Indian Railways Freight Revenue: ਭਾਰਤੀ ਰੇਲਵੇ (Indian Railways) ਮਾਲ ਦੀ ਢੋਆ-ਢੁਆਈ ਤੋਂ ਚੰਗੀ ਕਮਾਈ ਕਰ ਰਿਹਾ ਹੈ। ਮਾਲ ਢੋਆ-ਢੁਆਈ ਤੋਂ ਰੇਲਵੇ ਦੀ ਆਮਦਨ ਚਾਲੂ ਵਿੱਤੀ ਸਾਲ (Current Financial Year) ਦੇ ਪਹਿਲੇ ਨੌਂ ਮਹੀਨਿਆਂ 'ਚ 1 ਲੱਖ ਕਰੋੜ ਰੁਪਏ ਨੂੰ ਪਾਰ ਕਰ ਗਈ ਹੈ। ਇਹ ਜਾਣਕਾਰੀ ਅਧਿਕਾਰਤ ਅੰਕੜਿਆਂ (Official Statistics) ਵਿੱਚ ਸਾਹਮਣੇ ਆਈ ਹੈ।
ਪਹਿਲਾਂ 9 ਮਹੀਨੇ ਵਿੱਚ ਇੰਨੀ ਹੋਈ ਢੋਆ-ਢੁਆਈ
ਅੰਕੜਿਆਂ ਦੇ ਅਨੁਸਾਰ, ਚਾਲੂ ਵਿੱਤੀ ਸਾਲ ਦੇ ਪਹਿਲੇ ਨੌਂ ਮਹੀਨਿਆਂ ਯਾਨੀ ਅਪ੍ਰੈਲ 2023 ਤੋਂ ਦਸੰਬਰ 2023 ਦੇ ਦੌਰਾਨ, ਭਾਰਤੀ ਰੇਲਵੇ ਨੇ 1,154.67 ਮਿਲੀਅਨ ਟਨ ਮਾਲ ਦੀ ਢੋਆ-ਢੁਆਈ ਕੀਤੀ। ਇਹ ਪਿਛਲੇ ਸਾਲ ਦੀ ਇਸੇ ਮਿਆਦ ਦੇ ਮੁਕਾਬਲੇ 4.1 ਫੀਸਦੀ ਜ਼ਿਆਦਾ ਹੈ। ਪਿਛਲੇ ਵਿੱਤੀ ਸਾਲ ਦੇ ਪਹਿਲੇ ਨੌਂ ਮਹੀਨਿਆਂ ਵਿੱਚ, ਰੇਲਵੇ ਨੇ 1,109.38 ਮਿਲੀਅਨ ਟਨ ਮਾਲ ਦੀ ਢੋਆ-ਢੁਆਈ ਕੀਤੀ ਸੀ।
ਇੰਨੀ ਵਧ ਗਈ ਰੇਲਵੇ ਦੀ ਕਮਾਈ
ਇਸ ਦੌਰਾਨ ਮਾਲ ਦੀ ਢੋਆ-ਢੁਆਈ ਤੋਂ ਭਾਰਤੀ ਰੇਲਵੇ ਦੀ ਕਮਾਈ ਵੀ ਵਧੀ ਹੈ। ਵਿੱਤੀ ਸਾਲ 2022-23 ਦੇ ਪਹਿਲੇ ਨੌਂ ਮਹੀਨਿਆਂ ਦੌਰਾਨ, ਰੇਲਵੇ ਨੇ ਮਾਲ ਦੀ ਢੋਆ-ਢੁਆਈ ਤੋਂ 1.20 ਲੱਖ ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ। ਚਾਲੂ ਵਿੱਤੀ ਸਾਲ ਦੌਰਾਨ ਦਸੰਬਰ ਮਹੀਨੇ ਤੱਕ ਰੇਲਵੇ ਦੀ ਇਹ ਕਮਾਈ 1.25 ਲੱਖ ਕਰੋੜ ਰੁਪਏ ਰਹੀ ਹੈ। ਜੇ ਇਸ ਤਰ੍ਹਾਂ ਦੇਖਿਆ ਜਾਵੇ ਤਾਂ ਚਾਲੂ ਵਿੱਤੀ ਸਾਲ ਦੇ ਪਹਿਲੇ 9 ਮਹੀਨਿਆਂ 'ਚ ਰੇਲਵੇ ਦੀ ਮਾਲ ਭਾੜੇ ਦੀ ਕਮਾਈ ਇਕ ਸਾਲ ਪਹਿਲਾਂ ਦੀ ਇਸੇ ਮਿਆਦ ਦੇ ਮੁਕਾਬਲੇ 3.84 ਫੀਸਦੀ ਵਧੀ ਹੈ।
ਦਸੰਬਰ ਵਿੱਚ ਸੁਧਾਰੇ ਅੰਕੜੇ
ਦਸੰਬਰ ਮਹੀਨੇ ਦੌਰਾਨ ਵੀ ਆਵਾਜਾਈ ਅਤੇ ਢੋਆ-ਢੁਆਈ ਤੋਂ ਹੋਣ ਵਾਲੀ ਕਮਾਈ ਦੇ ਅੰਕੜੇ ਵਿੱਚ ਸੁਧਾਰ ਹੋਇਆ ਹੈ। ਦਸੰਬਰ 2023 ਵਿੱਚ, ਭਾਰਤੀ ਰੇਲਵੇ ਨੇ 138.99 ਮਿਲੀਅਨ ਟਨ ਭਾੜੇ ਦੀ ਢੋਆ-ਢੁਆਈ ਕੀਤੀ ਅਤੇ 15,097.61 ਕਰੋੜ ਰੁਪਏ ਦਾ ਮਾਲੀਆ ਕਮਾਇਆ। ਜਦੋਂ ਕਿ ਇੱਕ ਸਾਲ ਪਹਿਲਾਂ ਭਾਵ ਦਸੰਬਰ 2022 ਵਿੱਚ, ਰੇਲਵੇ ਨੇ 130.66 ਮਿਲੀਅਨ ਟਨ ਮਾਲ ਦੀ ਢੋਆ-ਢੁਆਈ ਕੀਤੀ ਸੀ, ਜਿਸ ਤੋਂ ਉਸ ਨੂੰ 14,574.25 ਕਰੋੜ ਰੁਪਏ ਦੀ ਕਮਾਈ ਹੋਈ ਸੀ।
ਸਭ ਤੋਂ ਜ਼ਿਆਦਾ ਇੰਨੀ ਢੋਆ-ਢੁਆਈ
ਕੋਲਾ ਅਤੇ ਲੋਹਾ ਭਾਰਤੀ ਰੇਲਵੇ ਦੀ ਆਵਾਜਾਈ ਵਿੱਚ ਸਭ ਤੋਂ ਅੱਗੇ ਹਨ। ਦਸੰਬਰ ਮਹੀਨੇ ਦੌਰਾਨ ਭਾਰਤੀ ਰੇਲਵੇ ਨੇ 69 ਮਿਲੀਅਨ ਟਨ ਕੋਲੇ ਦੀ ਢੋਆ-ਢੁਆਈ ਕੀਤੀ। ਜਦੋਂ ਕਿ ਰੇਲਵੇ ਨੇ 16.54 ਮਿਲੀਅਨ ਟਨ ਲੋਹੇ ਦੀ ਢੋਆ-ਢੁਆਈ ਕੀਤੀ।
ਇਸ ਗੱਲ ਉੱਤੇ ਦਿੱਤਾ ਜਾ ਰਿਹਾ ਧਿਆਨ
ਦੱਸ ਦੇਈਏ ਕਿ ਮਾਲ ਦੀ ਢੋਆ-ਢੁਆਈ ਭਾਰਤੀ ਰੇਲਵੇ ਲਈ ਆਮਦਨ ਦਾ ਸਭ ਤੋਂ ਮਹੱਤਵਪੂਰਨ ਸਰੋਤ ਹੈ। ਇਸ ਤੋਂ ਇਲਾਵਾ ਰੇਲਵੇ ਯਾਤਰੀ ਟਰੇਨਾਂ ਦੇ ਸੰਚਾਲਨ, ਸਕਰੈਪ ਦੀ ਵਿਕਰੀ ਆਦਿ ਤੋਂ ਵੀ ਪੈਸਾ ਕਮਾਉਂਦਾ ਹੈ। ਭਾਰਤ ਸਰਕਾਰ ਮਾਲ ਦੀ ਤੇਜ਼ੀ ਨਾਲ ਆਵਾਜਾਈ ਨੂੰ ਯਕੀਨੀ ਬਣਾਉਣ ਲਈ ਬੁਨਿਆਦੀ ਢਾਂਚੇ 'ਤੇ ਕੰਮ ਕਰ ਰਹੀ ਹੈ। ਇਸ ਦੇ ਤਹਿਤ ਰੇਲਵੇ ਵੱਲੋਂ ਕਈ ਰੂਟਾਂ 'ਤੇ ਵੱਖਰੇ ਫਰੇਟ ਕੋਰੀਡੋਰ ਬਣਾਏ ਗਏ ਹਨ।