀ ਡਰਾਈਵ ਵਿੱਚ ਵੀ ਬੈਕਅੱਪ ਲੈ ਸਕਦੇ ਹੋ।
UPI ਐਪਾਂ ਨੂੰ ਮਿਟਾਓ
ਫ਼ੋਨ ਵੇਚਣ ਤੋਂ ਪਹਿਲਾਂ ਆਪਣੇ ਫ਼ੋਨ 'ਚ ਮੌਜੂਦ ਹਰ ਤਰ੍ਹਾਂ ਦੇ UPI ਅਤੇ ਪੇਮੈਂਟ ਐਪਸ ਨੂੰ ਡਿਲੀਟ ਕਰ ਦਿਓ ਅਤੇ ਇਸ ਦਾ ਡਾਟਾ ਵੀ ਡਿਲੀਟ ਕਰ ਦਿਓ।
ਲੌਗਆਉਟ ਤੋਂ ਬਾਅਦ ਡਿਵਾਈਸ ਕਰੋ ਰੀਸੈਟ
ਫ਼ੋਨ ਵੇਚਣ ਤੋਂ ਪਹਿਲਾਂ ਇਸ ਵਿੱਚ ਮੌਜੂਦ ਸਾਰੇ ਖਾਤਿਆਂ ਨੂੰ ਲੌਗਆਊਟ ਕਰ ਲਓ। ਇਸ ਤੋਂ ਬਾਅਦ ਹੀ ਫੈਕਟਰੀ ਰੀਸੈਟ ਕਰੋ। ਗੂਗਲ ਤੋਂ ਲੈ ਕੇ ਫੇਸਬੁੱਕ, ਵਟਸਐਪ, ਇੰਸਟਾਗ੍ਰਾਮ, ਐਕਸ ਆਦਿ ਦੇ ਖਾਤੇ ਲੌਗਆਉਟ ਕਰੋ।