ਕੋਰੋਨਾ ਦੇ ਕਹਿਰ 'ਚ ਮਹਿੰਗਾਈ ਦੀ ਵੱਡੀ ਮਾਰ, ਤੇਲ ਹੋਏ ਦੁੱਗਣੇ ਮਹਿੰਗੇ
ਕੋਰੋਨਾ ਕਾਲ ’ਚ ਖਾਣ-ਪੀਣ ਦੀਆਂ ਵਸਤਾਂ ਦੀਆਂ ਕੀਮਤਾਂ ਤੇਜ਼ੀ ਨਾਲ ਵਧਦੀਆਂ ਜਾ ਰਹੀਆਂ ਹਨ। ਸਬਜ਼ੀਆਂ, ਫਲਾਂ, ਦਾਲਾਂ ਦੇ ਨਾਲ-ਨਾਲ ਖ਼ੁਰਾਕੀ ਤੇਲ ਦੀ ਮਹਿੰਗਾਈ ਆਮ ਲੋਕਾਂ ਨੂੰ ਪ੍ਰੇਸ਼ਾਨ ਕਰ ਰਹੀ ਹੈ। ਹਾਲਾਤ ਇਹ ਹਨ ਕਿ ਪਿਛਲੇ ਇੱਕ ਸਾਲ ’ਚ ਖ਼ੁਰਾਕੀ ਤੇਲਾਂ ਦੀਆਂ ਕੀਮਤਾਂ ਲਗਭਗ ਦੁੱਗਣੀਆਂ ਵਧ ਗਈਆਂ ਹਨ। ਦੇਸ਼ ’ਚ ਪੈਕੇਟ-ਬੰਦ ਫ਼ੂਡ ਜਿਵੇਂ ਬਿਸਕੁਟ, ਬੇਕਰੀ ਉਤਪਾਦ ਤੇ ਹੋਰ ਚੀਜ਼ਾਂ ਵਿੱਚ ਪਾਮ ਤੇਲ ਦਾ ਇਸਤੇਮਾਲ ਹੁੰਦਾ ਹੈ।
ਚੰਡੀਗੜ੍ਹ: ਕੋਰੋਨਾ ਕਾਲ ’ਚ ਖਾਣ-ਪੀਣ ਦੀਆਂ ਵਸਤਾਂ ਦੀਆਂ ਕੀਮਤਾਂ ਤੇਜ਼ੀ ਨਾਲ ਵਧਦੀਆਂ ਜਾ ਰਹੀਆਂ ਹਨ। ਸਬਜ਼ੀਆਂ, ਫਲਾਂ, ਦਾਲਾਂ ਦੇ ਨਾਲ-ਨਾਲ ਖ਼ੁਰਾਕੀ ਤੇਲ ਦੀ ਮਹਿੰਗਾਈ ਆਮ ਲੋਕਾਂ ਨੂੰ ਪ੍ਰੇਸ਼ਾਨ ਕਰ ਰਹੀ ਹੈ। ਹਾਲਾਤ ਇਹ ਹਨ ਕਿ ਪਿਛਲੇ ਇੱਕ ਸਾਲ ’ਚ ਖ਼ੁਰਾਕੀ ਤੇਲਾਂ ਦੀਆਂ ਕੀਮਤਾਂ ਲਗਭਗ ਦੁੱਗਣੀਆਂ ਵਧ ਗਈਆਂ ਹਨ। ਦੇਸ਼ ’ਚ ਪੈਕੇਟ-ਬੰਦ ਫ਼ੂਡ ਜਿਵੇਂ ਬਿਸਕੁਟ, ਬੇਕਰੀ ਉਤਪਾਦ ਤੇ ਹੋਰ ਚੀਜ਼ਾਂ ਵਿੱਚ ਪਾਮ ਤੇਲ ਦਾ ਇਸਤੇਮਾਲ ਹੁੰਦਾ ਹੈ।
ਉਨ੍ਹਾਂ ਦੀਆਂ ਕੀਮਤਾਂ ਵੀ ਛੇਤੀ ਵਧ ਸਕਦੀਆਂ ਹਨ। ਭਾਰਤ ’ਚ ਹੋਟਲਾਂ, ਰੈਸਟੋਰੈਂਟਾਂ ਆਦਿ ਵਿੱਚ ਪਾਮ ਆੱਇਲ ਦੀ ਵਰਤੋਂ ਹੁੰਦੀ ਹੈ। ਦਰਾਮਦਸ਼ੁਦਾ ਪਾਮ ਆਇਲ ਮਹਿੰਗਾ ਹੋਣ ਕਾਰਣ ਖ਼ੁਰਾਕੀ ਤੇਲ ਹੋਰ ਮਹਿੰਗਾ ਹੋਣ ਦਾ ਖ਼ਦਸ਼ਾ ਹੈ।
ਪਿਛਲੇ ਇੱਕ ਸਾਲ ਦੌਰਾਨ ਪਾਮ, ਮੂੰਗਫਲੀ, ਸੂਰਜਮੁਖੀ ਤੇ ਸਰ੍ਹੋਂ ਦੇ ਤੇਲ ਦੀਆਂ ਕੀਮਤਾਂ ਦੁੱਗਣੀਆਂ ਵਧ ਗਈਆਂ ਹਨ। ਮਈ 2020 ’ਚ ਪਾਮ ਆਇਲ ਦੀ ਕੀਮਤ 76 ਰੁਪਏ ਪ੍ਰਤੀ ਲਿਟਰ ਸੀ ਪਰ ਇੱਕ ਸਾਲ ਬਾਅਦ ਹੀ ਇਸ ਦੀ ਕੀਮਤ ਦੁੱਗਣੀ ਹੋਈ ਗਈ। ਮਈ 2020 ’ਚ ਮੂੰਗਫ਼ਲੀ ਦੇ ਤੇਲ ਦੀ ਕੀਮਤ 120 ਰੁਪਏ ਪ੍ਰਤੀ ਕਿਲੋਗ੍ਰਾਮ ਸੀ ਪਰ ਮਈ 2021 ’ਚ ਇਹ 196 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੋ ਗਈ।
ਖ਼ੁਰਾਕੀ ਤੇਲ ਦੇ ਕਾਰੋਬਾਰ ਨਾਲ ਜੁੜੇ ਲੋਕਾਂ ਦਾ ਕਹਿਣਾ ਹੈ ਕਿ ਕੌਮਾਂਤਰੀ ਬਾਜ਼ਾਰ ’ਚ ਖ਼ੁਰਾਕੀ ਤੇਲ ਦੀਆਂ ਕੀਮਤਾਂ ਅਸਮਾਨਾਂ ਨੂੰ ਛੋਹ ਰਹੀਆਂ ਹਨ, ਜਿਸ ਕਾਰਣ ਭਾਰਤ ’ਚ ਵੀ ਇਹ ਕੀਮਤਾਂ ਵਧ ਗਈਆਂ ਹਨ।
ਮਾਹਿਰਾਂ ਅਨੁਸਾਰ ਚੀਨ ਵੀ ਵੱਡੇ ਪੱਧਰ ਉੱਤੇ ਕੌਮਾਂਤਰੀ ਬਾਜ਼ਾਰ ਤੋਂ ਖ਼ੁਰਾਕੀ ਤੇਲ ਖ਼ਰੀਦ ਰਿਹਾ ਹੈ, ਇਸ ਲਈ ਵੀ ਕੀਮਤਾਂ ਵਧ ਰਹੀਆਂ ਹਨ। ਖ਼ੁਰਾਕੀ ਤੇਲ ਦੀ ਮਹਿੰਗਾਈ ਆਮ ਲੋਕਾਂ ਲਈ ਆਫ਼ਤ ਬਣਦੀ ਜਾ ਰਹੀ ਹੈ।
ਹਾਲੇ ਪੈਕੇਟ ਬੰਦ ਫ਼ੂਡ ਦੀਆਂ ਕੀਮਤਾਂ ਵਿੱਚ ਵੀ ਵਾਧਾ ਹੋਣ ਵਾਲਾ ਹੈ ਕਿਉਂਕਿ ਪੈਕੇਟ ਬੰਦ ਖਾਣੇ ਵਿੱਚ ਵੱਡੇ ਪੱਧਰ ਉੱਤੇ ਪਾਮ ਆੱਇਲ ਦੀ ਹੀ ਵਰਤੋਂ ਹੁੰਦੀ ਹੈ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
