ਜੇ ਤੁਸੀਂ ਕਰਦੇ ਹੋ Foreign Transaction ਤਾਂ ਜਾਣੋ ਕਿੰਨਾ ਲੱਗੇਗਾ ਟੈਕਸ, ਇੱਕ ਜੁਲਾਈ ਤੋਂ ਬਦਲ ਜਾਣਗੇ ਨਿਯਮ
Foreign Transactions: ਜੇ ਤੁਸੀਂ ਵੀ ਵਿਦੇਸ਼ ਵਿੱਚ ਪੈਸੇ ਭੇਜਦੇ ਹੋ ਤਾਂ 1 ਜੁਲਾਈ 2023 ਤੋਂ ਵਿਦੇਸ਼ ਵਿੱਚ ਹੋਣ ਵਾਲੇ ਲੇਣ-ਦੇਣ ਉੱਤੇ ਲਗਣ ਵਾਲੇ ਟੈਕਸ ਨਿਯਮਾਂ ਵਿਚ ਬਦਲਾਅ ਹੋਣ ਜਾ ਰਿਹਾ ਹੈ।
Foreign Transactions: ਅਜਿਹੇ ਲੋਕ ਜੋ ਆਪਣੇ ਬੱਚਿਆਂ, ਰਿਸ਼ਤੇਦਾਰਾਂ ਜਾਂ ਕਿਸੇ ਕੰਮ ਲਈ ਵਿਦੇਸ਼ ਵਿੱਚ ਪੈਸੇ ਟ੍ਰਾਂਸਫਰ ਕਰਨਾ ਚਾਹੁੰਦੇ ਹਨ, ਤਾਂ ਇਹ ਤੁਹਾਡੇ ਲਈ ਬਹੁਤ ਜ਼ਰੂਰੀ ਖਬਰ ਹੈ। ਦਰਅਸਲ, ਆਮਦਨ ਕਰ ਵਿਭਾਗ 1 ਜੁਲਾਈ 2023 ਤੋਂ ਵਿਦੇਸ਼ ਭੇਜੀ ਗਈ ਰਕਮ 'ਤੇ ਟੈਕਸ ਨਿਯਮਾਂ 'ਚ ਬਦਲਾਅ ਕਰਨ ਜਾ ਰਿਹਾ ਹੈ। ਜੇ ਤੁਸੀਂ ਵੀ ਵਿਦੇਸ਼ੀ ਲੈਣ-ਦੇਣ ਕਰਦੇ ਹੋ, ਤਾਂ ਇੱਥੇ ਜਾਣੋ ਕਿ 1 ਜੁਲਾਈ ਤੋਂ ਵਿਦੇਸ਼ੀ ਲੈਣ-ਦੇਣ 'ਤੇ ਤੁਹਾਨੂੰ ਕਿੰਨਾ TCS ਅਦਾ ਕਰਨਾ ਪਵੇਗਾ।
ਜਾਣੋ ਕਿੰਨਾ ਕੱਟੇਗਾ ਟੀਸੀਐਮ
ਵਿਦੇਸ਼ ਭੇਜੇ ਜਾਣ ਵਾਲੇ ਪੈਸਿਆਂ 'ਤੇ 20 ਫੀਸਦੀ ਦੀ TCS ਕਟੌਤੀ ਕੀਤੀ ਜਾਵੇਗੀ। ਇਹ ਬਦਲਾਅ 1 ਜੁਲਾਈ 2023 ਤੋਂ ਲਾਗੂ ਹੋਵੇਗਾ। ਦੱਸ ਦੇਈਏ ਕਿ ਇਹ ਫੈਸਲਾ ਐਲਆਰਐਸ ਤਹਿਤ ਲਿਆ ਗਿਆ ਹੈ। ਜੇ ਤੁਸੀਂ ਮੈਡੀਕਲ ਜਾਂ ਪੜ੍ਹਾਈ ਲਈ ਦੇਸ਼ ਤੋਂ ਬਾਹਰ ਪੈਸੇ ਭੇਜਦੇ ਹੋ ਤਾਂ ਤੁਹਾਨੂੰ 5 ਫੀਸਦੀ ਟੀਸੀਐੱਸ ਜਾਣਕਾਰੀ ਮੁਤਾਬਕ 7 ਲੱਖ ਤੋਂ ਜ਼ਿਆਦਾ ਦੇ ਲੈਣ-ਦੇਣ 'ਤੇ ਟੀਸੀਐੱਸ ਕੱਟਿਆ ਜਾਂਦਾ ਹੈ।
ਜਾਣੋ ਕੀ ਹੈ ਨਵੇਂ ਨਿਯਮ
1 ਜੁਲਾਈ ਤੋਂ ਵਿਦੇਸ਼ਾਂ 'ਚ ਪੈਸੇ ਭੇਜਣ 'ਤੇ 20 ਫੀਸਦੀ ਦਾ ਟੀਸੀਐੱਸ ਕੱਟਿਆ ਜਾਵੇਗਾ। ਜੇ ਤੁਸੀਂ ਮੈਡੀਕਲ ਜਾਂ ਸਿੱਖਿਆ ਲਈ 7 ਲੱਖ ਤੋਂ ਜ਼ਿਆਦਾ ਪੈਸੇ ਭੇਜਦੇ ਹੋ ਤਾਂ ਤੁਹਾਨੂੰ 5 ਫੀਸਦੀ ਦਾ ਟੀਸੀਐੱਸ ਦੇਣਾ ਹੋਵੇਗਾ।
ਮੰਨ ਲਓ ਕਿ ਤੁਸੀਂ ਵਿਦੇਸ਼ ਵਿੱਚ ਕਿਸੇ ਨੂੰ 10 ਲੱਖ ਰੁਪਏ ਭੇਜਦੇ ਹੋ, ਤਾਂ ਤੁਹਾਨੂੰ ਬੈਂਕ ਵਿੱਚ 12 ਲੱਖ ਰੁਪਏ ਜਮ੍ਹਾ ਕਰਵਾਉਣੇ ਪੈਣਗੇ। ਇਹ ਵਾਧੂ 2 ਲੱਖ ਰੁਪਏ ਇਸ ਲੈਣ-ਦੇਣ 'ਤੇ ਲਾਗੂ ਹੋਣ ਵਾਲੇ TCS ਦੇ ਹੋਣਗੇ। ਹਾਲਾਂਕਿ, ਤੁਸੀਂ ਇਸ 'ਤੇ ਟੈਕਸ ਛੋਟ ਦਾ ਲਾਭ ਲੈ ਸਕਦੇ ਹੋ। ਇਸ ਲਈ, ਤੁਸੀਂ ITR ਫਾਈਲ ਕਰਦੇ ਸਮੇਂ ਟੈਕਸ ਕ੍ਰੈਡਿਟ ਵਜੋਂ ਦਾਅਵਾ ਕਰ ਸਕਦੇ ਹੋ।
ਜਾਣੋ ਕਿੰਨਾਂ ਮਿਲਦਾ ਹੈ ਲਾਭ
ਜੇ ਤੁਹਾਨੂੰ 3 ਲੱਖ ਰੁਪਏ ਤੱਕ ਦਾ ਟੈਕਸ ਲਾਭ ਮਿਲਦਾ ਹੈ, ਤਾਂ ਤੁਹਾਨੂੰ ਸਿਰਫ 1 ਲੱਖ ਰੁਪਏ ਦਾ ਭੁਗਤਾਨ ਕਰਨਾ ਹੋਵੇਗਾ, ਕਿਉਂਕਿ 2 ਲੱਖ ਰੁਪਏ ਟੀਡੀਐਸ ਦੇ ਰੂਪ ਵਿੱਚ ਟੈਕਸ ਕ੍ਰੈਡਿਟ ਵਜੋਂ ਕਲੇਮ ਕੀਤੇ ਜਾਣਗੇ।
ਬਦਲਾਅ ਦਾ ਉਦੇਸ਼
>> ਨਿਯਮ ਬਦਲਣ ਦਾ ਮਕਸਦ ਵਿਦੇਸ਼ੀ ਲੈਣ-ਦੇਣ 'ਤੇ ਨਜ਼ਰ ਰੱਖਣਾ ਹੈ।
>> ਵਿਦੇਸ਼ੀ ਮੁਦਰਾ ਭੰਡਾਰ ਨੂੰ ਕਾਇਮ ਰੱਖਣ ਲਈ।
>> ਮਨੀ ਲਾਂਡਰਿੰਗ ਨੂੰ ਘਟ ਕਰਨਾ
>> ਟੈਕਸ ਮਾਲੀਆ ਵਧਾਉਣਾ
>> ਜ਼ਿਆਦਾ ਇਨਕਮ ਟੈਕਸ ਰਿਟਰਨ ਭਰਨ ਲਈ ਬਦਲਾਅ ਕੀਤੇ ਜਾ ਰਹੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
