LPG ਬੁਕਿੰਗ ਨੂੰ ਲੈ ਕੇ ਆਇਆ ਨਵਾਂ ਨਿਯਮ, ਜਾਣੋ ਮਹੀਨੇ 'ਚ ਕਿੰਨੇ ਗੈਸ ਸਿਲੰਡਰ ਬੁੱਕ ਕਰਵਾ ਸਕਦੇ ਹੋ ?
LPG Cylinder Booking : ਪੱਛਮੀ ਏਸ਼ੀਆ ਵਿੱਚ ਚੱਲ ਰਹੇ ਤਣਾਅ ਦੇ ਵਿਚਕਾਰ ਗੈਸ ਦੀ ਸਪਲਾਈ ਹਰ ਘਰ ਤੱਕ ਬਿਨ੍ਹਾਂ ਨਿਰਵਿਘਨ ਪਹੁੰਚਦੀ ਰਹੀ। ਇਸ ਦੇ ਲਈ ਸਰਕਾਰ ਨੇ ਕੁੱਝ ਨਿਯਮ ਤੈਅ ਕੀਤੇ ਹਨ।
LPG Cylinder Booking : ਪੱਛਮੀ ਏਸ਼ੀਆ ਵਿੱਚ ਚੱਲ ਰਹੇ ਤਣਾਅ ਦੇ ਵਿਚਕਾਰ ਗੈਸ ਦੀ ਸਪਲਾਈ ਹਰ ਘਰ ਤੱਕ ਬਿਨ੍ਹਾਂ ਨਿਰਵਿਘਨ ਪਹੁੰਚਦੀ ਰਹੀ। ਇਸ ਦੇ ਲਈ ਸਰਕਾਰ ਨੇ ਕੁੱਝ ਨਿਯਮ ਤੈਅ ਕੀਤੇ ਹਨ। ਇਨ੍ਹਾਂ ਨਿਯਮਾਂ ਦੀ ਜਾਣਕਾਰੀ ਐਲਪੀਜੀ ਦੀ ਵਰਤੋਂ ਕਰਨ ਵਾਲੇ ਹਰੇਕ ਗਾਹਕ ਨੂੰ ਹੋਣੀ ਚਾਹੀਦੀ ਹੈ। ਭਾਰਤ ਪੈਟਰੋਲੀਅਮ ਕਾਰਪੋਰੇਸ਼ਨ ਲਿਮਟਿਡ (BPCL) ਦੁਆਰਾ ਨਿਰਧਾਰਤ ਨਵੇਂ ਨਿਯਮਾਂ ਦੇ ਅਨੁਸਾਰ ਇੱਕ ਆਮ ਨਾਗਰਿਕ ਇੱਕ ਮਹੀਨੇ ਵਿੱਚ ਵੱਧ ਤੋਂ ਵੱਧ ਦੋ ਸਿਲੰਡਰ ਬੁੱਕ ਕਰ ਸਕਦਾ ਹੈ।
ਜੇਕਰ ਕੋਈ ਗਾਹਕ ਇਸ ਸੀਮਾ ਤੋਂ ਵੱਧ ਸਿਲੰਡਰ ਬੁੱਕ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ ਤਾਂ ਸਿਸਟਮ ਉਨ੍ਹਾਂ ਦੀ ਬੁਕਿੰਗ ਨੂੰ ਬਲੌਕ ਕਰ ਸਕਦਾ ਹੈ ਜਾਂ ਵਾਧੂ ਵੈਰੀਫਿਕੇਸ਼ਨ ਦੀ ਪ੍ਰਕਿਰਿਆ ਸ਼ੁਰੂ ਹੋ ਸਕਦੀ ਹੈ। ਸਰਕਾਰ ਪ੍ਰਤੀ ਵਿੱਤੀ ਸਾਲ (ਜੋ ਕਿ 1 ਅਪ੍ਰੈਲ ਤੋਂ 31 ਮਾਰਚ ਤੱਕ ਚੱਲਦਾ ਹੈ) 12 ਸਬਸਿਡੀ ਵਾਲੇ ਸਿਲੰਡਰ ਪ੍ਰਦਾਨ ਕਰਦੀ ਹੈ। ਇਸ ਕੋਟੇ ਤੋਂ ਇਲਾਵਾ ਗਾਹਕ ਲੋੜ ਪੈਣ 'ਤੇ ਤਿੰਨ ਵਾਧੂ ਗੈਰ-ਸਬਸਿਡੀ ਵਾਲੇ ਸਿਲੰਡਰ ਖਰੀਦ ਸਕਦੇ ਹਨ। ਇਸਦਾ ਮਤਲਬ ਹੈ ਕਿ ਪ੍ਰਤੀ ਸਾਲ ਪ੍ਰਤੀ ਕੁਨੈਕਸ਼ਨ ਵੱਧ ਤੋਂ ਵੱਧ 15 ਸਿਲੰਡਰ ਬੁੱਕ ਕੀਤੇ ਜਾ ਸਕਦੇ ਹਨ।
ਨਵੇਂ ਨਿਯਮਾਂ ਵਿੱਚ ਇਹ ਗੱਲਾਂ ਵੀ ਸ਼ਾਮਲ
ਦੂਜਾ ਸਿਲੰਡਰ ਪਹਿਲੇ ਸਿਲੰਡਰ ਤੋਂ ਠੀਕ 21 ਦਿਨਾਂ ਬਾਅਦ ਬੁੱਕ ਕੀਤਾ ਜਾ ਸਕਦਾ ਸੀ ਪਰ ਹੁਣ ਇਸ ਸਮੇਂ ਦੀ ਮਿਆਦ 25 ਦਿਨਾਂ ਤੱਕ ਵਧਾ ਦਿੱਤੀ ਗਈ ਹੈ। ਇਸਦਾ ਮਤਲਬ ਹੈ ਕਿ ਤੁਹਾਨੂੰ ਆਪਣਾ ਅਗਲਾ ਸਿਲੰਡਰ ਬੁੱਕ ਕਰਨ ਤੋਂ ਪਹਿਲਾਂ ਥੋੜ੍ਹਾ ਹੋਰ ਇੰਤਜ਼ਾਰ ਕਰਨਾ ਪਵੇਗਾ।
ਭਾਰਤ ਪੈਟਰੋਲੀਅਮ ਕਾਰਪੋਰੇਸ਼ਨ ਲਿਮਟਿਡ (BPCL) ਨੇ ਵਾਧੂ ਸਿਲੰਡਰ ਬੁੱਕ ਕਰਨ ਲਈ ਇੱਕ ਨਵਾਂ ਸਿਸਟਮ ਸ਼ੁਰੂ ਕੀਤਾ ਹੈ। ਜੇਕਰ ਤੁਸੀਂ ਪਹਿਲਾਂ ਹੀ 12 ਸਿਲੰਡਰਾਂ ਦਾ ਆਪਣਾ ਸਾਲਾਨਾ ਕੋਟਾ ਖਤਮ ਕਰ ਲਿਆ ਹੈ ਪਰ ਫਿਰ ਵੀ ਹੋਰ ਬੁੱਕ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਕੁਝ ਮਹੱਤਵਪੂਰਨ ਜਾਣਕਾਰੀ ਪ੍ਰਦਾਨ ਕਰਨ ਦੀ ਜ਼ਰੂਰਤ ਹੋਏਗੀ। ਅਜਿਹਾ ਕਰਨ ਲਈ ਤੁਹਾਨੂੰ 'Hello BPCL' ਮੋਬਾਈਲ ਐਪਲੀਕੇਸ਼ਨ ਦੀ ਵਰਤੋਂ ਕਰਨ ਦੀ ਜ਼ਰੂਰਤ ਹੋਏਗੀ। ਇਹ ਐਪ ਤੁਹਾਨੂੰ ਕਈ ਸਵਾਲ ਪੁੱਛੇਗੀ, ਜਿਵੇਂ ਕਿ:
ਕੀ ਤੁਹਾਡੇ ਘਰ ਕੋਈ ਪਰਿਵਾਰਕ ਸਮਾਗਮ ਹੈ, ਜਿਵੇਂ ਕਿ ਵਿਆਹ ਜਾਂ ਕੋਈ ਖਾਸ ਸਮਾਗਮ?
ਮਹਿਮਾਨਾਂ ਦੀ ਅੰਦਾਜ਼ਨ ਗਿਣਤੀ ਕਿੰਨੀ ਹੈ?
ਇਨ੍ਹਾਂ ਸਵਾਲਾਂ ਦੇ ਤੁਹਾਡੇ ਜਵਾਬਾਂ ਦੇ ਆਧਾਰ 'ਤੇ ਇਹ ਨਿਰਧਾਰਤ ਕੀਤਾ ਜਾਵੇਗਾ ਕਿ ਤੁਸੀਂ ਵਾਧੂ ਸਿਲੰਡਰ ਲਈ ਯੋਗ ਹੋ ਜਾਂ ਨਹੀਂ।
ਇਨ੍ਹਾਂ ਗੱਲਾਂ ਨੂੰ ਵੀ ਧਿਆਨ ਵਿੱਚ ਰੱਖੋ:
ਹੁਣ ਸਿਲੰਡਰ ਦੀ ਡਿਲੀਵਰੀ ਸਮੇਂ ਤੁਹਾਡੇ ਰਜਿਸਟਰਡ ਨੰਬਰ 'ਤੇ ਇੱਕ OTP ਭੇਜਿਆ ਜਾਵੇਗਾ। ਤੁਸੀਂ ਡਿਲੀਵਰੀ ਕਰਨ ਵਾਲੇ ਵਿਅਕਤੀ ਨਾਲ ਇਸ ਕੋਡ ਨੂੰ ਸਾਂਝਾ ਕਰਨ ਤੋਂ ਬਾਅਦ ਹੀ ਸਿਲੰਡਰ ਪ੍ਰਾਪਤ ਕਰ ਸਕੋਗੇ।
ਸਿਲੰਡਰ ਬੁਕਿੰਗ ਸਿਰਫ਼ ਤੁਹਾਡੇ ਰਜਿਸਟਰਡ ਮੋਬਾਈਲ ਨੰਬਰ ਦੀ ਵਰਤੋਂ ਕਰਕੇ ਕੀਤੀ ਜਾ ਸਕਦੀ ਹੈ। ਰਜਿਸਟਰਡ ਮੋਬਾਈਲ ਨੰਬਰ ਤੋਂ ਬਿਨਾਂ ਬੁਕਿੰਗ ਲਗਭਗ ਅਸੰਭਵ ਹੈ। ਜੇਕਰ ਤੁਹਾਡਾ ਪੁਰਾਣਾ ਨੰਬਰ ਬਦਲ ਗਿਆ ਹੈ ਤਾਂ ਤੁਹਾਨੂੰ ਇਸਨੂੰ ਏਜੰਸੀ 'ਤੇ ਜਾਂ ਐਪ ਰਾਹੀਂ ਅੱਪਡੇਟ ਕਰਨਾ ਚਾਹੀਦਾ ਹੈ।
ਸਰਕਾਰ ਨੇ ਸਾਰੇ ਘਰੇਲੂ ਗੈਸ ਖਪਤਕਾਰਾਂ ਲਈ ਈ-ਕੇਵਾਈਸੀ ਲਾਜ਼ਮੀ ਕਰ ਦਿੱਤਾ ਹੈ। ਜਿਨ੍ਹਾਂ ਦੇ ਕੇਵਾਈਸੀ ਅੱਪਡੇਟ ਨਹੀਂ ਹਨ, ਉਨ੍ਹਾਂ ਨੂੰ ਸਬਸਿਡੀ ਫ੍ਰੀਜ਼ ਜਾਂ ਬੁਕਿੰਗ ਵਿੱਚ ਮੁਸ਼ਕਲ ਆ ਸਕਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
