ਅਗਲੇ ਮਹੀਨੇ ਤੋਂ ਮੁੜ ਚੱਲਣਗੀਆਂ ਇੰਡੀਗੋ ਦੀਆਂ ਅੰਤਰਰਾਸ਼ਟਰੀ ਉਡਾਣਾਂ, 150 ਰੂਟਾਂ 'ਤੇ ਚੱਲਣਗੀਆਂ ਫਲਾਈਟਸ
Indigo International Flights: ਕੋਰੋਨਾ ਮਹਾਮਾਰੀ ਦੇ ਖਤਮ ਹੋਣ ਤੋਂ ਬਾਅਦ, ਇੰਡੀਗੋ ਨੇ ਇਕ ਵਾਰ ਫਿਰ ਤੋਂ ਅੰਤਰਰਾਸ਼ਟਰੀ ਉਡਾਣਾਂ ਸ਼ੁਰੂ ਕਰਨ ਦਾ ਫੈਸਲਾ ਕੀਤਾ ਹੈ। ਇੰਡੀਗੋ ਅਗਲੇ ਮਹੀਨੇ ਤੋਂ ਉਡਾਣਾਂ ਸ਼ੁਰੂ ਕਰੇਗੀ।
Indigo International Flights: ਕੋਰੋਨਾ ਮਹਾਮਾਰੀ ਦੇ ਖਤਮ ਹੋਣ ਤੋਂ ਬਾਅਦ, ਇੰਡੀਗੋ ਨੇ ਇਕ ਵਾਰ ਫਿਰ ਤੋਂ ਅੰਤਰਰਾਸ਼ਟਰੀ ਉਡਾਣਾਂ ਸ਼ੁਰੂ ਕਰਨ ਦਾ ਫੈਸਲਾ ਕੀਤਾ ਹੈ। ਇੰਡੀਗੋ ਅਗਲੇ ਮਹੀਨੇ ਤੋਂ ਉਡਾਣਾਂ ਸ਼ੁਰੂ ਕਰੇਗੀ। ਇੰਡੀਗੋ ਅਗਲੇ ਮਹੀਨੇ ਤੋਂ ਪੜਾਅਵਾਰ ਢੰਗ ਨਾਲ 150 ਤੋਂ ਵੱਧ ਰੂਟਾਂ 'ਤੇ ਅਨੁਸੂਚਿਤ ਅੰਤਰਰਾਸ਼ਟਰੀ ਉਡਾਣਾਂ ਮੁੜ ਸ਼ੁਰੂ ਕਰੇਗੀ।
2 ਸਾਲਾਂ ਲਈ ਮੁਅੱਤਲ ਕਰ ਕੀਤੀਆਂ ਗਈਆਂ ਸਨ ਉਡਾਣਾਂ
ਇੰਡੀਅਨ ਏਅਰਲਾਈਨਜ਼ ਨੇ ਐਤਵਾਰ ਨੂੰ ਇਕ ਬਿਆਨ 'ਚ ਇਸ ਦੀ ਜਾਣਕਾਰੀ ਦਿੱਤੀ। ਭਾਰਤ ਦੀਆਂ ਅੰਤਰਰਾਸ਼ਟਰੀ ਉਡਾਣਾਂ ਐਤਵਾਰ ਤੋਂ ਮੁੜ ਸ਼ੁਰੂ ਹੋ ਗਈਆਂ ਹਨ। ਕੋਰੋਨਾ ਵਾਇਰਸ ਮਹਾਮਾਰੀ ਕਾਰਨ ਅੰਤਰਰਾਸ਼ਟਰੀ ਉਡਾਣਾਂ ਲਗਭਗ ਦੋ ਸਾਲਾਂ ਤੋਂ ਮੁਅੱਤਲ ਸਨ।
27 ਮਾਰਚ ਤੋਂ ਸ਼ੁਰੂ ਹੋ ਗਈ ਹੈ ਕਾਰਵਾਈ
ਇਸ ਦੋ ਸਾਲਾਂ ਦੇ ਅਰਸੇ ਦੌਰਾਨ ਵੱਖ-ਵੱਖ ਦੇਸ਼ਾਂ ਦੇ ਨਾਲ ਹਵਾਈ ਪ੍ਰਬੰਧਾਂ ਦੇ ਤਹਿਤ ਸੀਮਤ ਗਿਣਤੀ ਵਿੱਚ ਅੰਤਰਰਾਸ਼ਟਰੀ ਉਡਾਣਾਂ ਚੱਲ ਰਹੀਆਂ ਸਨ। ਦੇਸ਼ ਦੀ ਸਭ ਤੋਂ ਵੱਡੀ ਏਅਰਲਾਈਨ ਇੰਡੀਗੋ ਨੇ ਕਿਹਾ ਕਿ ਥਾਈਲੈਂਡ ਵਿੱਚ ਮੰਜ਼ਿਲਾਂ ਲਈ ਨਿਰਧਾਰਤ ਸੰਚਾਲਨ 27 ਮਾਰਚ ਤੋਂ ਸ਼ੁਰੂ ਹੋ ਗਿਆ ਹੈ।
ਇਨ੍ਹਾਂ ਰੂਟਾਂ 'ਤੇ ਚੱਲਣਗੀਆਂ ਉਡਾਣਾਂ
ਏਅਰਲਾਈਨ ਦੀਆਂ ਅੰਤਰਰਾਸ਼ਟਰੀ ਉਡਾਣਾਂ ਦਿੱਲੀ, ਅਹਿਮਦਾਬਾਦ, ਮੁੰਬਈ, ਚੇਨਈ, ਕੋਲਕਾਤਾ, ਬੈਂਗਲੁਰੂ, ਲਖਨਊ, ਹੈਦਰਾਬਾਦ, ਅੰਮ੍ਰਿਤਸਰ, ਕੋਜ਼ੀਕੋਡ, ਕੋਚੀ, ਚੰਡੀਗੜ੍ਹ, ਤਿਰੂਚਿਰਾਪੱਲੀ, ਤਿਰੂਵਨੰਤਪੁਰਮ ਅਤੇ ਮੰਗਲੁਰੂ ਤੋਂ ਸੰਚਾਲਿਤ ਹੋਣਗੀਆਂ। ਇੰਡੀਗੋ ਦੇ ਅੰਤਰਰਾਸ਼ਟਰੀ ਸਥਾਨ ਦਮਾਮ, ਕੁਵੈਤ, ਅਬੂ ਧਾਬੀ, ਸ਼ਾਰਜਾਹ, ਜੇਦਾਹ, ਰਿਆਧ, ਦੋਹਾ, ਬੈਂਕਾਕ, ਫੁਕੇਟ, ਸਿੰਗਾਪੁਰ, ਕੋਲੰਬੋ, ਦੁਬਈ, ਕਾਠਮੰਡੂ, ਮਾਲਦੀਵ ਅਤੇ ਢਾਕਾ ਹਨ।
150 ਤੋਂ ਵੱਧ ਰੂਟਾਂ 'ਤੇ ਕੀਤਾ ਜਾਵੇਗਾ ਚਾਲੂ
ਏਅਰਲਾਈਨ ਨੇ ਕਿਹਾ ਕਿ ਅਪ੍ਰੈਲ ਵਿਚ ਪੜਾਅਵਾਰ ਤਰੀਕੇ ਨਾਲ 150 ਤੋਂ ਵੱਧ ਰੂਟਾਂ 'ਤੇ ਅੰਤਰਰਾਸ਼ਟਰੀ ਉਡਾਣਾਂ ਸ਼ੁਰੂ ਕੀਤੀਆਂ ਜਾਣਗੀਆਂ। ਇਨ੍ਹਾਂ ਤੋਂ ਇਲਾਵਾ ਇੰਡੀਗੋ ਨੇ ਮਸਕਟ ਅਤੇ ਕੁਆਲਾਲੰਪੁਰ ਲਈ ਟਿਕਟਾਂ ਦੀ ਬੁਕਿੰਗ ਸ਼ੁਰੂ ਕਰ ਦਿੱਤੀ ਹੈ। ਇਨ੍ਹਾਂ ਦੋਵਾਂ ਮੰਜ਼ਿਲਾਂ ਲਈ ਸੰਚਾਲਨ ਮਈ ਵਿਚ ਸ਼ੁਰੂ ਹੋਵੇਗਾ। ਇਸ ਤੋਂ ਇਲਾਵਾ ਇਸਤਾਂਬੁਲ ਲਈ ਵੀ ਬੁਕਿੰਗ ਸ਼ੁਰੂ ਕਰ ਦਿੱਤੀ ਗਈ ਹੈ ਜਿੱਥੇ ਜੂਨ 'ਚ ਸੰਚਾਲਨ ਸ਼ੁਰੂ ਹੋ ਜਾਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
